¹ Peyukami ikeni sinici manda pasinikim beci, aka ikeni wantan puke weyam baric muka kekona. ² Ikeni sinici manda pasimi kimi, beci mana makaci ayin timi awa kureci bake komino. Ikeni manda spiritiuc mana inarum arafım mana makakac anti keyouyic pasini awa kura keko mino. Make mini Spiritiuci Gotin awaya iye inde yousimi beyo. ³ Peyukami ikeunamac mini iniya waintauc baya iye awakureyou namac beci aka ikeunamac manda pasini awakureci aka mini wantimi wac umpe. Ikeunamac peyan indir awakureci mini indin timi bako. Make ikeunamac enuni beyom baric mukeci Gotinic arankimi bonteko. ⁴ Afo Goti nanayim bantimi untikakemi ikeunamac ayi kara yemi. ⁵ Afo ikeunamaci pukam waintauci weyom barici manda awuc awa kimi banami beni taun timiraci Kraistin namac beko. ⁶ Gotin tiyan noekem kraistin namac demi aka beni micnuraci make ikeunamac Kraisti namac inarumpackin siakac kuman denteko. ⁷ Beni minim micnenim, icnayem yinayou iniya wantan yocyikeno, beni iyena nanayini ikeunamac uwan tinkeno, newarafi, ikeunamac mandekem manakinic meno Jisasin namake. ⁸ Gotinic nanayintoni ikeni bilivi'e aka Goti yeweken yiwikeno. Mini andanda benimi ike nacoya uwaranaci no. Iye ino, mini presenti Gotin kinken yeno. ⁹ Mini yenimic wantaci eran taka yenacino. Micni mukami wanta iyem beyawic yanic inteno. ¹⁰ Newarafi, Goti ikeunama oyan iniya waintan uwan dekem demi Jisasin namac manakim beka awokuc awucawac ono ware. Mini awuc awac Goti peni dukano ikeunamac mini awakuro noware. ¹¹ Mini omare indeno acnani ena nantimi bako mino. Judauc yenyuc ake yareni yeni iken deni, "Mana waintanci yenyuc iyewac ake yauye." Yindan ake yeyom baruci wantan yiyam poni ake yeno. ¹² Mini nurami ikeni Jisasin acnanka iyem bake komino. Ikeni mapaci bake komino Israeli iniya wainta beyonkina banacino. Ikeni mapac Iniya waintan beci, Goti Israeliuc promisi dem kontraka yenamaci duka mino. Aka iyewaci mana awokuc andandawac icnayem maranako mino. Ikeni mana makakaci beci Gotin kimi nenkaci bano. ¹³ Ikeni Gotin acnaka iyem bakeci make Jisasinic nare foni yiwic'ekem Goti bec acnakac dukano. ¹⁴ Kraisti ikeunamactic nanayin weno. Ikeunamac kantimi bacumpe, aka ben o foni beni mini kuku ukarar-remi ikeunamac mandekem mankin manaci uru kano. ¹⁵ Mini macni mukeno, beni Judauyic Lo wac bayayuc yomanan deno. Beni macni meno, beni kantan nantanda mandekem makım dani onyam baintaci meyo. Mini wantoni ikeunamac manakım beko. ¹⁶ Kraisti kantan nantinke nuni mandekem mana buci meno Gotin namake. Ben namukoc eyom baruci kekac yasaci aruman deno. ¹⁷ Jisasi awokuc wayani tiyimeno mana yirakac bakoware ike nekac makusim bekouc namac adec makusim bekouc namake. ¹⁸ Jisasim-ponanac ikeunamac umade Gotin hamac bec mana spiriti dukeko. ¹⁹ Micnu kaci make ikeni iniya wantawac bec aka enafate bec iyac makuc fatewac bana ino. Micni muckaci make benic anaisi wanataci bano, Goti make mandekem ikeunamac bey ankunic murukano. ²⁰ Yeni ikeunamac uwandeke Gotin amakic murukayo, aka mini makuci inken aposoli beya, aka profetiuci mini waya teyo. Jisasi weni eram posim beno mini mac erari nanine. ²¹ Ben poni mini mac ayampa awokufic emi erar-rinteno, aka maro anonic eni iyena minteno. ²² Mini anda wanana aka beni ikemi uwandeke demi aka Gotinic Holi Spirit minikim bano ware.