¹ Micni mana mukeno, amuno onayouni yenamac yeuku kayo, yera nakaci umade manda anda dauc ike unamac mana mepakim darara eni noci mini siniuc ike unamati tiyini pakeni manan dano. Ike unamac ubinaci ukekaci mini amama kantimi iyayoko. ² Ike unamac Jisasi manawaci onano, beni umadem aneneci kukarani beno enami ikeunamati pukaia anda beno. Iyena amoyini enka antikemi Jisasi keka yani marem bemi iye mini umaruc kani anom indiric emi ayorim maranane ani iye indemi. Make Gotini King sia kaci inarum paci bempapaci kumantemi. ³ Ike unamac kaci benara era indiri kaci ono manda waintauci bemi mandeni mandaci muan kenoyo, afo beni eran namac ukukemi umacde umani benafuni maremi, micni mukemifo mini wara indirekaci bem awakuri rani iyewaci dondan kumo oko. ⁴ Ikeni era ukucike umadem sini amamakan timi era nueci nare nom kumi nani kaci anteko, ⁵ Iye waci mini wayani yiwi kako, ikemi tiyi meni teno, Tentikake, ikeni iyewaci uma indiri oko macnem iyeno ikem mandem anteke wanake. ⁶ Iyenoci umac dem iniya wainta mandemi ante yinkantem bem ayeyo intauci mandemi yan yiruremi you kemi. ⁷ Ikeni erara uekaci ukuke kaci nana yukanaci Goti beyakafi urenaci ante yinkano. Goti ike unamac mandene mana makaka kena ikeunamac tifo tofa eni tofa uka memino. ⁸ Afo macne ike unamac stia waya iyewac mara nane mini asapate enuni marenone, ike unamac micni mana muke umpe miyen yifo beyakaci iye ante ankeni mana muke umpe. ⁹ Peni mana makaka kena tino tifoci yenamac ante tinke wayoci yen yirafimi bacumpe.Mikim beci yenamac amakafi eci awa kure umpe spiriti kine iyaka warare. ¹⁰ Afo ena indire, Goti ike unamac ante kenine ikeunamati ayokukani antekemi beni anteci kemi ike unamawa Holi ukano wani. ¹¹ Peni Goti ike unamac mandem antekene, Ike unamaci mandem tina wisici timeno. Afo icnayemi yiraci iyoru yin karemi yenyi awuawaku ante yinkemi iyeuyaci yocyi kena foni miyiuni. ¹² Micni mukami ayami yandem kumeni antekano mic akoni iyabaci erandawa dukeno. ¹³ Eni ayan tekano mic akandare binonawe aye, micni mukami mini ikam mandaci ene mandai minami yeweke kukan demi bino nano. ¹⁴ Umacden iniya waintauc namakaci araci oyaka ukanawaci Goti okaka Horika ukano, iye mana mana wainta Goti onan temino manda uya Kane. ¹⁵ Ayoku pekaric ewaci iyewakaci Gotinia awabci ukic dewaci ara umani eni enic ayintim benaci eni ayini anani ino. ¹⁶ Ayoku dafisiric ewanaci iyewaci pamuki ono macne Gotimi iye onake you seke macne Isofi, mana yunam yomi benin dami Macnem yem aku yinon kaci beno. ¹⁷ Eni indi ekec teyabaci icnayemi, beni beni awaba mararane mino, bemac iyen onakanowe, newarafi beni iyecmana ara bedemi akuno sintemi newarafi Goti iye manan benic akuno onemi ifi indic ankantemi. ¹⁸ Eni anufa tewa kumo nanaino eni pakande onanonano anukaci ikan keno, ayufune anom umare tisowa acnamake. ¹⁹ Eye ufenke anon kasanenci makufatewa yewananaino mana wayani inde youye Yeni indiremi micni waya indirani yifonkeno. ²⁰ Amanka iyemanan indinteyo Gotim paten yenine.,Amakac mana tafuran micni anukac yerai naye osoya aroko. ²¹ Iyena tindineno umoni micni faci wami Mosisin temi pekewanamic ten tufaci tindineno. ²² Afo eye Saioni anukac yerewe Gotini sitikimi iye laifi befe inarum Jerusalemic amucna amucna ensorouci yimoyeyo. ²³ Eni ayokuc inta lotu mackike yewa, ikeye yen yiwici inarumpaci barabena? Eni Goti wapate yewa beni umacden iniya wainta mandemi umacden spiritin ante yinkanteno ante keyon iniya waintaucke. ²⁴ Jisasi wapac teyewa, oyam kontrakaci acbana waintawe beni uwo marokum bayirem ayokuc aneneu kani tiyi memi mini foni Aborinic uwo maremi. ²⁵ Eni ayokuc antiric u ewaci iyewaka akaka e oyemci yimeno iye ikenkaci asena. Iyen yeni iyayeno macne waya iyewaci indeni iye yemi makawani eram wayani tiyimenafi.Yewabekec indeno, iyeno teko iyeci aram baya pekakowani inarunani tenafi? ²⁶ Mana nuracmi ani tirami makuneno.Afo make ikemi ukac yinkemi macnin teno, manac yabake, Teni tiranami makuninteno makamana wacino, inarumaci makurinteno. ²⁷ Micni wayayuke, mana yabaci yewekemci beni andaci umaden andandacu kipantemci makurinami, micni mukemi, umadem andandamci Goti uwarenine micni uci eranukantemi beni erani pani bantemci. ²⁸ Micni mukemifo iken namac micni inarum marararaci indeno mci iyewa yandinanine, ikeunama kaci timoyono Gotini lotu awu awackare Gotim manac waci pekano. ²⁹ Ike-unamati Gotiwe ika Gotim beno beni kemi umademi kipantemi.