¹ Enafo yeweke indeno, Tifac Tiwanano, empaci yekunai mandawa wenaino. ² Yewac wekec indeno, wani Filipaici wemi manda mare ayore onaware. Koti weni tasasemi indintimi tameko. Kocti awaya tiyimin timi anom manda kimi winonano. ³ Ikenamac teci iyewaci mana andawac dukeci awokufic mukec anteci kekon tirec indecu. ⁴ Micnukami Kocti weyakaci onaremi temi anteci kemi, puka wayani weminon tintemi. Ikenamac tenunawe wanta akandaren indino wara tente kaune, Kocti akandaren indino wani teko. Kocti weyac okaci indin timi onanteno. ⁵ Ike namac manda waya tirec yewekec indeko mini manda ayofanane, Kocti weyan ikenamac tonakemi indikantemino. ⁶ Ikenamac anasi wanta kinkena kakani afakantekafu , enkin kenafi enu sinkenafi, ike namatic erarindini Kraistinic yokan wainta ukinac dano. ⁷ Micni mukaci , yewekec ikemi awokufic monteko , anintami wenanon awokufic mu ankeninic monteko. ⁸ Micnin tire tiyimeyo , mayauni timoneci ,Koctin awaya nanawa tiyimekaune. Ne warikac mayauni ekafu, mini namaci tiyimeko. ⁹ E omare indeno, tifac tiwao ikenamac anon yokani mareko, ayufun namac wayankon namaci marec umpo,iyewakac eyan manan mepankin dano, mini . Koctin awayani tiyiminonano. ¹⁰ Kocti waci onakemi indinkemino, antekukanake, awokufikac uke, iyewakac mana anda wacduke, yam wainta kimi eran yindun munkuruke yon iniya wainta kine. ¹¹ Yeweke indeno , mini asapaten manakim ikenamac weko. Yenyifon wen akafanda uc namaci manakimi wenin waric mukanteno. ¹² Kumanan ukukare awokuc indir ame erara miranan Kocti ayikenin wiric inami, ara ekem weyic makusin danan wenic kakantimi wanonano. ¹³ Mini anda wani payac Koctimi tusu tiankano micni mukemifo eyowac tire waci Koctin awaya marano. Payam waya yaino. Koctin awayani pukasikam wayani wemino. Iyec eni andun munkurec indin tefe enkimi yokanteno. ¹⁴ Tifac tiwanano, Jisasin Judia ci Koctinic mamakimi wanin warikac ukako. Ne yinawisikaci enic makusinkena wanta uc mareyafo, eyac waci minic wac ono. Jiuc ci uyinkayonic . ¹⁵ Iyeci Jisasin namac Koctin o wanta uc namac yirure naci untiwic man mapac denafi. Koctin iyewac ayikam waric menoyone, yeni masicden iniya wainta uci namuko ic menone. ¹⁶ Yeni Yentaili uc tiyimi tasasin maranayo nani yifonkeno. Wenic akami micni mukeno yenyic numo iyena kukam memi. Mana maka kipewami wenic aran kimi winteno. ¹⁷ Tifactiwa nano mana wukaci ikenamaci nenkac wantec umpo, tinduntimiikenamaci mana kimi wanteko. mayausic erarindin namac, eran tiyin namaci en oronarare. ¹⁸ Masicden yamuci ikeni wekopac yirani indec umpo, teni Polin inde wami, wananomi uyakemino. ¹⁹ Afo neci ikenamatic anon indini wenafi, timoyirac wenafi, iyena ayakaci Jisasinic yin yamu marantekafu? eyac wakac wantefono? ²⁰ Eni mayausic kakani wemi timoyini wanonamino.