¹ Temic tiyeninec ne anon yokarac tenic marekafu minic wac onakako iken tasasiranic mineko, Laodisiac kena iniya waintauc namac ena iniyac waintauc iyec ten turiye onekafec. ² Tenic yokekunawe yen yirac manar enanirec, manakinic urec eraniec ukukeyac enuyanic yic yenim awuc awakuc duka koware, Gotin kim ayomfa kenim anecne onakoware, micni benimic yesum beno. ³ Benkim manam masicden awokuc indirac awuc awakuc ayofakeno. ⁴ Newarac ikemic mana wayanic tiyi menteka funo? Iyewac manami mana wainta umac tiyin kanteno benic umac bayayuc poye. ⁵ Make teni iyen iken yukim beko, afo ikenamaci spiriti kimi beko. Micni mukaci timo yukameci yone wanac ayokuc baric uke Kraisti kimi eram biliuic ami. ⁶ Macne enic iyena Kraisti marawe, benkinac bono. ⁷ Ikeni ben kinac ike yani era ruma anuc anka ec benkim anonic ec bilivi kim era ruma ukukako, manaic mukeno teni ikemi yocyi keku nakine ikeni tusu sin tinaci yimoyac oko. ⁸ Pekarac pekano, bakemana waita ikem umac bayaya indinto pakanino wanta benic payam waya soya. Ike micbu ranac mana makakakene manda awuc aweackuc bilivic eka Kraisti ecawe. ⁹ Newarafi, Gotinic baruci benkimi bemi. ¹⁰ Beni ikenkimi untikanc kem, iyec beni anonic ukena umaden erara nampauc dukena. ¹¹ Mini kimi, ikeni yindanc akeyeyom baruc mareka, Bantauc yen yiyampo ytindauc ake yeyom baruc iyen dukeyo. Kraisti beni ikenyic sini awakunan ytinkeno, mini yidan akeyeyomm baric mukeno. ¹² Yeni ikenamac benamaci mask eyo, Afo ikena nom mareke bilivi wantimi Kraisti namaci yewekec ukukano, micnimukami Gotinic erantoni masipinke ukuka ankeno. ¹³ Afo, ikenic pukeyom waintauci beyom baric ukami, aka ikenyic sini foni iken yucyinda iyewac akeyamic, beni benamac yaum marako wani micneno, akac ikeunamatic sini waruc yomanan linkeno. ¹⁴ Beni yomanani deno umacden dinauci yeni Bukukim uwanan deyonamac yeweke benic louc namake. Akac beni ikeunamatic siniuc umacden ukami yomanan dani yeweke yemi manan kekac yasaci iyeyo. ¹⁵ Benic erara, awikuci yeni yomanan deni yemi mandac tiyinkareni, yeweke yemi mandeke mana yankan deni akac aruman winin na ekeni kekac yasaci deyo. ¹⁶ Micni mukemifo, iyewakaci ecanayaci enuya enic baruc daime yaci micni teko, iyewaci ikeni awakurono yunana nonuci neyon louke, akac yimoneyon nurana, lotun teyon lo namac yewekem oyan ikonanama sampti kacnamake. ¹⁷ Mini andanduci payam piksa kem beno icnayam ampamina nimifo, akac puka andanda ukami make yesum beno. ¹⁸ Afo iyewekac mana wainta yeren manan beyan makafin ukan duno afo Ensoro iken daimun daki Lotu seko afo ike anon bic marana konani micnuke yom bain tauci andandauc onareni benic indintimi amuci ruremino. ¹⁹ Iyewaci acnonkim, pakemino andandauc micnukami masic den andandakimi ben o tasasemi, micni mukami masic den joini wac naruc ben okim tasa semino mini namaci pakemino beni Gotinic erantimi inokemino. ²⁰ Macne ike Kraistin namac pukeke ike macsicden andanda mana maka kakena ukic demi afo newarac ike yemi bilivi urekaci yeyic yirafim beka fono. ²¹ Micni mukemi iyewakao paka, iyewakac namandewac, iyewakac okan onano. ²² Mini lo i wantan ampan dukenic ikeu namac awakurono wani denofoc minici kakic manteno. ²³ Mini lo i dotuseko lon dukano wantan ampan deni yenic umaci teyo, ikem manar makafinic urena iken yuc anan kayirare, iyewaci ikem yofa inteno manda awuc awac kuic yirapimic daon yinkanteno.