¹ Ainkagogova, nanata vala, timu piyo tave yagara mapindi. To nage ma kamasa ngisa kaiyo kava a napiwaiyo. Pi pondanava tige tiwi kenana vuwa. ² Aogima kavima mi-iyo kalagava. Aogima kavima mi-iyo kamba laga eliya puta nase kinaka. Aogima kavima nasiyo mevi kambari kinakava. ³ Pipa tageva talo atu kasagainda kina minduna tauma kasima Spiriti vindi Anutu kava alotu yombe kata. Pipa tageva ago esegi ena vune Kraisti Isu pindi,kevaya aunkwata kamba aogima kavima mi-i ndakara mata kagana. ⁴ Paviya malo, nagene nautapa asima esegi vulukuwa. Piyama ka yagarama napima asima esegi vuwe ikivi kava, pipa nageva meva pumalo esegi vukuwe. ⁵ Nagepa nalo atupa kasataye aiti yaga, Israeli kinami ndaga gana, pipa Benjameni tupindisa,Hibru kina pindisa Hibru kinandaye; pipa pavigo alo oma isapuma, Parisi kina. ⁶ Nayeva esegi vuwe, Nageva kamba laga poitatuwe alotu ginapa; ayetaka ndana yema alo oma amenda pindi, kunda enava kamba mekuwema. ⁷ Pipa kana nana oma aogi anapa ayetaye, nageva to napiwe pimba ndanagava ago kaituwema Kraisti agelaka. ⁸ Ayetaka mbapa, Ivaba nayeva kaga yenava ago itetagasu wema aogienawaka alama napiena vindi Kraisti Isu tave nembanda. Ayendaga nayeva kaga enava pagusa gasima. Nayeva to amba napiwe agunda enayema piya vutegi Kraisti nda aogi ena mema aogivi kenavuwe. ⁹ Aogi enava ayepindiga mindiye. Nageva kamba aogi enava meuwe nagene nda alo agaluvo pindisava. pikava, aogi enava namatiti pondana vindisa Kraisti ka, aogiena meyopa Anutu pindisa agovima namatiti puwe. ¹⁰ Piya voka nayeva agavebe vikena vuwe Isu nda esegienawa puwanda pindisa mesu asite avuki vaki vuti kega. Nage geva mesu asikuwoka pavi aye vutisa puma, ¹¹ Kaisa yagava nayegeva agakena vuwe kaga kina puwanda pindisa mesu asikivetapa. ¹² Nageva kamba napiwe pindana ago kaga melu wemava, o ago kanagasu wemava, piyavopa nayeva esegima eliyapa vulite wayava miwe Kraisti Isu ndaena vindiba ayewa nalaku pebe vutika. ¹³ Nanata vala, nayeva pindanava ago melu wemava kambalo napiwe. Piyavopa nayetiva ka ndapiena vuwe; Mo paisa napiena kaitegi eliya esegima penoma aoso ndana aindi kanakivi tasaga. ¹⁴ Nayeva evi evima pigosuwe esegima malo atuta wategi apende umekena malo inatisa kumati Anutu nagegaye utika Isu Kraisti pindi. ¹⁵ Tageva ago anasa ginandana vune, tayeva piyamba napieno, Pigo tige kaisa enaga tonapiena vikibekava pinda pienava Anutu va mema paguta atakiye tiyola. ¹⁶ Piyavikata nanavaya ago melombe ndanava, pipa aogima upebe veno. ¹⁷ Nanata vala tigeva nagendaena aogima nagalu vaiyo, tigeva aogima agavebe vuma agaiyo kaisa ginami tage vombe ndanaga tapasa vuta nasekinaka. ¹⁸ pipindiva igoma kina naseya, igekava ago ulimivoka mapa to ulimuwe nonu lumindaga igoma kinami igama vulateka Kraisti yara pulitika. ¹⁹ Pingawa ginapa aindiva kamba aogi apepa mekiveye, igeva iyu alioma ndaena oma kambari koti wikandama vugagaye imupuwama kamba inindanawi puma. Igeva mamba vindisa ena vikenaga napi wagagaye, ²⁰ Piyavipa tageva inatisa kuma tisagina mindune tave lembaka Isu Kraisti ka agavama aye inatisa kuma tisa lumima tumba tavabu sanaga. ²¹ Aeva esegiena wandaga tumikiye, Kraisti va paisa tawupa tumbe gasima aoso tawu tamekata ayewa aukanda vulatama kaga enava aye amenda pindi mekana kiye,