¹ Ihu Karaitiba ti Poluka arero tiharo nai kai'a bainti'a buane, Kotira nai antu'a'ata, ti atabakara Sostenesira bata, ² Kotira bainti nahenti Korinini baria kaini bata burama, taukae Ihu Karaitira'i taku'ubi bariaka bata, bainti nahenti taukae biba arero taku'ubi bariate tikabata. Tenabu ma arara aruake bainti nahenti taukae Nora Ihu Karaitira autu rebariaka eka batukaini bariaka nimitauro, biba tabae bika bata ti nabu bata Nora bano. ³ A'ira kaibo Kotira tinabu Ora a'urihaka banobata iha'ara auha banobata Nora Ihu Karaitiba bata ni hampata bariaire. ⁴ Eka enta te ti Kotirara ko'e habema tibauro Ihu Karaitira nai a'urihaka ni nimirara. ⁵ Biba nini ekahika mintima ne bi arara'ama ekahika'a ho'ama buabo, eka uba'i bata eka ko'e abuato irirahi'a bata, ⁶ Karaitira uba bika ni abutana baiha tiara bira ekara u'abe. ⁷ Mintima ne Nora mara'ura'a kima abo'iabo biba ni hampata baibo ne Nora Ihu Karaitiba a'ira'a obarai iana birarama beka bariabo. ⁸ Biba ni kempukai'a nimi tairama tai'ara naini orurebabe, mintirama ne tinabu Nora Ihu Karaitiba tiba taina entaba anira ne ko'ebima bai barabe. ⁹ Kotiba ni arara nimiro ni arero uri ete bira ma'u batake mono'iate tibo, Ihu Karaitiba nai tinabu Nora banobe. ¹⁰ Te bate kempu kai'akema niara turo, atabakauka Nora Ihu Karaitira autu'ata, ne boha auha'a baiha kia tirorira bano ni abutana bariaire.Te mintima turo ne boha irirahika bata boha okara batake bariate. ¹¹ Ti ata bakaukabe, biba tini kankomakero obarai'abibo, mara bano Kaloera nabuna bata ni abutana batama baibo. ¹² Ti ubabano mintiroma baibo, ne bohau bohau tiha, "te Polu kantima bauro" o "Te Apolosi kantima bauro" o " Te Sepasi kantima bauro" o "Te Karaiti kantima bauro." ¹³ Karaitiba rauhe biroe baibo? Polubae niara maripo'a hiribibo? Are Polura autu'ae namai bararo? ¹⁴ Te Kotirara ko'erabema turo te ni boru kia namai a'u nimitaurara, kiabe, te Karipiusika Gaiusika ima namai a'u nimitauro. ¹⁵ Ma bira kankoma kai kia bobano ni'ihai tiharo, ne ti atu'a namai barakabe tiairerabe, ¹⁶ (boha bata te eka bika Sitepenasira nabu'i namai a'u nimitaunabe. Mintima bira benta'ama, te kiama tabauro te hinikiaka bata namai 'au nimite-e o kiae.) ¹⁷ Bibira nanarae, Karaitiba kia ti barakero namai a'u nimitane tiaube, ibaroma ko'e uba tiba nimine tirobe. Kia biba ti atitero tinta irirahika'a ko'e uba tiana tiaube, Karaitira maripo bano kia nai kempuka tutakai rerabe. ¹⁸ Nanahare maripo'a hina ubabano taukae utire kiakaini uminarai ianarorabe. Ibaroma taukae Kotiba ntitairauka, bira Kotira kempukabe. ¹⁹ Uba mintiroma baibo, "Te irirahika bataka bika irirahika orai'ama karabe, bika ko'e irirahika te bara muntubi kema taukae nora irirahika bataka bata" ²⁰ Ko'e irirahika baata bainti bano taie baibo? Nora irirahika baata bainti bano taie baibo? Bainti bano uba'a resisi'i baiba taie baibo? Kotiba kiae ma batarai haina ko'e irirahika bara tu'anta uminarai'a kanaro? ²¹ Bainti nahenti ma batarai hainauka kima Kotira tababo, mintiboma Kotiba uahema baibo bainti taukae kia irirahika baata baintika anarake tiha taukae mara'ura utuaka aiho nimireka iarara. ²² Bira nanarae Juda batanaka ireha mirikoli mintiane tiha Kiriki batanaka bata ko'e irirahikara ranteha. ²³ Nanarae tenabu Karaitiba maripo'a uti ubara turaba kia Juda batanaka irirahika'i ko'e uba bo'ara baumanta Kiriki batanaka bata boha arake kia ko'e irirahikabe ti. ²⁴ Ibaroma taukae Kotiba araika, bira Juda bata Kiriki batabe, tenabu Karaitirara tiba nimuna bira Kotira ko'e irirahika bata ko'e kempuka batabe. ²⁵ Bira nanarae, Koti bira a'i haika bano bo'a batama bainti nahentini ko'e ibo, hini bantaraini Kotiba kia kempuka baibo ti, bira bo'a batama bainti nahenti aikaro nimiabo. ²⁶ Nenta ararahi ka'ata abu bate bariate, atabakaube. Kiama ne bainti nahenti orautaha abu'ata ko'e irirahika batabo. Kiama ne orautaha aikaro batabo. kiama ne orautaha nora autu bataka bariabo. ²⁷ Mintibo Kotiba uminahika hau riara ma batarai haina bainti irirahika bataka behi'a nimitate tiro. Kotiba nanahikae kia kempuka bairara tiharo kempuka baika kaurihika nimiate tiro. ²⁸ Kotiba bohika ma batarai bebanto bai hikarara timanta kia bika bi haikarara antu aruabo. Biba bihana mintiro ko'e hikahau bano a'i uminarai'i buaire tiro. ²⁹ Biba bira mintira bainti kia okara baina hanara kia nai autu bira abu'a bara'i uribuate tiro ³⁰ Bira nanahikae Kotiba mintina, bate ne Ihu Karaitira ima bariabo, tabae tinabuara Kotira ko'e irirahika bo'ara tubiba. Biba tinabu abu abu okara bano baibo, tintanabu taku'ira okararama biba tinabu ko'ai'a kai baintiba baibo. ³¹ Bi okararama, Kotira ubabano tinteke, "Kairo tabae nora autu barare iraba, biba Norai hairo nora autu baraina birara'i tiaire."