¹ Mana Jisasi kraisini ayogu bayani, Koti aga. ² Bani profet aisaiya agadukakemi,"onano, Seni senti yogam bainta sasakamam yige vampa danami bemi, yigeyi ac uvisinovani. ³ Mana bainta,bantauc iye bampate arama semi, Jisasini ac ategago." ⁴ Joni yeremi, bantavac iye vampa yeremi nom manyigemi, mani siremi semi, siguno sirega nom mandana i yigeyi manda anda ugiyikatemi. ⁵ Masidem magu Judia keva , masidem batanasi jerusalemike be vampa oreni. yeni be bampate nom mareno Jodeni nokim, yeyi manda andavam siguno sireni. ⁶ Joni kemori ayogac uwadugam unam bado uremi, arakim nam poke damemi, beni findom bac afasam aniva i nevami. ⁷ Beni yiyimemi, mani semi, "Mana baintava sinaipa yinanive, beni sembac yesagarem eram bainta i; Seni amakagi iye muge umpe sigo noyande kunde beni sukim damugam nan utu akaran. ⁸ Seni nom poke i nom kanji ke'umpo, afo beni aiyo inta foni nom manyikatemi." ⁹ Mini fabanimi, mini yamu Jisasi nasaretike yemi Galilike, Jodani nokimi Joni Jisasim nom marakemi. ¹⁰ Jisasi nokike ugukem onami inaru onda diyimi Ayo Inta, num kana agem bevaka kumemi. ¹¹ Mana arani inarumpate yemi sem , "eni siyikara ana intave. Seni anon simonu - ankego ." ¹² 12 Afo Ayo Inta bantavac iye vampa sasakarami bemi. ¹³ Bantavac iye vampa beni foti nurani murem bami, bananom bemi magasemi, Beni afasam safurauc nama i bagemi, afo anseloc yereni bemi ofa-emi. ¹⁴ Joni fakamam damurami, mini anaipai Jisasi Galili yeremi Koti avaya yiyimemi. ¹⁵ Beni semi, "mage mana nurami fabanemi, Kotini Kindomi Adeka i yeremi. Yidum baidega Koti avaya indigo." ¹⁶ Beni Galili non avayaman bemi, beni yonemi Saimoni vac Enrunuc basec nokim anami, yeni noya afakam baintauc mo. ¹⁷ Jisasi yemi yiyimemi, yego,sen sivakurogo, seni banta yivikanagom yogam yoc yivikano. ¹⁸ Yeni ese base mifac yerereni, ben avakureno. ¹⁹ Jisasi satoga iyaka kana bemi, beni yonemi Jemsivac Joninuc Jebedi agakanda ; yekanda kenukim beni base adukami. ²⁰ Beni Yarani yenyifo Jebedim nama yogam bainta mini kenukim yire yikareni ben avagureno. ²¹ Afo yeni kapeniumi yereno Sabatika, Jisasi mam makim oremi baya yiyimemi. ²² Yeni yindui reno ben avaya indireni, beni lo indim baintauc yiyimenini muremi yiyimemi, iyeino, beni ayi dugayic uremi yiyimem. ²³ Mana bainta yeyi mam makim bayi, manda spiriti dukayi baduremi. ²⁴ Semi, "Ne i mayau emi uwarakate yarafu nazareti kena Jisasi-o? Eni yere mayau anam kasikarara fono? Seni emi onage-uc, eni iye befec. Eni Atekana Kotin ogaka i banami!" ²⁵ Jisasi mini mada spiriti asidemi sem, "sadage beva benkike mapa kumono!" ²⁶ Mini manda spiriti mandam magapa anuman demi yere e-emi bemi, anom badem. ²⁷ Maside baintanasi yidu i reno, yeyirani yeyani inda eno, "Mana i nefic? Oyam bayani nama eranaic! Beni mada spiriti yiyikami yeni ben avaya avagureno!" ²⁸ Ben avaya maside kimpai bemi Galili magusimpa. ²⁹ Mam makinge mapa kundeni, Saimoni va Endru nu yimampai yevegeno, Jemsi va Joni nu nama. ³⁰ Saimon ni anac benano aum ac anene mandem dugem bami, yeni Jisasim sameno benani. ³¹ Beni yeremi, ayanka fakaremi ukugackemi; aun ac anene bemi yere ankemi, beni kugandem yunam kurem yimemi. ³² Mini ayika ac kupegevami, yeni yic eyouya bac manda spiriti dukauni be vampa yivige yeno. ³³ Anom magusim bam bantanasi onaga yec uyeno. ³⁴ Jisasi amuno yic eyom kaki ayikemi manda spiritiuc dukau yabac madam fasa yikemi,afo beni mini manda spiritiuc ac iye segovani siyimemi nevarafi beni yemi yonakagami. ³⁵ Banurapa ugemi ,fac ayufum kagami; Jisasi banta iyevam avafac maro ogam mukemi. ³⁶ Saimoni vac benamac bageyou yaba i bemi afakevano. ³⁷ Yeni ben afakareni,"Yeni sameno, masiden emi afakeyo." ³⁸ Beni sem,"Marayam adeka beni magusimpa orega,afo mini fabac mam baya siyimeno. Minuga i managa yego." ³⁹ Beni masidekimpa Galili bugane,yeyic mam makimpa mam baya yiyimemi manda spiritiuc madam fasa devami. ⁴⁰ Anon namom dukam bainta bevampa yeremi; agon noyam duremi bemi inda emi, "Ena ayevana inteve, amakaga semi sofa iteva." ⁴¹ Agun anene marakemi, Jisasi be ayam demi ayoga uremi, benani semi, "Sena siyenine. Oyani ono." ⁴² Manatri mada namomi bemi yere e-emi, beni miniga i oyani'em. ⁴³ Jisasi erar uremi samidemi sankami bemi. ⁴⁴ Beni bemi samemi, mayam bac iyevaga yiyimeno, afo bonoc, ec'yova manka dafitauc maro yoyivigano , ofa uwarana yoyivigemi en oc aic antekemi, Mosesi vac yen yiyimidukam ." ⁴⁵ Minugami beni becmi maside bantanasi mini baya yiyimemi , Jisasi anom magusim amaka afota iye bintemi,afo beni opa magusimi bagemi.Afo bantanasi masidepate bec vampa i yevano.