¹ mintima, tenabu ma kai'ara una Kotiba timiro barate tiberabe, boha'ara kema tenabu Kotira a'urihaka barauro, kiama tenabu bi kai'ara bareha tentanabu bara muntubi karabe. ² Mintiro baibo, nanahika banoe tinabu kaurira hika timiro tinabu kuke'a inara kiabema turo. Kiama tenabu una'ara okara'i bauro, kiama tenabu orai'ie o Kotira uba bara tu'antarauro, tenabu u'a uba a'ira'ama tibauro, baiti nahenti tinabu tabai'e Kotira abu'a abu abu okarama mintirabe. ³ Iboma, ma ko'e ubara tiairaba utaba'a'i kuke'abi bairera, biba kuke'abi baira taukae Kotira niaraini baiha ora hika bare kaini baibo. ⁴ Bika'ima, ma batarai haina una'ara kotiba bika irira hika tinta kaima Ihu Karaitira ko'e uba'a kia mara'ura utuabo. Bi okararama, bika Karaitira ko'e uba atairara kia tabebarabe, tabae biba Kotira mara'ura banobe. ⁵ Kia tenabu tenta nabuara turo, tenabu Ihu Karaitirara turo, biba Nora banobe, tenabu umina kai'a baintibe Karaitira autu'a. ⁶ Kotiba tabae tibo, "atairabano konkira'i hairo atama barero a'ini tubi taraira." Bi atairaba tinabu auha'i atai baibo, Ihu Karaitira a'urihitara'i Kotira ataira tabenabe. ⁷ Iboma ma bihaikara ko'e haikama tinabu'i baibo, bata Kure tabe'ira bo'ara. Biba ma nora kempuka bo'ara a'ira'ama obarai'a buanarobe, bira Koti bira baibo kia tinabu unaube. ⁸ Tenebu boara boarai haima mara rantauro, iboma biba kiama tinabu bara muntubi kaibo. Tinabu irira hikano kia kankoi iboma, kiama tenabu norai'ake iruro. ⁹ Bika tinabuni ora okara mintia boma Kotiba kiama tinabu tauba'a utu timibo. Bika tinabu ru'utuke bataboma kiama tenabu orai'a buro. ¹⁰ Eka enta, tenabu Ihura utira hikama tentanabu bata'a barebauro. ¹¹ Taukae tenabu a'i araka baurauka eka enta Ihura utira hika tentanabu bata'ama bare bauro, Ihura mara'ura banoma tinabu bata'i a'ira obrai ianarobe, ¹² Mintiro bi utira hikaba tinabu'i kai'ama baranarobe, Iboma Ihura mara'ura banoma ni'ira kai'a baranarobe. ¹³ Mintima tenabu mara'ura utibaria aihora boha'arira batauro, Kotira uba poropeti ararua tantekero: " Tenabu bata mara'urama uturo, mintima tenabu turo. ¹⁴ Tenabu tabauro tabae Nora Ihura a'i himpi kairaba tinabu bata Ihura batakero a'ima himpi kanarobe. Tenabu tabauro biba tinabu bata ni bata bitero Nai a'urihitara'i ori etanarobe. ¹⁵ Ekahika ni autu'a hinarabe, boha ariro baibo a'urihikano oru airu'iro, Kotira ko'erabe tihama bira bo'abata nora autu bini'uro. ¹⁶ Mintima tenabu kia tentanabu bara muntubi kare, u'a, tinabu baha'ai haina baata bano orai'a bire'ibo, tinabu auha bano eka enta arakai'ama ibaibo. ¹⁷ Bate abo entau'a, inara mara bano bata aihahika bano bata tinabu heno'a kai'e nora atairara'i eka enta baiha kia tai'aina batukara'i buaina. ¹⁸ Bira nanare tenabu kiama ma abuba tabai haikara tabauro, iboma ma abuba kia taibai haikarabe. Bira nanare abu bano tabaira hikaba tai'ama buanarobe, iboma nana hikae abu bano kia tabaira hikaba bi haikabama eka enta barianaro.