¹ Tenabu tabauro batai haina baataha'i tenabu bauraba orai'abi'e, Kotiba bo naabu tinabu timiaina baibo. Bi nabura kia bainti ka'u bano ka'a tairaube, mintiro bi nabuba eka enta eka entama baria narobe, biba naru bainima baibo. ² Seri naabu bira'ira tenabu baiha, tenabu aiha hikama barebauro, tenabu bo'akema antu'aruro Kotiba tinabu naru baihaina baata nohairo tinabu bahehe kainara. ³ Tenabu bira naru baihaina bahehera bo'akema antu'aruro, bira nanare tenabu utaba'a kia nonkiraiti kia apapa barerabe. ⁴ Bira nanare tenabu seri nabu bira'i baiha, tenabu aiha hika bareha, mara barebauro. kia tenabu bahehe utaba'a bira bi'u karerabe. boha ariro baibo, tenabu antu aruro naru baihaina bahehe utaba'ano tinabu batake bariainara, mintiboma nanahika banoe batai haina hika bano orai'a buairaba orai'ama buanarobe. ⁵ Bainti tabae bi haikara'a tinabu heno'a kaiba biba nai Kotibabe, tabae Nai aiho timiro maki batero nana hika banoe anianara. ⁶ Mintira ne kempu kai'abi himpi bariate. Ne kankoke tabate tenabu batai ma baatara'i bauna, tenabu Nora niarai abima bauro. ⁷ Tenabu mara'ura ututema nibauro, bi haikara kia tenabu tabauna'abe. ⁸ Mintima tenabu kekaubi himpi bariaina aikarora batauro. Bira ko'ehabe tenabu ma batarai haina baata niarai'abi baiha Nora batake Narubaini bariare. ⁹ Mintma tenabu ara rantama tauro Nora tabaina, tenabu ma bataraie bariaina o narubaie bariaina. ¹⁰ Bira nanare tenabu eka Karaitira ko tainta'a i'ira'ama himpi bairabe, bohau bohau banoma ko'a barena nanahikae baata'a baiha mintina, nana hikae orahae o ko'ehae. ¹¹ Mintima Norara etaina tabaina, tenabu kempu kai'akema bainti nahentiara turo. Nana ara'a baihae Kotira abu'a a'ira'a bairabe. Te mara'urama uturo ni irira hikabano homa barianarobe. ¹² Kia tenabu niara kempu kai'ake tiai tinabu tabareka a'urihaka batake tabate nanare tenabu Kotira u'a kai'a baintibe. Boha arirobo, okara baiberama ne tinabuara bo'ake uahate turo, ne bata okara bairama taukae baata'a uahe baika tiba nimibabe, nanahikae auha'i kia bai haikarara uahebaika. ¹³ Tenabu nana hika mintire taukae kia ko'e irirahika bataka nanrake mintiaina, bira Kotira kai'abe; minti'e tenabu nanahika mintire taukae ko'e irira hika bataka nanrake mintiaina, bira ni kaha'iainabe. ¹⁴ Karaitira antu arirahikano mintia kaima tenabu bi kai'ara barebauro, bira nanare tenabu mantiakema mara'ura uturo, boha bainti bano'aima eka bainti nahentiara utibo, mintira eka bainti nahenti Bira batake utuate. ¹⁵ Biba eka bainti nahentiara utibo, mintira bainti nahenti taukae mara'ura baika kiama bika nai'ake baibarabe, bika mara'ura baireka ta baintibae bikara utiro a'i himpira bira batakema a'i mara'ura baibarabe. ¹⁶ Bi okararama, bate hairo biharo, kia tenabu bainti irira hika'ihai rairan teke rairare, baata'a tabeha, haru tenabu Karaitira ko amuna teke. Iboma bate kiama tenabu boha'ari arara'a bainti ko ami bauro. ¹⁷ Iboma, bo bainti bano karaitira'i bairaba, biba araka bainti banobe. Bika harua okara bano tai'ama bibo. Bate bika arakai'ama buabo ¹⁸ Eka bi haikaba Kotirai hairoma tubibo. Biba bihana mintia kero Karaitira'i Biba tinabu nai inaini'a kaibo. Biba tinabu bi kai'ara timira bainti bitabare Norai aniaina. ¹⁹ Mintiroma baibo, Karaitira'ira, Kotiba eka bainti nahenti Nai inainima bite ani baibo. Kiama biba bika ba'u haika kararibo, Kotiba tinabu bi kai'ara timiro bainti bitabare Nai inaini aniate tiro. ²⁰ Mintibo Kotiba tinabu makimi'a taira bainti Karaitira ma batarai makimi'a tantekero. Boha'ara keroma Kotiba tinabu'i bi kai'ara baraibo. Tenabu ni mantiakema irauro, Karaitira autu'a: "Ne Koti binaini orurante aniate! ²¹ Biba Karaitira kaibo tinabu kumi barairabe. Bi baintiba Karaitiba kia kumi bata minti baibabe. Biba mintiakai'e tenabu Kotira'a bata Karaitira'i bata abu abu abi bariare.