¹ Nenta bata tabema atabakauka tinabu anirahano kiama umina ianarobe. ² Ne tabema tenabu haru Pilipaini kaurira haika bareha nora mara bare baunara. Tenabu Kotira kempukai'amabi baiha, ora enta anibaimanta bata, tenabu bira ko'e uba tiba nimi baunara. ³ tenabu Kotira hikuru uba ni tiba nimiari abatatera tenabu bi ubara tirera kia orahaubata kekauma ti auha bano orai irabata kiau'e una'ara okara'ua'e. ⁴ Kiabe Kotiba biba tinabu e'oirahika timiro biba tabero tenabu ho amakema bira kai'a baraina tenabu ni tibanimuro kia tenabu bira tia bainti uaha nimitarerave. Tenabu kotira uahamitarerabe bira nanare nai biba aima tinabu auha iriro tabatero. ⁵ Ne tabamatabo kiama tena bu una are tiha ni autu barabini iainabe ni-ihai onana barare raubaube . Kotiba tabema baibo baibo. ⁶ Tena bubata kia ni bainti iaha nora autu bararera-ube tenabu karaisira kaia baintima kia tenabu ni ihairo onana bararabe. ⁷ Miinti tenabu tentana bu baramuntu mianiateni raikirera noba bainti raikinteke hama. ⁸ Bi rarara-a tenabu niaro antu ariha, tena bu uahema kotira uba ni tiba nimiha'o tentanabu baunahana batani tiba nimiha nanara'e ne noraika ko-e aikabe. ⁹ Ti ata bakaukabe. Ne minti akema iriate. Tenabu enta-ie, to'a-ie toabunabuma uturo tentanabu ai-ua himpirera kia tenabu ni ihairo bora mara amirerama, bi entara tenabu kotira ko-e uba tiba o airema. ¹⁰ Ne nenta bata tabatabo kotibata tabataibo abu abu okara bata, kia ora hano baihainabata, ruba hara okara-a bairia hanama tenabu nini mintibuana. ¹¹ Boha rarakema. Nentabata tabema nana kaia-e ni hampata mintibauna, o'ba nai bainti bata kero kaia auti tekero. ¹² Tinabu antu ama ni tibanimiha kekaunimita'i, nireka kotiba antua batero aratero nai batuka-i aniate tiro. ¹³ Bi okara tenabu kotirara eka enta ko-e rabeti, Nanare ne tenabu kotira uba tibaura iribariara ne irireka kotira uba abu abu ake iribariarama, kia bainti uba bo ara. Tena bu bo abat norara ko-e rabe tirema, ubabano ni kahoimata mara urai iara. ¹⁴ Ata bakau kabe, ne abatareka kotira antu okara iutiai bariaka ihu karaisira'i baiha minti bau okara mintiata. ¹⁵ Ma Jiu be tiaka bika ihu rabata, poropeti bata aru uti karama. Ma bika'i tinabubata ati takarama. Kia bika kotira uahamiteha, bika kia baiti nahentiara kotira taba tate tiha. ¹⁶ Bika kia tinabuara antuari tena bainti nahenti nora uba tiba nimia inara, ma bihaba o'aia biro bika nai kumihama kuke-ebai, mintiaka kotira araraitarahaika bai nantiara bika'a bariano. ¹⁷ Tenabu ni niarai baurobatama tinabu auha bano nihampatama bairo tinabu auhabano himpiroma ni biri taba iraba. ¹⁸ Te poruka, tenabu eka enta ni iana ani retibauraroma ora noru ara banoma raba abibairo. ¹⁹ Nana ha'e tinabu kempukaha'e o tinabu uaharahika're ta ina ko'ara bara inaranabube? Nebata iabo butura hinikia kabatabe. ²⁰ Ni ahaima tenabu kempuka bateha uaharhika barebai.