¹ Mini mukaci, mifaci wec umpo, Atenici awokuc wayani mareweko . ² Timoti mayau tifatiwa, mana yokam wainta tankam yereremi Koctin awaya tiyimirani wemi yeyic yindun munkin mana eraremi awokufic uyinkantem. ³ Mayau mini uwarekunafoni iyen mayawac anawisi kinke payayuekem mapa dantemi. Eyac mini wara indikano mayau miniwan ukadaci wecu. ⁴ Puka pukawe, mayau ikenama weci , wani ikemi tiyimeci tinawisika umarasem maranuna indeona ampamemi. ⁵ Mini andawani, manan dekuna en andun munkukeni indikarare. Amankac yimamakeni manain awafate emi amamadayami mayausic yokan payani emi. ⁶ Mini ukami Timoti, ikewapate mayausapac ayokuc wayaya en andun erarukeona namac awawac marenyemi. Weni mayau tisimemi masiden yamuc mayauya awokufic uren omaren indeona mayau tonaran ayikarac eninic memi mayauyawac en onarani tiyikara emi. ⁷ Newarac Kocti Timotin era amenafi, wen anduni onaremi amemi , amuna umara anawisika semarewami Kocti wemi eran amemi . ⁸ Make Koctin awayani enamaci, wantemifo afo eni Koctinamakac ukukano . ⁹ Nec tusu ikeunamac tiankan tekafu , umaden nuram Kocti awokufi usinkeninarac timoya ono. ¹⁰ Ayufun nama wayanko namac eran tukam mukec , enonarani indec umpo, nec enkinke tasasin yindu wenafi. ¹¹ Koctiwac Jisasiwac weni, aniyotikanteno . ¹² Ec anac Iyeno en iyenac uankano weyic nanayintine, Mayauni emi uankec kunawe . ¹³ Ec anam wec enandun eran uankano, ikeunamac Tifo Kocti ako andanic ukenim witimi iyen amofin inakono, Jisasinic oweken yintac antekana younanac wanteno.