¹ Te Poluka, bo kai'a bainti Ihu Karaitiba nai antu'a'ata ti bita bataika, tinabu atabakara Timotira bata, Korinini Kotira bainti nahenti mono'i bariaka bata ararua nimitero, eka batuka Akaiai mara'ura utua bainti nahentika bata ararua nimitero. ² Kotira tinabu Ora a'urihakano bata tinabu Nora Ihu Karaitira iha'ara auhano bata ni hampata bariaire. ³ Tenabu Kotira autu bini'iare, Biba tinabu Nora Ihu Karaitira Obabe. Biba eka a'urihaka Obabe, biba eka iha'ara auha barebaria okarara minti baibabe. ⁴ Tinabu'a mara anibo Kotiba tinabu iha'ara auhama timibo, tenabu bata boha'arake taukae bomara bomara baraika iha'ara auha bare okarara tiba nimiare. Tenabu iha'ara auha bare okarara tinabu'a mara obaribo Kotiba mintina teke bo bainti nahenti bata tiba nimiare. ⁵ Karaitiba nora aihahika bata mara bata barero tinabu bitairabe. boha'ara keroa iha'ara auha bano Karaitirai hairo tinabuni bata tubibo. ⁶ Iboma tenabu mara barauna, Kotiba ni iha'ara auha nimiro Kotiba ni bitarebabe, mintiro Kotiba iha'ara auha baraina tinabu timirera, bira ni iha'ara auhabe. Ne iha'ara auha bare okaraba ne ko'eke kai'a bareha kempu kai'abi himpi mara bareha tenabu baraina teke. ⁷ Tenabu kempuka mara'ura mantiakema uturo, ne bata kempu kai'abi baiha bi marara baraibera, Kotiba ni iha'ara auha tinabu timintekero ni bata nimianarobe. ⁸ Bira nanare tenabu niara tabaterabe, ata bakauka, tenabu bauna'i nora mara Esiaini baibo. Tenabu nai nora mara'ima bauro, nai nora marabe kiama ho a'u bararabe, ora marama tenabu barebauro utubuairoma ho barianobe. ⁹ Bira'ira, boha'arakero siasiba tinabu himpitero utuate tikabe. Ibo biba tinabu mintiakaima kiama tenabu tenta nabu'a mara'ura utirabe, mintima tenabu Kotira'i aima mara'ura utirabe, tabae utubuaka uri himpike baibabe. ¹⁰ Kotiba tinabu orahika bano aru utu katara'i hairo bitairabe, biba anirantero tinabu bo enta bitanarobe. Tenabu tentabu mara'ura ututna Kotira'i batairo biba tinabu eka enta bitanarobe. ¹¹ Ni nunabu'ama Kotiba tinabu bitanarobe. Nantiara airu bainti nahentima Kotiba tiabuara a'urihitero tinabu tabero kaha'irara ko'erabe tibarabe, bira nanare airu bainti bainti nahenti tinabuara nunabu iabo. ¹² Tehanta ma bohahika birara bo'akema uahauro, tehanta abu abu okara mintiha u'a okara eka bainti nahentini mintibauro. Tehanta abu abu okara'i niha bi okaraba nai Kotirai hairo tubibo kia tehanta ma batarai haina bainti nahenti bo'ara bauro. Tehanta abu abu okara bao'abata nini minti bauna kia ma batarai haina irirahika'abe, iboma Kotira nai a'urihaka batakebe. ¹³ Kiama tehanta uba ni ararua nimitai ne kia ko'eke tabe barenteke ararua nimitarabe. Te tabauro, ¹⁴ Bo enta kiama ne te uba ararua nimitauna ko'eke tabe barabo, mintima te niara eka uba okara te ni ararua nimitauna ko'eke tabate turo, tinabu Nora Ihura enta ani'e tenabuma ni uahara okara bairabe, boha'ara kema ne bata tinabu uahara bo'arama baibarabe. ¹⁵ Nanare te kempuka irirahika mantiakema iruro, bi okarara baiberama te ni inaini ani irare tibe, tara enta te ni ani tabairo ko'e hikama nini obaria narobe. ¹⁶ Mesidoniani bireriha te ni ani tabema birabe. Nantiara Mesidonia a'irake bireriha, te ni e'a bata ani tabarabe, ne nantiarama ti Judiai barakai'e birabe. ¹⁷ Te bi ubara tatau tauna iruro, ne iri tiha tiriara popoheharo tiabo? Kia te batai haina baintika irira hika abatake uba tataururo, te "eo, eo" "kiabe, kiabe" tirabe, boha enta'i? ¹⁸ Iboma boha'ara kero Kotiba eka uba nai tibataira abatakero, kiama tenabu tara ubaha boha "eo"kiabe" tirabe. ¹⁹ Ma ubara Kotira Ma'u ubabe, bira Ihu karaitirabe, nantiara Silbanusrabe, Timotika tehanta ni abutana tibake turo,bira kiama "eo" "kiabe" tirabe. Kiama Karaitiba eka enta eo'ai tianobe. ²⁰ Karaitira'ira, eka Kotira ubabano "eo" ti ubara'ima baibo. Boha ariro Karaitira'i tenabu tiha "u'abe" tiha Kotira autu bini'i baunabe ²¹ Kotiba naima tinabu bata ni bata Karaitira'i kempukai'a timitebaibo, biba tinabu makimi'a taika bauro. ²² Biba tinabu'a maki batero nai aiho tinabu auha'i bataima tenabu tabare u'ai akeroma biba tinabu bohika batama timia narorabe ²³ Mintima, te Kotira arairoma ti witnisi bariano bira nana okarare kia te Korinini anuna. Te kia Korinini anuna nanare, te kia ni bo mara bata nimirerabe. ²⁴ Kiama tenabu ne mara'ura ututaira ra'iki tarabe. Boha ariro baibo, tenabu ni hampata kai'a barauna ni uahara hikarabe, ne mara'ura ututara'a kempukai'abi himpi bariabo.