¹ Tee Saimon Pitaka, Ihu Karaitira kai'a bainti, tere aposel kubaitai kabe. Tere ma bii arara bara kauro nini taukae Karaitirai mara urai iakaini bira boha arakero tenabu aposolu bo'ara Ihu Karaitira ata mara urai unara. Are bata tenabu bata boha ari mara urara utute aii'a Kotira abu abu okara aii'a Ihu Karaitira tinabu bitai baintira. ² Ha'uru itara bano bata iha'a bikoka bano arini norai iro Kotika Ihu Karaitika amu'i irirahika bano tinabuni barianaro. ³ Tenabu antu'aruna Kotiba eka bira timira,abu abu abi baiha mara ura eka enta baira bairera Kotira irirahika ata,tinabu kubai nora autu nohairo bata nai aikaro batakero. ⁴ ma bihaikara biba tinabu amu'i akero aii'a abuhaina poromisi timira mintira ko'ehaika miakara. ⁵ Bira nanarae, are abuhainara ko'e okara mintira bara nena mara ura utu tana numi'era aii'a ko'e okara ko'e irirahika nohaira obaraka. ⁶ Ko'e irirahika batakera ,are baata antu'a abu abu iha aii'a baata antu'a abu abu ibaria okara batakera, are aihabira barera bira aiha barebaria okara batakera, Kotira abu abu okara obaramaka. ⁷ Kotira abu abu okara batake, ata bakauka ko'e iane baintiara antu ari baria okarara batakera. ⁸ Ma bihaikaba eka ai'ira baiharo norai abirera, are kiabu ma umina bainara are airu karama obarinara Ihu Karaitira irirara nohaira. ⁹ Ibaro tabae kiabu ma bihaikara bataiba, biba kiabu ma ho tabanaro, bira nanarae biba abu orai'a buaka bo'abama biba tauru kero Karaitiba bira kumi hi'airara. ¹⁰ Mintibo ata bakaukabe, abuhaina okara are mintina mintia kero baibo, Kotira arara nenai ko'e kera tabatane biba ari nai kai'a bainti bo'ara kubai taibo, are mintiakera irera kiabu ma hi'irinara. ¹¹ Bii arara ata, airu hika bano ma entana baibo bira aiho airu enta bariara bare bariana Nora kindomu ira bira tabae tinabu bitai baintira bira Ihu Karaitira. ¹² Minti manta tere eka entama hena abi bihaikarara tiainara, are tabatai'e bata, aii'a are uba bira kekau kera bira ira bai'e bata u'a uba bateta watanara. ¹³ Bira ko'e hama tere iruro bairo, tere a'i seri nabu ira baiha, bara aii'a uri himpi karira bii haikarara tiba amiaira irianera be bihaikarara. ¹⁴ Bira nanarae tere tabauro aumantaka ma tere utuana, bira nanarae tinabu Nora Ihu Karaitiba tiri mintia kero u'mi aibo. ¹⁵ Minti manta, tere eka aikaro batema ma arara aranturo, bira are tiriara irianera utu buarira. ¹⁶ Tenabu aposolu ari mintiake tiba amuro, tinabu Nora Ihu Karaitiba nora aikaro bataba aii'a biba bo enta tubuanarobe. Tenabu bira kiabu umina buri uba auma abate bauro. Kiabe. Tenabu tentanabu abu ihai tabau nara Nora Ihuba biba nora aikaro bata kempuka bata bataira. ¹⁷ Nora Kotiba tinabu oba, biba bira nora autu amiro aii'a Kotira oba bano atama kaira biba baira ata ibaro biba mintia kero tiharo, " Ma baintira Tiri Baaintibe, bira bo'amake antu arunarabe; aii'a birara wahauro." ¹⁸ Tenabu iruro Kotiba mintia kero tira, tenabu Ihura batake taku'ira ai'ina ata bauraro. ¹⁹ Tenabu mara ura utunarabe naru poropeti Karaitirara araruatara. Kempukai akera watane nana uba bika araruatara, bira nanarae biba baireba obama konkira ira atamakaira bainti nahenti tabeha buatera. Bii obaba a'i ite bairo to'a ira opu makau bano nii bikoka ihairo obarianaro. ²⁰ Eka hika benta'a, are bira tabane kiabu bo poropeti uba bano bo bainti nai irirahika ata obaribairabe. ²¹ Bira nanarae, kiabu bo poropeti uba banora bainti antu'a ata obaribaro bainti bano bira tira. Kiabube. Bainti taukae Kotira Kempuka Aiho ira pi'aka, bii baintika i Kempuka Aiho bano uri himpi kebai manta Kotira uba tibariara. Mintibo Kotira Aiho bano tinabu Aiho kaho iro Kotira uba tabatera.