¹ Sabatika'i Jisasi, juda -uyi mamakimi ore onanini ayan pukani wanta kumante wemoni. ² Afakan wanta atikai weni oneni sabatika sasasira ko-ameno senoyo. ³ Jisasi ayan pukani wanta wanimi semi, " Wanta yi-wana ukukano semoni. ⁴ " Anasi wantaka-i indaeni sapati awokufi ono tikenafi,o kuruni ono, wanta pudan arono sikenafi o awokifi ono? Minasira nimi waya iye senoyo. ⁵ Jisasi aranama'i yonemi,aka sikuno semi,yenyi indini da'i demoni. Mino nimi mini wanta samemi, "ayan antekano." Mini wanta ayan antedanimi Jisasi ayayemoni. ⁶ Farisi'u onadeni iyaye Herotini daina siyimidani Jisasi arirani waya akafenoyo. ⁷ Mini anaepa Jisasi weni disaiperiu nama'i non awasapa'i wenoyo. Woyomi Galili'uwa, Judia'uwa. ⁸ Jerusalemi'uwa, Idumea oreken Jodani'uwa, Taia wa Sidoniu'i awakenoyo. Amuna Jisasi yokam indide yenoyo. ⁹ Anasi wanta yirimana mewayomi Jisasi weni disaipeliu siyimemi, siwekafo bouti sesa oko semoni. ¹⁰ Amuna iniwanta yiyayemoni, ena-ena yiwin dukayomi wemi aruare ka sasasi maransireni yenoyo. ¹¹ Manda spiriti wen onemi yande owareni, " e Gotin aka." ¹² Mina semi iyewa sen afota dako semoni. ¹³ Weni anuka undemi, We rofewani wantau yarentenini yenoyo. ¹⁴ Yerayomi mika'i tuerupi disaiperu yiwidemi awoku wayani siyimi danimi wenoyo. ¹⁵ Manda spiritiu sanka erandawa-i yimemoni. ¹⁶ Weni tuerupi yokan wanta yiwikemoni, Saimoni oyan awi-i Pita ne semon. ¹⁷ Jems wa Johni, Zebedi akafanda (oyam yiwidemi Boaneges, mini yiwi anda afani semi). ¹⁸ Andru, Philipi, Batelomeu, Matyu, Tomasi, Jemsi, Alphiasi aka, Thadias, Saimoni ena awi Zilot, ¹⁹ Judas Iscarioti, namuko'u yiyampi demoni. ²⁰ Breti nari iye monimi ma-kin oronimi amuna ini wanta itike noyo. ²¹ Wen-angum wen afakan sireni wenoyo, indini ananimemi sire wenoyo. ²² Jerusalem mike lo uware wayoni mina senoyo, mada spiriti'u yinom wantau Belsebulimi dukemi kurun spiriti-u sankemi. ²³ Jisasi waya wayedemi siyimemoni intenika urena Wahm akona wahm sankatenafi ? ²⁴ Mana kindomi ukarem kantari emi , mini kindomi iye ukukantemi. ²⁵ Aka mana m'ha kantankim ukarem, mini m'ha iye ukukantemi. ²⁶ Wahm ukuken akona wahm namuko emi iye ukukantemi, Mikanda kakimemi, ²⁷ Minukami mana wanta iyen eran wanta amah dakade anene maranomi. Eran wanta ayama akam damure weni anene marantemi. ²⁸ Pukanteko, umade numo-e Goti asinona Goti numo ukikantemi. ²⁹ Iye A-yun amu asintefono,Goti mini numo iyen ukikantemi,peyapaya pani wantemi. ³⁰ Manda spiriti dukemino sewayomi Jisasi mina semoni. ³¹ Wenano wa wenafo wa mapa weni mana wanta sankayomi unawi kemi mapai kumenoyi. ³² Amuna ini wanta Jisasi yeukeni sameni minanteno, Enano wa enafa wa mifa i weni enani afakeno." ³³ Weni semi," iye sentino sentifo wenafi.? ³⁴ Weniyo- nanimi wemi yeu kukayomi weni siyimemi onano, Maya sen tino wa sentifowa wenone ³⁵ " Iye puka Gotini ayir awakenafi, Mini ini wanta sentifa tiwa, Siyofi wa, sino wa wenone "