¹ Anutu va pilage vutaye ayeva tige tiyoga litatika Kraisti ke puwanda pindisa kata tiyoga litataye. Piyavute Kraisti pa avabute inatisa kumati ima ayataka ndi asu malami tataye, pavigo tave ginama mikena maluta mesu atataye esegiena wapindi. tige aogima agaluva kivekava paviyama asu mikiveye. ² Napi-iyo Isu tige timikena yoke potandika; mamba vindisa enagava a napiwaiyo. ³ Aeva Anutu va tigeka pilage vuwaye ago puwanda pindisa tiyoga litate mamba vindisa gina tayane ikana. Aye pilage vipa ayeva tigepa Kraisti ke tivama kaka litandi kana ayega aogima mi-iyoma. ⁴ Pigo aye Anutu tayakiti Kraisti kaga kinamite mamba vindisa gina yewasa vuwanda kaninga pindi, to pavi kaningato tiyakikena viye, pipa nanaviyema Kraisti vulitataye tiyogama mi-iyomava! ⁵ Piyaviya, napi-iyo pilage enali pindi to mamba vindisa ena vikena napiki vepa to agama ena vutelo puliki veyema. Tigeva pindanava tika amigasiyo: To atakama pi kupiyo enava ato viyo me kaisa kamba lagaena geva. Tova a napi-iyo me towina ndaenaga tiyukwaga enage kamba lataga enagegava. pindanava pipa kamba laga gotika awaga usu pikiveya. ⁶ Pipa pindana vikibe kinapa Anutu va amoena vute igana vindi litakiye, pipa mo aye kamana kamba avikibe kagana. ⁷ Paipa tigegeva pavindana vindiba ago migate kili igegeva. ⁸ Piyavutena ma ivaba pindanava kasiyo. to me kaisa makava a timoenava a pogasiyo; to paviyama timegi tova kundaenava a imiyo. A ikaya kamanape iyunasave, inikamanape a iyo. ⁹ Kambari kamanapa timegi kalova a wogasiyo. pingawa enava tova a piyo, pipa tigeva ago aoso kinaena puwaye ivaba, pipa tigeva paisaena kamba vikena gina mindaye. ¹⁰ Pipa tigeva aoso kinataka taye, Anutu va kaga yagava avuwaye tigeva ayepa aogima meva meva puma agavebema ayewa aoga pusanaga, kana ayewa aoganga pulitatisa puma. ¹¹ Anutu va aoso kinandana pulatataye Kraisti ge atokayema mi-iyoma, kaga yagava ayeva aoso kinandana pulata gagaye. Piyavikana tave-ena lakane tayeva Juda ginatayo kamba Juda ginatayo mava, o ilo atupa kasa tayo kamba kasatayo mava, o kaisava tomalisa ginatayo, o ago kaga enaga nagalima miyembe kinakayo, o uga eliya peno kamba veno. piya vembepa tave-ena lakapa Kraisti ye, kaga ena vindiva kaga kinamaka pindi geva. ¹² Pipa Anutu va ala pulitama tivama tiyota pagasa litataye, tigeka ayeva avuwama, piyaviya tigeva wasanava aopuma tindara poitama tani kamana oitama akusama mi-iyo. Tiyumava mema mala atama aogi aukwaisa iyopuma mi-iyo. ¹³ kundaenava a aopu aopuma. Pigo kaisa enaga amokasa ikivinapa, mema akusatama megasiyo. Paviyama tave yagarama meligaitisa puma, paviyama tigelova meigasiyo. ¹⁴ Tave yenava nanavaya yema kameka kavu wakenana pimbaye iye, piya viki bembeka pigo kagapa atokayema aogima mikive yema. ¹⁵ Kraisti aye asa pulitataye tiyuma akusama Anutu ge wasana mige ka tiyumala mi-iyoma. piyaviya kaga yagava paviyamba akusama mi-iyo. Pina amingaka tigegaye uma kapi pulitataya. pikaga kaga yagava Anutu kava aisa otaiyo. ¹⁶ paviyama mindili Anutu ngeliya pundili keva, Kaga yagava kamanapa kagapa avima agaluva iyo nanavaya Kraisti puliya kitindanava. towinapa poyakite ayakitema aogi enava; age mema inata pute Anutu kava aisa otama kaga yagava buku samu vindisa iniva ute, alotu iniva uma awaga iyo. ¹⁷ Nanaye ikiveno, nana vikiveno, pingawa enava tave yagara Isu agelaka viyo, piyamba piyo Anutu kava aisa otama nanavaya Kraisti pulatatika. ¹⁸ Waya, mitava tiwe kamanapa aviyo; pipa tave yagara manda alo nkwane. ¹⁹ Wava, waya tikava tivuwaiyo a ugasuga poitama. ²⁰ Yakara ndo ndo, mitava tinogi livagi kamanapa aogima aviyo,pipa Anutu tave yagarama ikivi kamana ikiveya. ²¹ Ivabala, a imoena lapa ayetaiyo yakara ndo ndova, kamba aogi poitagina ugasuga uma puwasa nagaya. ²² Uga eliya kinamitava, tave limba ikivi kamanapa kaga mbavindi kaga aukwai. tave limba ikivi kamana ngamanana aviyo kapasama miyekana, piyama kaisa ginami agoena pugage sapuma ayeva lemba piya yagaraye yenoma. Pikava, kamana avikibepa tindavindisa megasima taveli Isu ka pikivesa puma viyo. ²³ Nana eliya paya pundilipa, tindavindisa megasima viyo tave yagara Isu ndaga wasana mandava pavita atama. Me kaisa ginama mamba vindisa tave wambandaga pisa pumava a piyo. ²⁴ Pikava tave gambava ika pugatakiye; nanavaya tave yagarama ala pugatandi ndanava umekivene. Isu Kraisti va ayetaka tave woyapa gapiye awaga yembe ndagara. ²⁵ Piyavikana Anutu ga yetami kiye ka ka kinapa kamasa puma; piyavuma nanavaya pikivembe kanala iganava pugatakiye.