¹ Anutu va tayekava avuwa gagaye,nana viyema tayeva aye ndagara mindombe kana. ² Tamekava tavuwama miyeno paviyama Kraisti tayeka avuwama yara uma avuki vakima Anutu aola agunda enale melagai tika, piya vutipa Anutu pa tavela amundana potataye. ³ Tigeva me kaisa kupiyo enave kaisa kamba aogienava a piyo kaisa ginami pugage sapumava. piyaena peganava me avei mi-ikinamava akaya kamana sikiye Anutu kinaka, pipindisava Anutu ago tabama pagasala tatandiye, piyenava a piyoma. ⁴ A ugasuga kamanapa aiyoma me aivonavo kamana ke kaisa anagi kamana agunda ena vikena pipa kasiyoma. piyamaya kamanapa Anutu kinamitava aogi kamanaka iyoma. piya vusanagava, Aisa kamana Anutu ka utegili wasana gava pikamanaka oimima mi-iyo. ⁵ Tigeva pikava agakiveye: kevaya kupiyo ena vute kamba lataga ena vikibike amenda enaga aukaga vikibipa( pipa kamnari god ka awagaikiye,) piya vikibi kinapa Anutu kinata Isu asu kavima kini mikibi pindiva kamba mikiveye. ⁶ piyaviya a ataigina wasana mava kambari kamana tasava maka gasava a ugatano. piya vikinamava kambari enavuta nasiya, Anutu va tavela amo poitakiya piyaena vute aye kamana kamba avekaba. ⁷ Piyaviya tigeva a uma atokaye iyo piyavekina migeva. ⁸ Aindiva tigeva Isu ka amba tamatiti pukuna kava, tigeva kamba laga enavindi mima kamanapa kamba avitene, pipa aseka ndana vindi misuma mitaye. Pigo ivaba tave yagarama kanita mindaye. ⁹ paviyama kane ngamava aogiena mete kanaikana, piyavegina kaneta mi-ikinamava Isu nda aogiena wapa agaye, ayetaka, tagandana lapa. ¹⁰ Atakama gili aguyosama tave yagara avindanava ayemba payaema. ¹¹ A atokayeiyo pikaga kamba laga ena vikina mageva spiriti vindi asekasa ena vikina mageva. pikava, kayeva yo,"pi agunda enava kamba aogi enayema. ¹² Pipa kamba laga ena kakama aseka pindanava tasini ndanaye alapa kamba pemandana. ¹³ Kaga ena kane ngama mema avola atama alagasi ndanava agama aogima pilage vikibene. ¹⁴ Pipa kane ngama mema kayaki gasima tagamba ndanaye ikana. Pipa piyama Anutu kamana ngama alagasi agunda enava piyaena yema kana wasana kamba aogi votaindava Isu megasima aoso kinaena pugataikana. Piyaviya kamatiti kina magava piyayo," Asiyo kawitami ndambe vindisava mesu asiyo puwanda kina kandama mindambe pindisava wawaya. Kraisti mema kanara pugatai kava napite kamba laga ena megaga sima aoso kina ena pugatati kega." ¹⁵ Piyaviya aogima mi-iyo ayamba paya miyesa puma. piya vekinapa, a kaukapa mete naso me aivo kinama vusu pindana vindiba. ¹⁶ Mikivembe ngavaba aogima napigasima mi-iyo kamba lagaena omava mamba vindi awagita waya. ¹⁷ Piyaviya a aivo piyo. Piya vekilipa, napienaye nanavaya tave yagarama piyavo ikivi pavi ando agaluvayo, pavindana piyo! ¹⁸ Tigeva igomatapa biyava a nama aivo navo piyo, pindana omava tiyutipa kamba laga pulita kiya kasima. Piyavekinapa, atagana Anutu Spiriti oma kagokaye veno mo kaga ena vembe pindi. ¹⁹ Ini uma mi-iyo buk samu vindisa inive kaisa inive Kraisti awaga uma, iniva buk samu vindisave kaisa kanda vindisa uma tave Isu kava awaga iyo. ²⁰ Asiasima kaga yaga mindilipa aisa otama Anutu kava tavele Isu Kraisti tave ena vuma tawi metika. ²¹ Tiyumalipa mema malataka atama amigasiyo me timegi kave Kraisti ka pesapuma. ^{22- 23} Waya iya mitava amenda piyo tiwegi ige minda kina mikive pindiva pamo tave yagara Isu ka pesapuma, pipa tiweva tinongaya mbuye paviyama Isu va kaga mbavindisa imatiti kinami inongaya mbu mindisa puma. Aeva iwimena ndagara gana iwemetine imatiti kina igeva kotila wakena mite pindisa. ²⁴ Paviyama kaga imatiti kina iyuma malakasima Kraisti ngesegiena vindi mikena, piyavikana waya miva kaga iyumaipa mavi kasima iwegi imenda pindi mikiveye. ²⁵ Pigoya iwegitava, tivuwaiyo waya tikava paviyama Kraisti tayeka avuwama aunkwa melu kaitisa puma yara. ²⁶ Piyavutipa taye tavama pagasala tatakena putaye ayewa ndaga. Pipa esegi kamana tasa Isu va waningaye taye tamatiti kinapa kamba laga igana vindi mitombe tasa, paviyama wani tasa wani ngayesu pulatataye. ²⁷ Ivaba Kraisti va kaga tamatiti kinapa wani ngelagasima, melagasima, kundaena lendaga mitombepa, agundaenale kamba minda keva. ²⁸ kaga wamiva waya ngwikava ivuwaiyo igewi yuka ivumeye sapuma. Pigo ige waya ngwika ivuwaki vepa, pavi kamasa puma igewika ivumeki veye, ^{29- 30} Pipa ka yagara mava aunkwa kava kamba agama potagagaye. pikava, ayeva aunkwapa aogima agaenava amima kavi tagagaye, paviyama Kraisti geva kaga tamatiti kinapa kaga mba vindisava akivotama kavi latagagaye. Kaga kina tamatiti pombe kinapa ka kinandana pugagaune aye pindiva. ³¹ Mono kamana ngamava iye wawaya ndana vekina kava: "Pigo wage wayake amba atokaye yepa, pipa pavigo avawambake anowambake agola isitate. Isigeva uma atokaye kivese awe ndana anala ndana vuma, piya vumaginisi pavigo ka ndana vuwakivese." ³² Pipa hati vuwanda enaye kana napikuso mepa Anutu votama tasiyaki anagienaye yome amingapa, piyavika nayeva ulimuwe Kraisti tasigeka avuwai ndana waka kaga mbavindisa gina tasimatiti pomeka. ³³ Ayamaye, tasigekava iye, ka ka wamagava waya kakava kavuoma kayegaka kavu wambesa puma, paviyama ka ka wemagava kawe kava amenda puma kavuoma.