¹ Afagan yamu yankakaimi Jisasi yeweke Kapenaum yemoni, wanta anasi indeyomi mana makimi warunte wenoyo. ² Mini makim amuna ini wanta warum doyomi, ona kimade apoka iye wemoni, Jisasi akufande Goti awaya siyime wemoni. ³ Eriyewa wanta, mana agar aya bukani wanta sutupa yokim yokanda uyeh Jisasi wanipa mare yeno yo. ⁴ Makim amanka uriri iye monimi, newarafi? Amuna ini wanta iti kaoyomi yomare manaro maro karareni Jisasi wani mumuna ugami sutupa ukidayo kume moni. ⁵ Mini eriyewa wantayi indikarayi onademi. Jisasi minatemoni, sentika, eni numo ukiankeko." ⁶ Afakan iyena wanta waya uwareyo daina kumantage mini anda onayo iye atekemoni yen yirapim. ⁷ Mana wanta naukana minu keni waya senati? Aka, Goti nani amari enoyo. Iye ukami mana wanta numo ukiyikan temi, mini Goti weyaka manai? ⁸ Aka uka uremi Jisasi weh arapim omana, ye iyena wanta yi indiru onademi semoni, ne wara mini indiru ike yirabim mare wekafe? ⁹ Ne oya ukeni wayaya i mini agar aya bukeni wantawa tinteka. Eni nimo uki ankeukupe tinteka oukuke eyi yonama wono tinteka? ¹⁰ Afo ikeya andi ukaki, wanta aka umade erantoni mana makaka eni numo uki ankatemi tiremi mini agar aya pukeni wanta samemoni. ¹¹ Seni emi sameko, ukukano, eni yonama afo amawono." ¹² We ukukaekemi weyi younama i mapa oreke umade yukanka kumemi, mino nimi umade uku kaekem iyena vi Goti, ameni minaseno manu keni anda iye yoraka kenimi." ¹³ Jisasi mini mayu yere e'e no awasapa, oronini amuna ini wanta we wanipa yenoyo, yeroyomi ina awa siyimemoni. ¹⁴ We fa wemi Alifius aka Livai onemoni, takis marewayo makusa kumatanim Yisu save moni, senti kano." Uku kemi Jisasi awakemoni. ¹⁵ Jisasi Livai amaki nawewanim i amuna wanta takisi mareyo nama numo ewayo nama Jisasi weyi yoka wantaunama nanemoni. Amuna ini wanta wemi awakeno. ¹⁶ Waya uwarewayo indin wantau, mini waya anari ure dafiseyo na Jisasi nama manaki na nami afakaunama numo eyonama takisi mareyo nama umade Jisasi awakeyo siyimide manateno numo mareyo yawa takisi mareyo yawa ne anda ka yema umae na nenafi? ¹⁷ Jisasi mini waya indide mina tire temoni," anasi wanta yeyu erarukeyo dawa kinkuyakeyo yawa docta wani iye inde no yo. Se antekeyo ini wanta kona yewekuno, iye ukane. Numo ini wanta komi yeweko." ¹⁸ Joni nini woka wanta unamawa Farisi unama narani aoetenoyo. Yeni yere sameni." Naukanai Joni ni yoka wanta uwa Farisi yo ka wantauwa nara wawa seyafo. Ye minasayai eni yoka wantau iye aoeseno?" ¹⁹ Aka Jisasi mina tirem siyimemoni," afo wanta anasi marara ewante anasi kepate iyemana nara aoesiankanomi? Nana aoesiyamu ka wantenai mine wanta ba anasi danai ba wana. ²⁰ Aka wana mini ini marano seni wanta awike nempa marore, afo mini yamu, mana ukami aoe siankanomi. ²¹ Iyemana ukami wanta oya kamuna nama beya kamuna manakinde andukinomi, newarafi, ifa kamuna, beya kamuna dakama iyena umani dantemi. ²² Iye manawanta oyan waini mareke peyankin dantemi, Mininami, Anamuni dakakanami Waini noma anamun pafantin temi.Ifan waini ifan anamuntin da." ²³ Sapatika jisasi sankuma iyantimi weni sankuma waseni wenoyo. ²⁴ Farisiu seni," lo ukareni sapatika mine none. ²⁵ Weni semi," Iyeindikeka Devitin aran pukoni weni wantau wa onine - ²⁶ Gotin amakin Abiata pristi wani yamu i iyena amikani breti omanden nemi yimemoni." ²⁷ Jisasi semi, "Anasi wanta yinda sabati uwantemi, anasi wanta wa sabati weyao. ²⁸ Minimi, wanta aka'i iyeno wemi, Sabati wa."