¹ Mana'ac nuram yakaga imi,Jisasi ovegem Kapeniumi yemi, yeni indeno naupa yevami. ² Amuno miniga yevageno ,minigim afoc ava iye bagemi, onagimbac i utikagageno. Jisasi yenama baya semi. ³ Mana'ac baintauc i karere ugam bainta avige bevampa yeno; eriyevam baintauc i donde avige yeno. ⁴ Yeni amaka ben adeka yiri iye ugakemi, nevarafic batanansi utikaga keno, mini mac narompa undeni Jisasi bam anoka makac gum kackareni karere ugam bainta Jisasi banka dam kumemi. ⁵ Yeyi bilipi onaremi, Jisasi karere ugam bainta mani siremi samemi, " Sentikago, enic manda anda a ic nonoc u'ake umpe. ⁶ Mana'a indim baintauc minikac kumatakeni, yen yirakim mani indiri meno, ⁷ "Ikeniga urem mana bainta minugam baya senafi? Beni Koti nani Siman mada u'akemi! Maya vac manda anda iye sese intemi, Koti beya omi. ⁸ Agakaemi Jisasi beyic spiritigim indemi , yeya nec induru dukam. Beni mani siremi yiyimemi, "Nevarac yigeni mana indiruc marega? ⁹ Yenani seni nec ayogu bayaya senu? Mini karere bainta vaniseic eni manda anda ac i ugi ankego; o sec i, Uguke vac eyic yoc mandareva bono. ¹⁰ Afo omareva indego bata gac ano erani dukemi mana magaga kena manda anda yomandam fasadatemi," beni mini karere baintavani sem. ¹¹ "Seni emi Sasamego, ukukevac, eyic yoc mandareva eyamampa bono. ¹² Agaga uremi ugukemi beyi yoc mandaremi adem mapa kundemi bemi, banta ansic yogaka, minugami maside yinduc dureni Koti avi yani eni yeni seni, "mayauni manugan anene feni iyeva i onevac yamu". ¹³ Beni yevegemi non avayamami bemi, anom batanasi bec vampa yeromi beni Koti avaya yiyimemi. ¹⁴ Yakagarem bemi livai onemi, alfusi agac takisi mareyom mac onaga kumatami, beni mani siremi samemi, "ukuge sivakurono," Beni ukugemi bemi avakuremi. ¹⁵ Jisasi livai amapa yuna nevami,amuna takisi mareyoyabac manda anda uwaram baintauc yunam benamac nevano, beni yogam baintau bac, yeni amuno bemi avakure beno. ¹⁶ Indim baintauc nama farisiu bac, Jisasi onami manda anda uwareyom baintauc nama moni mareyouc nama yunam nevami, onareni beni yogam baintauc inda eno," Nevarac moni mareyom baintauc nama manda anda uwarau nama yunam nenafi?" ¹⁷ Jisasi mini baya indiremi yenani mani semi. "Batanasi vac yockina eran dukauyec, yeni yiyofananim baintavani iye yiyemi; yic dukauni yeni yiyofam baintavam afakeno. Afo seni atekam batanasi yofa irarac yegau, manda anda uwareyom batanasiuc yofa irani kumeuc." ¹⁸ Jonini yogam baintau bac anom indim baintauc yunam e-eni yugami mukevano. Afo mana-a baintauc yereni mani seno, "Nevarac Jonini yogam baintau bac anon indim baintau'yic yogam baintauc yunami e-ecyafo?" ¹⁹ Jisasi yeyani semi, amakaga bayi eyonkac yinayonic yunam e-ateyafo, Bayic inani yenama banani, yeni yunami iye e-ateno. ²⁰ Afo mana nuram yintemi bayic inanim bainta yenkinge binami mini nuram yeni yunami e-ecni yugam mukinteno. ²¹ Mana bainta oyam unambado mandem feya dagakam unabadoga dem iye adukitemi, adugugam kinke dakagatemi,oyami feyakena dakadanami iyena mintemi. ²² Mana bainta iye oyam waini feyakena meme aradakim yafinonami. eya mineve,waini memen arada dakakatemi, waini vac meme arada oyogatemi, Iyeino, oyam waini oyam meme aradakimi yafinonami. ²³ Sabati nurami Jisasi witi anayokimpa bemi, bampate beni yogam baintauc witi anonu mareno . ²⁴ Indim baintauc Jisasim mani sireni inda eno," Onano, nevarac minugam anda uwareyafoc, umodugam nuram sabatigac?" ²⁵ Jisasi enayaba yiyimemi, "Yigeni afam yogim iye yandege, Deviti vac benama bom baintauc yarani fugemi. ²⁶ Abiata mam manka dafintaka, Daviti Koti amakim umpe-emi, Koti ogakac dugam breti mandemi neno,agoni mugemi, manka dafitauc nana nanteno, mana-a benama boc yauba i yememi?". ²⁷ Jisasi semi, "Sabati banta yinda uwantemi. E-anam sabati yem iye dafisi. ²⁸ Minugami, Bantakai iyenoi, Sabati afova i."