¹ Piya vikana, kana vi igana vindi miyopa naye tave Isu age mema pagusakena vuwe,nayeva pika tiyunana ikenavuwe pi Anutu ala pumalanda kina pingaukai piyama mi-iyoma. ² Tiyumava mema mala atama tiyumali akusagasima timepa aopuma ayoma timekava tivuwama. ³ Kaga pikenana pugasima kapi akima timegipa a aopu aopuma kagapa akusama mi-iyo. ⁴ Kaga timatiti kinapa akivuma ka tukandama mi-yo, nanaviyema pipa pavigo ka Holi Spiriti mindiye, pigo tigeva ago ala pugainda kina agavabeye Anutu ka piya vukuwe kamana nkwa ugaiti nagalenoma. ⁵ Pipa pavigo ka tavelepiye, Isu Kraisti, pavigo ka tamatiti yenaviye, pipa kana tagamba tauma amombe Anutu pindi; paviyama tagamba alotu gina wani meyombesa puma. ⁶ Pipa pavigo ka Anutu ye, tagamba tavalemba kaga kinami tenda. Aye kavilataye kaga kinamiteta, kaga ena kanai pindiva aye eliyapiye, kaga enavindiva aye eliya pegina puma avolaye. ⁷ Anutu va waba tamigaitaye tawota ka ka kina tamatiti spiriti vindi tami kenanava ayewa yetami gasima aumawata. ⁸ Pipa pavi buk samu vindi isapuma Anutu va esegi enawa vindisa enava ago tamigasima kaga enava mema mavindi kaite inatisa kumati igaitaye tave sitivindi,aeva paitama igana vindi manda kinapa igaluva kasima ivamete itaye imikenanava imigasima ayewa kinapa. ⁹ Kamanane "ago igaitayema" aotamba pulayakegi agaune Kraisti va amalupa mapindi tumitikana inatisa, paviyama Anutu nda masawe paikainda kini mamba vindi tumikena yagara Jerusalemi tumba akemba pikena tumitaye. ¹⁰ Kraisti va, mamba vindi tumitipa kamba laga ena ayeguma mavi kaikena tumitaye, pavike agundaenale keva melagai kena yara ita atatepa, to aogalite kanataye, inatilo ikena tave malutakaya inatisa gumati, asumindana kaga enarapa aye kavi yenoma. ¹¹ Aeva ala poitataye kaisa imatiti pute ndakara aposelige, kaisava profetige, kaisava evaniselisige, to kaisava imatiti yakara paitama ivabute waiyoma alapute. ¹² Pipa mema yoke poitataye Anutu kina Anutu ngeliya piyoma kaisa ginapindi, piya vekina kaga kina Kraisti nda spiriti vindi asu esegi viyoma. ¹³ Aye piya putipa kaga tamatiti kinapa kaga kapi akivulima taumava amitama ayeka napigasima miyenoma. Aye avipa tamatiti enavindiva anasa gina miyenoma, kaga mesu anosama aogima, ayewa aogima mi-isapuma. ¹⁴ Kata anasa ena vuwombepa, tayeva kambalo aivo puwano nana taga kamana mindikava, amana ndakara ndo ndoma pisapumava, tova aoso ndana amba pikivi kava kamba agaluvano, pi agemema inata pumekena iguguya ngama pisapuma me wanipindi. Kamba tayeva agaluvata naseno me kambari ena vuta nasima ataka ataka vulatama kambari ulagase kinapa. ¹⁵ Pikava tayeva mima Anutu ka tavuwama aye pindi taumava taga kamana pindi atama miyeno,piya vukuno mbepa meva meva puma Kraisti kanda vuwakune kaga aukwaiva. Aeva tagokaye vikiye anongayambu oma kaga ngawu agokaye visapuma. ¹⁶ Aeva aogi vugasima amatiti pikinapa kaga aukwai mesu anosa isapuma towenakava tivuwama mi-iyo, wasana aungama kaga ngau agana mema asema mi-isa puma, piyavegina kaga ngau ngama au mesu anosama titipuma asema mi-isa puma. ¹⁷ Tave agiwapindi tave Isu, Nayeva esegi kamana suwe tige togema kamba imatiti punda kamba Juda ginami pesandanava a piyo. atawimba ngaukai isa enaoma tagokaye veki mikune yepa. ¹⁸ Igeva kambalaka alama napiga kiveye tagamba ndanaye kambari ndana yemava. Igeva kambalaka aogi vuma Anutu kamanapa pipa igomata ika amigasi gagaye aogi kamanapa, piya vikana igepindiva asiasima mikenana Isu tamitipa kamba mindiye. ¹⁹ Igeva ala pugasima kamba lagaena vikena inindana kamba vuma iyu alioma indana kamba minama pugagaye. Kamba laga agunda nanda ena meva meva puma, igeva agindanaba kaga enava pugagaye. ²⁰ Pigo tigeva Kraisti nda enavindi agatepa piyamba mikena yanema kamba agataye. ²¹ Ivaba tigeva avitaye Isu ago puliya kigaitaye, tigeva ago agagasaye aye vulayakiti kipa taga kinema mikuno mbeka. ²² Isu va ago pulayaki gaitaye mo pai migage ngaukwaiva kasiyoma. Tigeva pai migage ndana vindiva kamba aogi vuwama ugasuga vuwatene tigeli kamba aogi enavindi tiyuma agaluvata nasite ndana oma. ²³ Tigeva Anutu ataigina spiriti lipindiva toaukwai awevulitano napiena lipindi geva. ²⁴ Tigeva agovima aoso kina kandama mi-iyo. Anutu va aoso kinaena ago pulitatine. Pindana vindisava ago tivama pagasa litatina. Aye pugatatipa aogi aukwai miyoma pugatatine, tivama ago Anutu ayapindi malo gainda kinataye. ²⁵ Piyaviya, ayoma akusama me towinakava tivuwama mi-iyo. mono kamana ngama isapuma,"Kamanapa taga kamana ngamana kame kava omima pipa alotu gina kameya."Pigo tage kagapa Anutu nda katu mindune. ²⁶ Pigoya kamo ena vundanapa, a atagana kamba aogiena vindiva kavamete wano. pi ka yaga uma pagivuwasi puma, ago avaga pindanava megaso. ²⁷ Piya vikivembepa satani omava kamba amba galakuli kiye. ²⁸ Mo kaisa kegavaya kundana pugaga mbepa tova a kundanavo. piya vusanagava, igewi esegima yogaenava viyo tigeli piginaga nanindava avolakiya, piya vikivembeka kavona ginapa amindana kayegapa nandana pikivene. ²⁹ Pigoya kaisa kamba aogi vikibi kamanapa ayo. piya vusanagava, ayogi gamana ngamana kamepa aopisiyama, yegana aeva ikivembe kamanapa aogima aveno. ³⁰ Piyaviya a Holi Spiriti omapa kundaenava a amo ayamavaya mikivembe tiva. Ago aye Anutu esegi kamana ugaindiye mamba vindisa ena vindisava tiwima tivabu kuwema. ³¹ Kamekava a kavilo. a kamo kasava yo ayendaye uma kundaenava kamepa a amo. A atagana kagisa vindiva amba alaka viyeno. Kamekava kambari ena vikenava piya vukuse mava a omo. ³² Aogi enamana poto kamepa. kauma akusama kamegeva miyo. megaso nanavaya pugatakivi napa, paviyama nanavaya Anutu kayenda megagai tisapuma Kraisti ago vuma nagali gaitaye.