¹ Dafisiruge, yikenyic yokam baintauci antecken ayogfic ugan andavaci uwanyinkago. ² Yugam munkir andaginac eraroc bogo. Inantec susu sinagonkim mini andaginac ayogukic urec dafisego. ³ Managim mayau yandakacbac munkusinke vanaci Koctim ben avaya sir ona diranagaci emankena baya Kraisinan siyimeno. Neverafi mini baya siyimuna kaci seni damukec becumpe. ⁴ Yugam munkusinke vanaci sena siyimenuna vayayuci amankagic om bino. ⁵ Mapac iniya baintauc yugankaci ayogukuc indintakac bano, mini yafomi ayokugic kac urec bano. ⁶ Ecananac umaden nurami en avayayuc avacbac namac benaci aseyino, micnuganami eni ayokugic ure ayindinona mino. ⁷ Afo senkac ampamenin andandauci Tikikusin siyiminac indinakomino. Beni mayau sifactiva ugami bemi ayoguc yogam bainta ino, Iyenon kin senamac mana yokam bainta ino. ⁸ Mayausic andaucgan siyiminac indevam yiken yindundacbac manar eraruyinken ino vani yike vampaci bemi sankec umpe. ⁹ Onimusi yikeunamac sifactiva ugami yikenkinkenon bemi ayoguc yokam baintam baci benamaci sankecumpe. Umacden andanda manakac ampameninuc yeni yikemi siyimintenone. ¹⁰ Aristakusi, senamac dumuman dam bayim bemi, yindur ayokugic uyinkam bayani siyinkemisino. Maki vacino, Banabasin afacava (benani yikeni bayani maramino; beni yinac avikago), ¹¹ afo Jisasi vacino, Justusinen sire bemi arenone. Ma mini rende yu akefar andagin beyouni sen sikona yokam bintauci Koctinic yokam mareni ayokugic usinkauni benone. ¹² Epaprasi Jisas Kraisinic yokar inta yikenyic magusinkenom bemi ayokugici siyinkemisino. kotinic ayintin umacden yike yindun namac erarurec ukukagako vani beni anonic uren inan tiyinkemino. ¹³ Bemi onevaunami yiken namac Laodisiac beyouyan namac Irapolisic beyouyan namakani beni eran yokarukami maremino. ¹⁴ Luki Koctin avayakin eraruka namac Demasi kandan yikemi yindur ayokugic uyinkam bayani siyinkeniseno. ¹⁵ Laodisia beyon afacava unam namac Nipan namac ben amac man seyou bampakaci yindur ayokugic ino bayani siyinkago. Mana ¹⁶ yoginkena baya yandanteci Laodisiac mam mackim vac yandarec ovekec mifatena vakaci mare yandanago. ¹⁷ "Iyenon kinkem man yokani mareona kagakac ogan dec mini yokarac uwarano," sirekaci Akipusin samego ¹⁸ Mana bayani seni Poli sensiyan kinkena ino. Sentic siyanarukarac omare indego. Koctinic avacbaci yikenamaci bantemino.