¹ Teni Pori Jisasinic Yokam waintam bec, Gotinic ayintaci beko. Beni iken yifac yiwan Timotin de makin urukano. ² Bendeka mini wayani tandekec ikempaci dukano, Gotinic anasi wantan Kolosi weko asapake. Iken yun yifac Jisasin kim bilivic ekunuye, Gotin ikeunamac nanayini iken yirapimi danteno. ³ Yenamac Gotinuc Jisasin kandan tusun tiyinkan teko. Akac umacden nurami yenamac ikemi tukami muku yinkanteko. ⁴ Yenamac Ikenyic bilivim Jisassin kim dekomi indireci anon timoneko, Gotin makin urukan iniya wainta wani weyo. ⁵ Micni mukami ikeni erar indini dukekom banamac akac ne indiraci Goti iken yinda inarumpac uwan yinkaruke nafino? Ikeni indin kano namba wani nurane Gotin puka wayasimi benic erar indin namac akac ena akunan tinke one ona banamake. ⁶ Yewekem beni iken kimi yeremi mare inoc emi akan indemi, mini wayani make masicdem mana maka acnon kaci owemi. Akac manaic mukeno ikeyac bake, micni nurami ikeyac baci indireci yeweke c ye sevic ono Gotinic nanayintim namac akac micni puka wayac soyac bake. ⁷ Epafrasin kinken ikenic manac awokuc wayanic marano, beni yesun kin erar indin dukam yoke wanim waintam benomi. Beni mayaunic tofa emic yewekem awokuc waruc uwanyin keno yesunic yokare. ⁸ Epafrasi yeweke ende kandam tisimemi temi ena iniyac waintauc bakaci spiritikinaci ayikano. ⁹ Banic yenamac wayac indeko ikenyic awuc awac enamic, yenamac iyen taundeci Gotimpac tukam mukec iken ayokufic inakac ike yacbac ben ayekowanic, micne wanaci Holi spiritic ikenkim uwikena ayokuc ara ara indi ruc bemi micni amami ikemi uwi kackan temi. ¹⁰ Yenamac tukamic mukeci awokuc awokuc awuc awackim beyaci Iyeninic anasic wanta ukam wako wanic, benic yewekem ikenyic umacden awuc awac ayemi ikeni minic ayokuc yokaric inakomi. Ikenic yewekec Gotimic amamic indin keci umacden nuramic micni indinic anonic mana minteno. ¹¹ Yenamac macni tukami mukeko, Gotiwec amamic umacden ara ara eran ikemi yinitenteno. Ikeni eraruma ukukeci umacden umam maranakomi, na-na yukeic umaruic kipeninani yimo yinakomi. ¹² Yenamac macni tuikamic mukeko micni anecne ampami naka ike yimoyec tususira iken yifon ameko wani, beni ikemic uwareno ayokuc awuc awac awakurec ike amankac ayokuc anecne marako wani benic ikemic ukac dukenine. Ikenic benic umacden iniyac waintauc namaci maranakomi, micni iniyac waintac benic kakantimic beyo uye. ¹³ Ikeunamac ben arafim beci anon ayufunkim banami benafuni kunden ikeu namac tuseno micni mukami munun ben arac ric muremi munu ben amukusimi deno. ¹⁴ Gotin arac yewekemi ikeunamaci ayac murukamino ikeunamake yomanan sini baruc demino. ¹⁶ Bemponuna masic den andandauc ampamemi. Inarumpactena andadauc namac mana maka kena acnon kakena andadaucke beni macsiden andan uwaremi macnem ikeunamac onekuna andandauc namake umac demi benic andanfa manam beno. ¹⁷ Beni bemi umacden andandakim acnaric eawami, umacden andandauci benkaci awokufic ueni munkukeyo. ¹⁵ Banta akai beni Gotiken benin iyen amankac ikeu namac tukam poni onanteko Goti uwandanin andandaka beni acnari ukan intem beno Goti onaimi ben okankaci iyena andandau kami banimi afo yewekem Gotin uwaremi. ¹⁸ Dotu maci wenimi Jisasin o bami akac Jisasin o bami akac Jisasin beni mi dotu makic acnomiweno. Weni dotu maki anuci wemi weni mana waintam manac yhaci pucemi ukukeno, micni mukami beni umacden andanda kimi acnaric meno. ¹⁹ Mini ampamonimi Goti amoyuremi yewekem indiren temi benic umacden amukuni Jisasin kimi deno. ²⁰ Ben aka kine, benanami umacden anecne mandekem mana yirakac danteno. Goti mini nurami mini audandan uwara nine we akakic nare marokun kekac yasaci dani poni mana yirakac beyom bani ampameno. Macnen inarumpaci wenin audanda ukafi mana makakaci wenin audanda ukafi ²¹ Ike yacbake mana nurami Gotimi namukoc u ankareci nempaci bake kono, ikenyic manda indira awuc awakuc poye. ²² Akac makewe Goti ikeunamaci manam mana kinic meno Jisasin ofoye, beni pukin toni ikeu namac mandem antec ekem daci iyewaci uman dacba dukanani iyewaci enuni ikeu namac anan kayinteyo Gotin okankake. ²³ Afo ikeu namac ikeu namac ti bilivic manac erariran onambampo eranikenim makakac mac uwareke micni bilivic dukekone we iyewac ecako Gotin awayayac erarac urec pakano, bayanic ikeni indemi temi masicden andanda i mendacni inarun arafimi uwantenon tirem tikenim bayaye teni Poli Gotinic yokam bainta bako. ²⁴ Make Poli teni timoneic ikenyic umam manan ten mandeic ne umarac Jisasi mandem banafi minic manan teni ofeko, ben okac mana wa kakic enaino minic bu i Lotu maci beno. ²⁵ Teni lotu kinkena yokam bainta beci ne yokara Goti time wanafi minicn awakure wako, iken tasaseka Gotin awaya manac amankafic. ²⁶ Beyani ayompakem moni, mini bayani peyukami ayompakem yinafu yikakau yikafanda kimi wemoni, mini bayami ampamem manac afotafic onimi, beni daimini iye uyac ben okankac antakeyafo. ²⁷ Akac mini daimini Goti manan danaci indenteko newarafi mini andandauci awogu i bami, umacden awafaci beyon iniya wainta uc yindawe, macnem Jisasin ikenamaci weninic minteno, akac awokuc andanda uci inarumpaci umaranakom. ²⁸ Mini benimi iye uyac ikemi tiyimejafu, mayauni afotaci anasi wanta bayani tiyimekafu, akac mayauni amucna ukami amucno awoku indiruci mareko. Macnec umacden iniya waintan yiwikec iyenon okankaci yekunawe, afo yeni iyewaci mana andawac Jisasin kim dukanteyo. ²⁹ Teni hatic wokic murec eran yokaric meko, newarafi Jisasini banfon erani timeno.