¹ Mintima te tenta rairake mantiakema iruro, kiam te ni inaini orurante aniainabe, ni nora arara mara anirante nimirabe. ² Minti'e te ni aihahika nimiarera, tabae ti uaha timitanaro? Ne ma bikabe, taukae te ni auha mara nimurauka. ³ Te pahi ni arau nimitauro. Auri te aniai taukae ti uaha timteka ti orai'a timiteborabe. Te norai'ake mara'ura uturo, ma uaharahika ti'i baira, bira boha'ara kero ni'i bata uaharano baibo. ⁴ Te nora umpo'ira batakema ni pahi ararua nimitauro, auha'ihai au'uru raurihama nimitauro. Te ni bata kia aihahika nimirebe. Mantiroma baibo, te niara nora antu'a bataina ne tabaterabe. ⁵ Mintiro bo bainti bano bi aihabira hikara obarai'a kairera, kia biba tinabuni mintibo. Boha'ariro baibo, kia te ni eka rairarebe. ⁶ Nana ko'ae orau taha bi baintira amiabo, biba bira ho'ama kanarobe. ⁷ Boha'ariro baibo, ne bira ba'uhaika bi'u amite arara amiate. Ne mintima iate, ne bira kaha'ibo biba airu abuato bara muntu kaire. ⁸ Mintima te niara kempu kai'ake turo, ne nenta antu'arira hika bi baintira a'ira'a umi'ate. ⁹ Bira okara irirahi baibera, te rantake tabarera ni ararua nimitauro, te eka uba ararua tauna abatee o kiae abatabo. ¹⁰ Taukae bika eka airu ba'u haika bi'u nimitaka, te bika ba'u haika bi'u nimitauro. Te bika eka mara bi'u nimitarera, te ni ko'e hara Ihu Karaitira autu'a minturo. ¹¹ mintiro Sataba kia tinabu una'aria narobe. Boha bata, kia tenabu bira una'ara tauru kare. ¹² Nora bano ti Karaitira ko'e uba tiaina entira antua timitaibo, nora tauni Toroasinibe. ¹³ Iboma, te kia iha'ara auha tenta Aiho'a barauro, bira nanare, te tenta ata bakara Taitusira kia tabaraitibe. Mintima te mini a'irake Masedoniaini bunabe. ¹⁴ Kotirara ko'erabe tiare, tabae eka enta tinabu kaha'imanta Karaitira'i atara kaunara. Tenabu'aima bira uba ko'e ahimunta bira eka bataini barakauro bibo. ¹⁵ Tenabu'aima ko'e ahimunta bo'ara Kotirai Karaitira'ira orubirabe, taukae mara'ura barekaini bata kaka'ikaini batabe. ¹⁶ Tenabuma utubi ko'e untabira bo'ara bairabe, Ko'e untabi aihora bo'ara bairabe. Tabae ma bihaikara'a mpi'a biro? ¹⁷ Bira nanare, kia tenabu airu bainti nahenti taukae Kotira uba mono nohai orai'akaka bo'ara bauro. Kiabe, ko'e irirahika batake, Kotibira bo'ara, Kotira abu'ata tenabu Karaitira autu tiba o'ai'uro.