¹ Afo mini andakaci teni poli Jisasini karafusi wainta ukec ena iniya waintakim bako. ² Ikeni indeko Goti yokani timeno beni nanayin eken yoyic kanoware. ³ Teni tandeci ikemi tiyimeko ayofakam bayani Goti tenkai afotafic eno. Mini puka wayani ayofakano,aka teni kapakaci tiyimekuna we. ⁴ Afo mini waya yaudareke, amankaci ikeni indinakono amandarec tentic indireaka Kraistinic puka wayaye. ⁵ Peyukami, Goti iyewaci anasi wanta puka waya tiyimeno. Afo make Holi spiriyi mini waya mandekem afotafic enimi aposoli ukim demi aka Goti profetic ic makinurani mini yokam mareno. ⁶ Mini puka wayani ayofakami macni mukemi, enainiya waintayeni Yuda uci awoku awabaci Spiriti kinkem marewayomi yeyabaci mareyo. Yeni Kraisti namacimana buic mukeyo. Mini wayasimi pukaci mukeno. ⁷ Mini mukaci teni awoku wayayic yokam wainta beko. Mini benimi Gotini presenti nanayini beno. Benic eranamaci mini yokan tineno. ⁸ Teni Gotinic antekeyom inya wainta yirapimi beko, afo Gotinic awokuka nanayim bantoni mini yokan timeno. Mini benimi benimiawoku andanda Kraistin awayasimi ayofakenim tiyime noware. ⁹ Micni mukaci Gotinic ayofakeni indini afotafic urec anasi wanta tiyimeko. Gotimini indini peyukami ayofaram bano'andandau uwarani kine. ¹⁰ Mini indini afotafic meno, mam makim yiovic dukeyo-unamac akac erar ensorouc inarumpaci beyo-uni Gotini umaden awokuc indini indikeyo. ¹¹ Mini andanda Goti peyukam uwararani indeno aka beni mini andanda micnurami ampameno ikeunamati iyeno Jisasi Kine. ¹² Newarafi, Kraistin kimi ikeunamac erarukec iyem beke, aka ikeunama amankaci Gotim pac uronteko, Jisasimpac ikeunamac bilivi ekunuye. ¹³ Mini mukaci teni iyewaka yikunantim bako ikenani mini tinavisi mareko, newarafi, minim benimi anom bic marakoware. ¹⁴ Gotinimi andanda emi uwarankeno, aka mini anda wani Goti tikon donaru-ankeko. ¹⁵ Benana iyeno bemi, ben ankum inarumpa nama mana makaka namac avic yimeno. ¹⁶ Manin tire tukam mukeko, Gotiamuno awoku andanda ikemi yiminteno, akac micni mukami beni amankaci yiraoim untika yinkantemi. ¹⁷ Macnin tire tukam mukeko, ikenyic bilivifoye Kraisti beni iken yirapim banaci ukukamam benkim eran'nina kono. Nani maka kinke undemi sasa uku emi erar enim, mini amankaci banakono. ¹⁸ Mini mukaci erani dukanakono, aka gotinic bilivi iniya wainta indini dukeyom baric minakono. Kraisti ena wani yiyenim bani onano'kono, beni iyac ukami bemi aka, yanukan undemi umbekem kumemi. ¹⁹ Aka teni macnin tire tukam mukeko, ikeni amankaci Kraistinic ayir onana kono. Akac Gotinic awokuc indini ikenkimi unti kanteno. ²⁰ Aka Goti amankaci inteno andandawan indirec inda onano, ne-erarac tindunti benafi, mini awakurinteno. ²¹ Micni mukemifo, anasi wanta mam makim beko-uko Gotin avika yani-oko, aka Jisasin acic baric baric mana mukeno, pukawe.