¹ Pika nayeva tigekava aogima napima agayoma tige tiyopute mo Leodisiya gina iyopute vikenaga, pi kaisa imatiti kina minde naye naola kamba naganda igekaga. ² Naye piya vopa igepa iyunana unda tigeke kava towinakava tibuwama kata akivuma mi-iyoma. Nayeva navuwaipa esegiena pagivu gasima agaiyoma ka-kama kamana Anutu nda pi ka-kama kamanapa Kraisti ayewaka. ³ Kana pika ipa Kraisti aye agaku nombeka nanavaya Anutu napigaindi aogi napiena watasa. ⁴ Nayeva ulimuwe avuloto kamana kawinapa a ataigina kambari kamana a uligasanoma. ⁵ paviyama nage tigege kamba minda kilipa mandauta, nayeva tavelataka napiwawe tigekava, pavitaka nayeva tigegega miyenoma napiopa. piyavutegi tavelato namu puwawe ago agopa Kraisti agaluvepa ago kanara pekana ka yagaramava kamba akutita kiya, piyaviya Kraisti pindi tiyuma atendanava a kasima alakupeve viyo. ⁶ Tige agovima timatiti pute Kraisti Isu tavelenema tiyuma aye pindi atateka, paviyamba tiyuma lipa malo atama mi-iyo. ⁷ Kaga yagava tiyumalipa Kraisti Isu pindi malo atama tavelenema agama mi-iyo, mo ya avungama mopindi mavindi waga kanama titipuma mi-isapuma. Ago atakama tavela Kraisti pindi tiyumali malo atake nanava agaleya, me ka yagarama mavindi yaba atama gaisima titipotama nama ki-isapuma. Pikaga Anutu kava aisa otaiyo. ⁸ A aviyo me kaisa ginami piyaye mayaye ikive kamana kava pinkaukwai Anutu kava alotu vayo kamana nkwapa avo ikivepa mamba vindisa napienaya a aviyo. Piya igilipa atate, Kraisti kamana aviyo, ⁹ pipa ayewa Isu Kraisti Anutu lakane. ¹⁰ Ivaba Anutu va kaga enava ago timigasaye ago Kraisti tita malo atokaye litama, kaga kinatapa aye asa kaviye, spiriti vela, angelo lapela puma. ¹¹ Paviyama Anutu va kawu ali kasa gaisuma. Pipa piyama wasana kawu kasa gaisu manane. pikava, Isu ago megaitaye agunda enale tanda vindi mitipa, pi wasana kawu" kasasu vutipa " pindana oma kava Kraisti ago mema mavindi kasima aye kaga kamba lagaenalipa ago melagaitine. ¹² pikava ago wani melitaye iye, Anutu va pika agataye wasanami Kraisti kaitateka, pipa kaga kinapa Kraisti ke kailata tayema. Aeva piya vutagina to Kraisti pa aogatataye, piyavute aeva kaga to taoga latataye, pipa mo tigeli timatiti puteka to aogakiyema. ¹³ Anutu va ago tigagaitaye ago puwatayema, pipa mo kamba laga ena aola putombeka, piyavute tayeva Juda gina-na mitombe kata,kamba ayepa awaga utombene. Piya vutombepa aeva Kraisti kelo kaga taoga latatama, kamba lagaenava melagai taye. ¹⁴ Tageva agunda enava tavelataka putune, piyavu tombepa aeva melagai taye. Paviyama ka yagarama mone nkwa dina votati megai tisapuma, paviya malo mone dina votama age ala potati ngisa atukai tisapuma. Piya Anutu vutipa, kaga isapindi kayema landape alo kamanape kaga mema malo itakaitaye Kraisti yara pulitita. ¹⁵ Meva pumava, Anutu va mema mavindi kaitaye kamba laga spiriti kevaya mamba vindi kavima mitipa, pindanava kaga kina paguta atama iyakiga taye ago mema mavindi kasuwema. ¹⁶ Piyaviya tigeva a ataigina kaisa ginamiva naninda gave wanikave piyaviyo maya viyova a amba ulitayo o aoso nkwa kanaya piyave o aoso ngu kanaya o kaga sonda Sabatiya. ¹⁷ Pindana yagaya piyave mayave pimba ndanava amandana mane nanavaya taga ndana viye. taga ndana lakapa Isu Kraisti ayewane. ¹⁸ Pamo kamasa kina iyuma mema mala atama agoena nasene, igepa ivuwa gagaye angelo ginaka awaga ikenava. A itaigini piyaviyo mayaviyova a ulitayo. Tige pi ikive ndana vikibe kava, nanavaya Kraisti mekiveye ulimiti ndanava itetagai kiveye. Ige pikinamiva amonda enaga Anutu tayakegi agaunema uta nasigagaye. Igewe ige mema inata pulima Anutu va tigekava kamba napilitaye piyamba uta nasikiveye. ¹⁹ Piya ginapa Kraisti geva kamba atokayema mindaye. Kraisti va aeva anonga yambu mindiye aunkamanda, pi nkaupa kevaya mo ayeka amatiti pi kinane. Mo kaga nkau ngamava anonga yambula age vundiye. Kana anonga yambu omava mo kaga nkautapa kavima agokaye pugagaye ayambu lapela agana lapela puma kaga eliya penoma, piya vegina Anutu kaga enalapa kavima anosano enava pugagaye. ²⁰ Anutu va mo agaye tigeva Kraisti pulitita ago puwa tayema. pigoya ivaba mamba vindisa spiritige kaga mamba vindisa enala kavigage kina migeva Anutu avindana pune yepa kambaye-- mamba vindisa enava a atagana kavigatano. To pipa nanaga pipindi mima pindanava tave enayeva ene?To pipa nanaga kamana ikamanapa avima miyene? ²¹ Pikamana ngamava piya iye:" Mo pai piya vesema umalandapa uga agaluvata wo iye. ²² Pi piya vese kamanapa mapindi tumu wakena kamanane, pi kamanapa wasanama potama poiya kinda kamana kana, kamba Anutu kamana nakana. ²³ Pavi piya vese kamanapa aogi kamana kanda pugagai kiye. Pavinava taga kamana kanda vugagai kiye pipa wasanama potama Anutu naganoma pumalanda kana. piyavute gini igewi iyukava igama votagaga yema,piya vukunombepa taga ndana vute agunda enava kamba vukunema.