¹ Piyaviya, nanata vala tigekava tavela napiwauwe, nage namu pondana mava tivama inata pulitauwe,pingaukaiva tigeva asima esegi viyo tave yagarama pindi, navu wanda naokina mitava. ² Nayeva tisivigauwa Yuodiya kake Sintike kakega asima esegi visoma kandapi enala tave yagarama pindi. ³ Taga kamanane, nage navika tagamba ngeliya ndakara nayege pugage ndakara mitava: mevi nkwe iyava aogima iyopiyo. Igeva tave gunda melima naopega tave yagarama ngeliyapa pulite wayava miwa. To katova Kalemenige to kaisa kangeliya pogagombe ndakarage ige mindi asiasima mikena buku vindi. ⁴ Timu piyo tave yagarama pindi kaga yaga. To gakema uwe, timu piyo tave yagarama pindi. ⁵ Ataigina agaiyo wasana miva aogi ena vikibeka. Nana viyemaye tave yagarava tigege wakala mindiye. ⁶ Kayenagava a napiwaiyo.Pikava, kaga enagava pure uma avigaiyo, aisa kamanake otama,kaga enagava omiyo Anutu ka. ⁷ Pigo aumama enawapa Anutu nda, wasanama ndapiena agasima ulindi ndagara mava kago pulitakiye, tindalake tiyuma lakeva Kraisti Isu agelaka. ⁸ Kamana pagivi kenava, nanata vala, nanavaya tagane ikivipa, nana omavaya tage agi amikenanava mindiya suma, nanavaya aogienava pikenaya suma, nanavaya kamba kunda enava kanakiya suma, nanavaya aogi vuwanda enava kanakiya, nanavaya agakanava aogi vikiya, ago aogi vuwanda enalakapa mindivela suma agama,pigoya agaigina aogiena oma aogi kagi kamike nana mindakivi kava pika aogima napi-iyo. ⁹ Kaga ena ago puliyakima mendaena, kaga ena nage pindisa avite ago agatendana, pindana vigina Anutu va tiyumave tindave akusa litano. ¹⁰ Nageva tavela namu puwauwe tave yagara gava atuti kayeva nayeka aoso ndapiena amba vunatata mbeka.Paviyama paitova paviya bunatata mbekana,piya vutipa ka kipa kamba ilitagina kana naopi kenava. ¹¹ Piyamba ulimikena gayasuwa kaga enagava kavona vuwa tuwema. nagene ago agalitegi namu putuwa kaga enanepa ago kanara minduwema kaga yagava. ¹² pindana omapa ago atapuma aganduwa kotande igoma mindiyo kotande igoma kamba mindiyo mava. Ago atakama nagaye payo nagaenaga naviyomava, igoma ndanane mindiyo kavona vikenana yomava. ¹³ Nageva kaga enava uga vuyegaikuwe Kraisti esegiena namiti punatati tasava. ¹⁴ Pigoya, tige ago kanara putaya nage kundaena naopikenana vindiva. ¹⁵ Tige Pilipai kinami tava ago agataya mono kamana agovi titasava, pindaga nage Mesedoniya kaitegi kanatopa, Ka ngalotu nama ngomava kamba naoputaya amite mekenana vindiva, tigega kanara putaya. ¹⁶ Pike nage Tesalonaika umito takeva, tige kaga enaga kavona vutonda nava naopuma namitaya igoma ndaga. ¹⁷ Piyamba nage igoma ndana mekena keka aguyo sawatuwe mayane kambayo. Nageva agakenaga nanavaya ana meva puma ayetika tige vutendanama pika agakenaga vutuwa. ¹⁸ Nageva ago kaga enava metuwa igoma taka.Nageva kaga enava ago kanara puwa.Nageva ago metuwa Epaprodaitasi amima aisaga tepa. Pingawa enava piyama aogi agunda enage aogi ofage Anutu avuwama amu pindanaye. ¹⁹ Anutu nembava kaga enaga kavona pikive ndanava kanara pulitakiye kaga enawa esegi enawa pindi mindi ndanava Kraisti Isu age vindi. ²⁰ Ivaba Anutu tavalemba, tave agi melikiye asiasima, tagane. ²¹ Tamu kamanane kaga timatiti kina minde Kraisti Isu pindi. Tiga-gavagi mata minde nagive paviyama imu pulitate veye. ²² Kaga imatiti kina mata minde nagive paviya ulitaye mo Sisa ndama kinake gava. ²³ Ataigina aumama enawa tave yagara Isu Kraisti nda spiriti lipindive militakiye.