¹ Poruba, silvenusba, timotiba, tesalonika sios bika mini kotira nora. Ihu karaitira autua biha, bika tiha nora auhabano bata bira umpoira bano bata ni hampata barianaro. ² Tenabu eka enta niara noiraini ko-erabe tiharama ni autu rehama nunamua batauro. ³ Tenabu eka enta iri kotira keha, biba tinabu ohama, biraini muntuka maraura utete antua bate, kekaubi baiha, ihu karaitira tenabu abatare. ⁴ Ti ataa bakao, kotiba ni antua batai manta tenabu tabe tiha. Bibama ni nai nia taibo. ⁵ Tinabu ko' e uba bano ni'a aniro, biba Aiho bainti kempuka'a anira ne bira tabema tinabuara tiha, maa tauka'e tinabu hampata baiha ko'e okara bare bariabo. ⁶ Are, tinabu bo'ara boha arabira Noraini, bairaro ubabano ma enta aniraro, Aiho bainti bano ko'e auhama aini batanaro. ⁷ Bi kaara tabara bo'ara are baireba aai'u maki bainti nahenti Mesatonia bata, Akaiani bata baiha mara'ura utuara bo'ara. ⁸ Ho ai ama Kotira uba bano bebarero bibo, kia Mesatonianini be, kia Akaianini be, kiabe, heka baataini, a'i muntuka mara'ura bano Noraini bainara minima barianarokia te hini uba birara tirabe. ⁹ Bika nai tiba nimiate, tenabu nanare ne baria naini anunara Kotira buru a'irake, ani u'aa mara'ura Kotira abatane. ¹⁰ Bika nai tiba timi tiha,are beka'iha Kotira maa'u, Ihu Karaitira narubai hairo tubiro, biba utiro, tinabu bara ko'ema aiha birai hairo kanaro.