¹ E ana enau kani ayenim mifaka bino. ² Iyewac yem ayokufi uyinkarani awinkano iye yonake ono iniya waintawe, manac on wainta uci yikonuni micnu yinkenone yeni iyen ona ekeni ensoro inon teno. ³ Karafusi waintauc Kara indeno, micne afo eyaba mickim bewe. Micni waka indeno en afac awanam ena wainta ayampi bem umam marem wamawe, micnemi eyabaci maya yenama banano. ⁴ Ec anayaci umaden iniya wainta waci eni wayic E ona onako. Wayic eona makimi E anaci aman dakenaci antekakano. Afo Gotin yirinteno iyeci pamuki awu awaku waci dukeyom iniya wainta namaci uwarenafi. ⁵ Ecanam eni beona ante kakano iyewac moni karukami ayenaci micj duke ona anene wani ayini, Goti benafuni teno, iyem yere ankan teno enamaci wanteno. ⁶ Ike enamaci timonec macnin tenteko, Goti ikeunama tofa enon tenteko, iyenteni mana wandac pekanteko, mana waintawac iyen temi mandemi mandac inteno. ⁷ Enic key waintaukaci yonawac kano, iye Gotin awayani tamenafi beni yokaraci onawa Kano.Yeni dukeyom bilivi waci endac maranowani. ⁸ Jisasi kraistiwe, beni nuram bemi, makewemi wariwaric mana mukateno. ⁹ Iye waci eni indiruc mikimpac umac aneneuc kimpac anani ino, enara eanasi oyakac ukenaci amoyacino. Yunana benac amakac yofaci naka wanta namac bina konaino. ¹⁰ Yen namaci lotumi, yokam wainta lotu makusac ayoku dafisiric ewamic waya tiyi meyo makusa waci dafisin teyo enami yunamac iyem mikim maran teno. ¹¹ Afo Het pristi tafurauc aruremi mini nareuci maremic ako andani ukapaci maron demi ofac amemi yenyi siniuc dao yino wani yen yumic mapaci yunkemi. ¹² Micni mukami Jisasi Tauni akofaci ana wisic maremi newarafi, micnu ranayac benic anasi wanta beni nare foni tesec uyin kemoni. ¹³ Micni mukemifo ike unamac kaci Tauni akofac mapac orekaci beni mareni ayorini ikeunamac baka marano, ¹⁴ Micni mana mukemino, yenamac Tauniwac iyem makac dukeko, afo yenamac maya yino wani oneko. ¹⁵ Beni ike unamac umacdem nuramci anombic amekaci ofa Gotimpac ameno. Anom bicka ofa bem ofen kemanac yemi benci yen yivikuci indin keno. ¹⁶ Micni mukemifo ike unamac iyewakaci tiwin kano ena ayokufi u ankarani iye uyaci ike unamac tanakac beyafo,newarafi,Goti micneyo awuawa kukani amoyemi. ¹⁷ Wayac indirewaci eni Lida arafinac bano, newaraci yeni ikenyic soli dafiseyaci yenyi yokan wayayuci tiyi minteyac. Wayac indeko, Lida waintauc yeni yimo yintimic yokam manakimi mareni yeni iye waci yirac umaruc maranteno, mini ayokuc awuawa kaino. ¹⁸ Yenamac okam muku sinkano, macne yenamac ayokuc indini marekaci yenamac ayokuc kumandin afaka rare umacden anenekine. ¹⁹ Teni ikemic tiyimeko, amanka ikeni bayukam uwaranone, newarafi, adekakukamic tenic ikenic bekopac yenteko. ²⁰ Makewe, awabac ewam Gotiwe, iye pukam waintauc yewekem ukuka yinkenafi, beni iyenomi sipisipi ukac dafisewa beno, yenamatic iyeno Jisasi bemi beni narefoni, beni kontraka uwareno iyakac wakowani, ²¹ ikem amakafic uyin karenaci yewekem yemac ayokufic uyin karare iyeci beni indini awa kurenafic. Yenamac baci micnu sinkanteno nec ayoku benaci ayokuc kukami nekim benafi, mini Jisasi kraistimi beyami anom bic maremi umacdem yamum banana bam kakantim beno, pukawa. ²² Tifac tiwanano maketeni ikenyic indini ukukayin keko, wayayuc ayokuc indiric okowan i, teni ikemi tiyimiraci yoc danamicike wapaci yeno. ²³ Mana wakac indi ekekaci, tentifac tiwauko, Timoti beni pani baci benamac adekaci ikemic yeyonan teko. ²⁴ Ayokuc nurami Lidawa bilivi iniya waintauc paci yeno, Italia pawaci ayoku nurami yeno. ²⁵ Yiraci ayokukaci ikenama namac umacdem nurami wanteko.