¹ Inarum magu mancni mintemi, siyankar agintauc bantauc namac iye nogeyou,yeyic onuc mandareni bayic inayom onaram beno. ² Mana yacman avoguc indir iyedukani, ena yacmani avoku indini dukageno. ³ Micnureni mini avoguc indir iyerukam agintau yeyic onuc mandare yeni, mana-ac basafem bac manare iyem beno. ⁴ Afo avogu indim dukam agintauc basafem ana namac onuc nama i mare beno. ⁵ Bayic inaniyi agen iye yimi, yokam munkini barenone. ⁶ Afo nurampa ic arani yemi,"Onano bayic inanive! Be onano.' ⁷ Umacde bantauc namac iye nokeyon agintauc ic yeno.Yeyic onuc mandani sitokadeno. ⁸ Avogu indim iye dukan acnam, avoguc indin rukau yani seni, mana-ac basafem simeko. Mayausic basafem kagipe-no. ⁹ Afo avogu indiruc dukau siyimeni seni, mayau sinda amankagi iyen itemi, bega basafem dukanayompa yigenyida ayac ogo. ¹⁰ Yeni ayac iram bomi, bayic inaniyim yemi, iyefi migac bageni benamac ic bayic omapac beno, micni imi, ona munkemi. ¹¹ Icnaemi mapac nogeyon agintauc yereni seni, 'Iyeno/iyeno,yeunamac disinkano.' ¹² 'Afo yen yivaya yiyimemi semi, 'Fugaugane, emi samen tecu emi iyen onagecu. ¹³ Ankar ono, eni mini nuram iyen indiganam. ¹⁴ Micni uganic ugemi,Mana bainta enafa birani beyic yokam baintauc yaramam mareremi beyic andandauc dainden yimemi. ¹⁵ Acnari iyimi yacman tauseni amemi, migackenom kantan tausenin amemi, migac uriyim mana tausenin amemi. Yemi yenyic abucavakaci yimemi, mini bainta be biran simpac bemi. ¹⁶ Yacman tauseni mareni beni ena yacman tauseni uwaremi. ¹⁷ Eno kantan tauseni marayi ena kantan tauseni maro yocdemi maren yemi. ¹⁸ Afo Mana tauseni marayi maro maga ucdemi beyic iyenonic Monic ayofemi. ¹⁹ Iyackaki imi mini baitauc iyeno yeremi yenama miniuc gar antegemi. ²⁰ Mana yacman tauseni maran yokam bainta yeraimi ena yacman tauseni amemi semi, "Dafisiro, mana yacman tauseni simenaci ena mayacman tauseni amam monic ic uwarego.' ²¹ Benic iyeno macnin sirem samemi, 'Avokuki onamino, avogu eran yokam bainta. Emi amuna anecne kimi dana dafisinonami. Enic iyeno amusim marananinkim yeno.' ²² Kantan tauseni maran yokam bainta o baeken yerem semi, 'Iyeno, onano eni kantan tauseni simiranai, seni ena kantan tauseni amam monic baci uwareumpe.' ²³ Benic iyeno bemi samemi semi, avoguc eran yokam baintave! Eni sitoc anecne uckimi eran yokaric monam mino. Emi amucna anecne kimi dana dafisiric minonami. Enic iyeno amusim marananinkim yeno.' ²⁴ Icnaem mana tauseni maran yokam bainta yeraemi semi, 'Iyeno, seni enic abucabac one indikec i, eni unafinonami iye yokeonafa, unafanamino ayun iye acnonafac. ²⁵ Seni anom fegaric ec i sefo, seni beci maro maga ucdec i eni tauseni ayofec u. Onano, ena rukana enindaino. ²⁶ Benic iyeno yebaekem samemi semi, 'Eni manda ec afomana kenin yokam baintave, eni indikanamino, Seni iye yokekunafa unafeumpe, iye acneguna fatevac unafec umpe. ²⁷ Micniugaya, eni monicgukac dafiseyonkim senti monic devaone. Mage yunakac, sesic monic bac amam monic bac mage mare gaune. ²⁸ Afo mini tauseni dafieke siyankam tauseni dukam yokam baintan amemi. ²⁹ Amucno ma amuna yimeye, yeyacba amucna ukami marantenone. Afo iyec micni ma iye ene, ne uwaranten nafi, benkinke dafinteno. ³⁰ Mini manda yokam bainta mandan ayufunkim karucdako,ificde yibakur ake yonkim. ³¹ Banta Agac beyic eranamac yinami amuna enjorouc ic benama bami beni beyic anon siyagac kumantantemi. ³² Umacde mana magaga bau ye untami, beni anasi banta daimintemi, sipisipi kac dafiseyouna sipisipiuc daimeyoni minteno. ³³ Beni sipisipi-uc yuman ayan ugampac demi, memenuc ayan ocpac dantemi. ³⁴ Ben ayan ukam pac bauyani King macni sintemi,'Yego, iyec Sentifonic avacbac mandukanono, marano inarumpac, mana maka uwarem uwandan andandauc. ³⁵ Sarani fugiya eni yunami simenami; nonani siyiya nomi simenami; enafate yevauna sivicman danami; ³⁶ Seni bayafo baunami unambacdo usinkanami; semi sic eva eni sofaonami; dumuke baunami se baunafa ye nami.' ³⁷ Yena antekeyouni same seni, 'Iyeno, nande emi arampuvakac onarec yunan amekafu? Non nar ayikac non amegafu? ³⁸ Nande enafate yena gac avicman degafu? O bayafo banagac unambacdo uankegafu? ³⁹ Nandec ac ec bayafic dumukana gafic ye onegafu?' ⁴⁰ Afo kim mano yevekem yemi siyimintem, 'Fugan sirec siyimeko, iyen afac-avanac micnu ankante, semi micnu sinkanonami.' ⁴¹ Afo ben ayan ocpac banayou yani sintem, 'Yankakago, mandaic siankaruc keninuc, iye kipar ikakim bananom namac benic enjorouc yinda sesac uankaruc geningine, ⁴² nevarafi saram pugiya, eni yunam iyen simenami; nonan siyevaya, eni nomi iyen simenac neumpe; ⁴³ Seni Ena fatenomumpo, eni siviceke iyen danami; suavapac baunami, unambacdo iyen simenami, sic evac kafi dumukauna fi avokukic iyen usinkan namino.' ⁴⁴ Afo yeni same seni, 'Iyeno, nandec yeunamac onevauna araric eva, nona ayena, enafateno bec, bayafo bec, ac marana fi, karabusikim bana gafu mayauni iye ofaekafu? ⁴⁵ Afo beni yemi siyimemi semi, 'Fukaukane seni sameko, ena mayama mini abucabacguc iye uankeve, sena micnu sinkananaino. ⁴⁶ Yeni iyekipananim mandam maranteno. Afo bena antekananiyim iyevac kipan aumi marantemi.