¹ Mintira bata tenabu kia ai'abata bi haikara tuatarabe, tenabu tiha mini Atenisi'i barianara bata bira ko'ema ianaro. ² Tenabu Timotira, tinabu aata baka Kotira kai'a bainti, Karaitira uba ni tiba nimiharo bi ubaba ni kekau nimiteharo, ruarua nimitaire ti, bira atitaunara. ³ Tenabu bihaikara mintianara, nanare bi kuari abuba ani entara kekaubi baiha, nenta iriha tiha, tenabu Norara kai'a baintibe. ⁴ U'abe, tenabu ni hampata baiha, tenabu ni tiba nimuna haikabe, u'ama ne iriabo, tenabu bi maarara baraunara. ⁵ Bi okarara te Timotira ni ianaini barakauraro bura. Nanare te tabarera, ne a'i Ihura muntuka mara'ura batabo. ⁶ Timotiba tinabu unaini ko'e uba ni uahara haikabata, ni ko'e irirahaika tinabuara batarara bata, ne tinabu tabareka iara bata, tinabu tibama timibo. ⁷ Mintimanta, ata bakaukao, airi maara tinabu'i aniba mantabata, ne Ihura'a mara'ura utiha kia tinabu tutakarabe. ⁸ Tenabu bate baunara, kekaubi Norai baibera ⁹ Nanare uhahara hika'e tenabu niara Kotirara ko'erabe tirara. ¹⁰ Entaa'ie atitairae tenabu niara nunamu aara kiama tutakarabe. Nanare Kotiba aara antua timitairae birara ko'erabe tirera. ¹¹ Tinabu Oba Kotiba bata, Norabano Ihuba aara antua tai'e nini aniare ¹² Kotiba Norabano ni kaha'i ramanta bora antu'ari okara kia tutate. ¹³ Biba ni kekau nimita manta, Ihuba bataini tubi entara, ne kia ora haika batake baiha, bira Ora abu'a uahera Ihuba Norabano tubuaina enta'a bainti nahenti batake uahate.