¹ Jisasi mamakim bakem bevam beni aruku bevapa yereni seni, onano meyam mamacke. ² Aka beni siyimemi semi, "yickeni umaden anene iye onecka? fucga ukame mana onabam ena onabam naroba iyem bantem. ³ Beni olivi anucka kumante bami, beni aruku emam bepa yereni seni, mayau sisimeno, nande mini umaru ampamin tenafi? Neanene ampaminam mana macka arayi itenafi?" ⁴ Jisasi yemi siyimem, "Dafickaraya ono maya emi iyevacka mackasino. ⁵ Amuno sentivikim yereni, 'mani sinteyo,' seni Jisasim becko sireni, amuno yempacki eni oyockanteno. ⁶ Indinonam enafa aruevana. Iyava pecka, mini anene ampamintem mifo. Macka arayi iyemitem. ⁷ Ena kantri ena kantri nama arumintem, ena macku ena macku mana aruintem, andaro yintemi mackuni dimtem mana-a mackusingka. ⁸ Mini umaden anene ham mackeyon anavisi kana mintem. ⁹ Afo anavisi amideni micka yere arumam pukinte, afongka akanteyo sentivitim. ¹⁰ Amuno sentivitim humani, yeyirani umatiyin kanteyo. ¹¹ Uma yokam baintau yeukukake amunomi macka sinteyo. ¹² Neveraino manda anda anonie e vanam avaba iyem bantem. ¹³ Mayama erana emi, amangkai kipan tapabai fa bantem. ¹⁴ Mana mam baya madempa siyiman maroram mana macka arayi item. ¹⁵ Ena mana macka onanama mandai kuckam inave, mini Danieal Gotini yockam bainta siruckan kai. ¹⁶ Eanam Judia beyo anukimpacka iyayo ki. ¹⁷ Iye manaro befe mackapa kunde eyama kinke mana anene iyeva mara. ¹⁸ Ena yunakim beni, yevekem beyi unambada iyeva omara. ¹⁹ Sikunukane mini nuram anintau yimubacki uckeyo nama aninta maduke yoname. ²⁰ Okarm munckevanam mini nuram Sabati nama adinanim nuram iyeva yi. ²¹ Anom umani bantem, mi mana macka kuckaran tapate yem macke ma iyevami yintem. ²² Amancka mini nuuram backaki mintem, mana baintava iyem bantem, afo mi antekeyo yaresirem mi mini nuram backacki uyinkantem. ²³ Afo mayama enantem, onano, mana Jisasino meyami. Jisasi no sina, iyeva inde. ²⁴ Umatickam yockam bainta yeremi beyi erara pawa yoavikantem, en avickem mandakim bira. ²⁵ Ona bani emi sameko. ²⁶ Minimuckai emi sameko 'Ona, meyamini mapa bemino sina, mapa iyevabo, manamini naumkimi beno sina iyeva inde. ²⁷ Ahurintapate yankakem ah kumintapa afayu mintem, miniukam ukemi Goti naka yinanin nuram. ²⁸ Inkepama fukam safurauma bananimpa, mifai anom sumpanu uyetino. ²⁹ Ese mini nuram ai maro ayufun kantem, ikona iyen kanyin-kantem, baoy pafasem kumintem, inarumpatena erani kasanintem. ³⁰ Mininami Gotini yeveke yin saini afotaki inam, madempa beyom iniya baintau ifideni anevami, Gotinaka beyi eranama pawa nama midan oyonta kumintem. ³¹ Beni beyi enyoli siyinkaranani ano ufeni asirani Gotini banasi madem kimpate oyuekem yeyuekem manacka dem. ³² Indira marano figi yasake, ayamam moro anunanun em ana makem, mini onaremi semi make ai kantemi sanam. ³³ Afo mini umaden anene oneve, eni indemi semi ai beni yini adeka onacka kukami bemi. ³⁴ Fukaukane emi Sameko, mana iniya bainta iye fukam mini anene hampa mintemi. ³⁵ Inarunama mana makanama kipantem, afo sentivaya iyen kipantem. ³⁶ Afo mini nuram na yamu, maya iyeva indikeno, enyoliba iyen idikeno, ben akaba, afo benafo mana idikem. ³⁷ Mi Noanka ma ampamenini nurani mintemi Jisasini yinta. ³⁸ Mini nuram nom iye sakami, yunam ne, none ne, anasi ire mine vami, Noa akikim umpekem ³⁹ Iyeva indicami non yeyirafem, miniukam mitem. Goti naka yinanin nuram. ⁴⁰ Kam bainta yunankim bami, mayam avikanam maya pabantem. ⁴¹ Kantam inim witi anevam, mayam avikanam mayam bantem. ⁴² Mini mukami sefo dafiseno, eni iyen indikanami eni dafisin yinanin nuram. ⁴³ Afo indeno, ma afoma umom bainta mayinanim ayufum indirukene. Beni beyamaka dafisebanani iyen ukadanteno. ⁴⁴ Mini mukami eyabaka dafiseno, nevaraino banta ka iye indinona yamui i yintem. ⁴⁵ Afo iye ayoku yokam bainta, beni dafisin yokar amidem semi, yunanai bentaimi kaka yimenafi? ⁴⁶ Amoya ono mini yokam bainta, yokevanam beni dafisin yeonene. ⁴⁷ Fukaukane seni make emi sameko beni dafisim bemi madem yokanka dafisino intem. ⁴⁸ Afo mandai eni bainta beandum tinke semi, senti dafisini iyakai bemi. ⁴⁹ Mini siremi beyi yokam bainta arem, uremi non neyom baintau nama none yunane. ⁵⁰ Afo mini yogam baintai iyeno mana nurami yintemi beni yogam baintaiye indinanim yamu yintem. ⁵¹ Afo beni iyeno bemi akefa akefa uremi bemi mandekem anana ukeyom baintau nama dukanam ifi dem beavakun arafin tem.