¹ Micnimugami Kraisin namaci Kocti yikemi manar ukuckayinkemifo, yanafac Kraisi Koctin ayan agumpac kumantenim magufatena andandauc karac afackago. ² Makagac kena andandauc ecekaci yanafac benin andandauc Kar indego. ³ Nevarafi yikeni fucikami, yikenyic bani Kraisi namaci Koctin kimi ayofagemino. ⁴ Kraisi yikenyic banino, icnayem afotagic inaci yikeyacbaci benamaci anon kagantim afotagic inagomino. ⁵ Yikeni mana makaga bec miniuc kinkagac fukogo_anasi fi banta fi ena avafunafi ena anackafi mareyona, iye anteckar andau ka, Mana makagackena yiyira, mandauc uwararan yiyenina, yeyarananan indeyonuci ena Koctinkac manteyomino. ⁶ Ma mini anecneuc poni bayayareyon intauc kaci Koctinic arami yintemino. ⁷ Bani yikeyacbaci mini andauc kimi beci uwarakekomino. ⁸ Afo make mini anecne ukac ecako- yiran anene va yisiuegona, mandauc uwararan indegona, ena mandaic siankara, manda avucavac bayayuc yike yofenke sekonuke. ⁹ Ena umac iye siankano, bani feyankena bainta benic umac andauc namaci yomanam fasapac demi, ¹⁰ make oyan andandauc onaic muremi miniuci manar uremi miniuci uwareniyi kacnagic monamino. ¹¹ Ma minigimi Griki va Jiuc beyon kinkenavaino, yu aranda akefeyon anda va iye akefeyon anda, enafate yevem magusinkena avucavakuc iye onaga, Skiti magusinkena, fayan yokam bainta, beyam fabam bainta, micnimugemifo Kraisi beni umacden andandam bemi,umacden andandagimi bemino. ¹² Micnimugemifo Kocti ukacdukan iniya baintauc manauc ogo, anteckan andakim Koctin acnakac be, avacbac ce arackac ena ame, avarure ena ame, eyam manam makagin ukan de be, sacdakackeve dafiseno. ¹³ Umacde ayokug andauc uwarec managinac bako. Afo Mayacbayi mayan namac uman dukei, Iyeno enic mandauc ecankeninic ureveci benic mandauc ecankano. ¹⁴ Umacdem ma mini andandauc naropac avacbac andavac dukago, mini umacde anteckan andagimi banagomino. ¹⁵ Susu ukan sego, mana nanayintoni mana bugim mana yiken umacdem yaragemino, afo ecanaci Kraisinic nanayinano yiken yinduntac ben yokano. ¹⁶ Ecanac Kraisin avaya yikenkin uwickaganagac umacden ayogu indinamagac ena samiregac manar eraruankago, ic yogim benin icguc namac Spiritikin dagenin igucdevanac yinduntin sususir anda uwickaganagac Koctimpac icdago. ¹⁷ Yikeni baya sinagongin namac andanda uwaranagongin namac umacden Iyenon Jisasin avickim manavac uwarago. Micnimugemio Jisasin kinkagac mayau Sifom Koctimi susu siankago. ¹⁸ Anasiugo, yiken yiwafu unam yirafinikac ogo mini Iyenonkimi amankagugam mugemino. ¹⁹ Afo bantauc, yiken yinamacgugac mandaic iye uyinkegac yike yirackac yimego. ²⁰ Afo anugo, umacden andandakina yiken yinoyifo sinayomi indirec avackurogo, nevarafi mini anda Iyenon araci amankagic memino. ²¹ Yenyifounam, anuc yeyirac arogo mandauc iye uwayinkani anuci erarugeni bantenone. ²² Yokar iniya baintaugo, yikenyic anon sinaninac indirec avackurogo, migac ben onevana ben ogankac uwandec ben arac amankagic irar iyeva ogo, Iyenon akam fekegaci ayoguc yindun namagac uwarago. ²³ Uwaranagon andandauc, anasi bantauc kara uwaranagona ino, Iyenonani uwaranagomifo yiken yinduntim benin avucavacguc poyac uwarago. ²⁴ Yikeni indinkamino Iyenom paten yikeyic ayaci maranagomino. Mini Iyenon Kraisin dukegomino. ²⁵ Micnimugami mayampagic iyemintemi umaden andandagimi mana daimiric mintemino, iye anteckan andanda uwarevananiyi minic ayaci marantemino.