¹ Naru, una'ara poropeti hinikuka Kotira bainti nahenti abutana obarura. Mintiro aima bairo una'ara tisauka ma nii abutana obarima una'ara ubama nii tiba nimiba nee mara ura ututara bara orai'ireka. Bika una tiha bara Nora tauba'a utu miatera bika kumi ko'ai ibai baintira. ² Airu bainti ma nai ora okara abatai manta birara bainti u'a uba abate baria arara ruhara ubama tiba. ³ Bika abu auri ra'ita okarara, bika uba tiha monu minta hikama bika ihai bareba. Aumantaka ma Kotiba bika ko nimira bika kakakima bibara. ⁴ Kotiba kiabu kaimanta ankero kumi mintura. Kiabe. Biba bika kantarua bebanto ira konkira ira kaimanta bika ko entara bekai iabo. ⁵ Naru bata, bainti nahenti Kotira tauba'a utu amiaka biba bika kia a'irakai manta buara. Kia. Biba nora namai aubitai manta bika bira ira kakakura. Ibaro Noara biba raikura, biba abu abu bainti bano 7ninabu batakero. ⁶ Kotiba Sotomu bata Gomora tauni bata uba tiharo orai'a buane tibo nora iha bano ita kaibo karampa aii baura. Ma bihaikara bira raurira ubama bainti nahentini Kotira tauba'a utu amireka ika. ⁷ Lotiba biba abu abu bainti bano, bainti nahenti pamuku okara tabero nora mara baraira. ⁸ Biba abu abu bainti bano bika abutana baiharo iriharo tabeharo bika ora okara airu enta bika mintuara nai arara ira aiha bira barebaira. ⁹ Nora bano tabama tero ara bainti tintaina nai bira okara abataka mara ihai aii'a biba tabamatero ara ora miakara ora okara mintiaka nimiainara nora ko ata. ¹⁰ Bainti nai ora okara abate bariaka bika ora miakarama bareba. Bika kiabu bo enta piri etara Kotira ankerora ora uba tireka. ¹¹ Ankero bika bo'a batama aikaro bate battai haina bainti atarake. Imanta bika kiabu bikara ora uba tiha tinta bare buru Kotira ata ko nimi. ¹² Mintia baintika baireka antau bahi kia abu ato bariaka battai bainti bika wata bare aru aii kebara. Bika orai'a ima bibara, bira nanarae, bika bira kiabu ma tabe taraie ora uba tiara. ¹³ Bika ora miakara ma bareba nai bobo ora okara mintira aba'ake. Bika kuari ata kara namai airu amake neha birara wahara okarabe. Bika naima bara konkomai ake aii'a bara orai iabo. ¹⁴ Bika nahenti abu'auri ra'iteha pamuku okara mintireka. Bira baireba bika kiabu ma ora okara ho'iabo. Bika bainti kiabu kekauke mara ura utuaka raraukeha kumi mintua tera. Bika baka irirahika bare kumi mintiha abu'auri ra'itera, ibaro Kotiba bika bara hahu aruama kanaro. ¹⁵ Mintia baintika baireka ara Kotira abatebariara atarakabo aii'a bika kiabu Kotira abu ata abu abu abi baireka bira Kotiba antu arinteke. Bika Balamira Beora ma'u okara abatareke, haru mintura. Biba ora okara bira mintura bira atahiro ko'a barareba. ¹⁶ Ibaro Kotiba kekau kero tiharo bira bara abu abu akareba ora okara bainti una tibaira. Kotiba mintibo donki bano bainti bo'arakero uba tira bira biba bii okara minti baira a'irakairera. ¹⁷ Bainti bika baireka noruba namari aharuka bira bo'aka bata aii'a tonabu ubai bano hampi buata buruke birike inteke kiabu a'u obariaka. Kotiba bika konkira batuka heno'ama nimitai bo bariatera. ¹⁸ Bika una uba ata nai bara tuahereha, ibaro bika uba kiabu kara obaribaira. Bika bainti bate bi'ana ora okara tutakaka rarauriha pamuku okara mintiatera. ¹⁹ Bainti bika tiha, nee tinabu abataibera nee pirima baiba. Imanta bika nai baireka ora okara orai'a buainara kai'a bainti. Bainti bobano a'irakairo bo haika bano bira raiki tairera, biba baireba bii haikara kai'a bainti ma barianaro. ²⁰ Bika ko'e abu ato tinabu Nora Ihu Karaitira ihai baraibera aii'a bika atarama keba battai haina ora okara bano bika bara hahu aruakareba ira. Bika anirante bii okarara kalabusi baibera, bira bika orahaba baiba. ²¹ Bira hobe, bira homa baitiri bika kiabu ara abu abu abi bariara Kotira abu ata tabare tiareti, imanta bateta bika tabatema aii'a bika Kotiba nimi lora tauba'a utu ami. ²² Ma bii ubaba mintiakero baibo, "Bairi bano buru bihi keharo aii'a anirantero oru naira aii'a wara bano namari tuntu kero aii'a aniranteharo oru hora ira tuanta ta'anta ibaira."