¹ Naye, Polina, mangisapa kauwe timatiti kina siti vindi Kolosi miye kina mititi. Mapa Poli ndetisaye, Anutu ayewa ala punatama tigeti naisaga tagi aposeli eliya Kraisti Isu ndaga vuto, kana mangisapa Timoti kelisaye, tayenda eliya kina amatiti puma Kraisti nda vuti. Mangisape tige kaga kinamititi kayeuse. ² Kayema aisago mepa mo Anutu ala potama ayewandaga aota aigititati kinamititi kayeuse---mo kegitavaya tiyumama timatitipe kina Kraisti pindi. tasige pure yomepe Anutu tavalemba aogi lumage tiyuma akusama mikenanage timenoma. ³ tasigeva kaga yagava aisa ugagause Anutu ka, tavalemba avawambaka Isu Kraisti nda, evi evima purepa uma mikuse ⁴ Tayeva tamupune Anutu kava tayeva avune tige Kraisti Isu ka tiyumama vute tivuwama Anutu ala poitanda kinamige miyekava. ⁵ Tige Anutu agaluve kinamige asima esegi vuma Anutu ka agavama aogiena inatisa kumatisa mekena. Tige amalu aogi kamana avite, aogi kamana Kraisti ka avitepa. ⁶ Timatiti punda kinamita aogi kamana pagusama Kolosi ginamita avite kaga mambavindi sava avitaye. Pavi kamasa puma tigepindi eliya putisapuma, mokana asa kamana tige avitegili napiena mema taga kamana nema agate Anutu kamana kava. Pi kana kamana kava wasanama yoga vindi aindana vuma agava vegina mesu ima ana ayema nagalegina yoka visa puma. ⁷ Epaparasi ago puliya kigaitaye aogi kamanapa. Tayeva ayekava tavuwaye aeva Kraisti agaluvama Kraisti ngeliyapa ka auma vuma tayege vikana. ⁸ Aeva ulamiye tigeva Anutu kina kava tivuwe gana Anutu Spiriti omava esegi vulitagili Anutu kava tivuwate kaisa ginakava tivuwate veka. ⁹ Tige kamana avitombe kanala tigenda timatiti enalika, tayeva kaga yagava pure uma tiyo pugagaune. Tayeva Anutu ka avigagaune kaga enaga tige tiyope kili piyoma, piyavekina tige ndapiena omava alakili pilagema nanavaya Anutu Spiriti oma puliya kikivi ndanava agalima viyoma. ¹⁰ Piyamba purepa une tigeva aogi aukwai milindili to kaisa kinapa iyopigina tave yagarava agavebema agayoma, piyavegana kaye pikivembeka kagakiye. Tayeva purepa une tigeva mesu anosaki veyema Anutu ndaeva meva mevapuma agakiveye kaga ena aogima viyo ulimi ndana vindiva. ¹¹ Tayeva purepa ugagaune Anutu va esegi pulitakili ayenda tave esegiena wapindi viyoma, piyavekili tigeva esegi vuwanda enavindi tiyumava malo atama waiyoma. ¹² Tayeva purepa une tigeva timu enavidisa Anutu kava aisa otama tavalemba kava, pigo aeva iye tigekava aogi ginande tayema tiwemeti kinami tikava; piyavikana aeva timikiye aogiena tige timikena alapotandi ndanava ayenda esegi kane nga pindi agola asumi-iginava. ¹³ Anutu tavalemba tawima tavabulitaye kamba laga yagarama amenda pindisava; yagara wamba auta puma avolataye, ayewa avuwanda yagara wamba auta, aye inata miyekata tayeva aye amenda puma mikunombeka ma ivaba. ¹⁴ Aye vutindana oma amingaka yagara wamba kamba laga igana vindisava, pipa, aye melagasima aogi pulatataye agunda enale pindisava. ¹⁵ Pigo taye yagarawa agategita, pi agaune Anutu va piya yagara vayayema amangapa, paviyama kambama agombepa. Aye yagara wamba amalu mindiye kaga ena pumalati ndana vindiva. ¹⁶ Pipa kana yagara wamba kaga enava pumalatine, paviyama avawamba pindana vo omitindana mana putaye: kaga ena male inati mindi ndana mamba vindi mindindana, kaga ena agakunombe kamba agakunombe ndana, paviyama mekaisa angelo gina pela kaga esegiena kaga asugainda ena. Mokaga ena miyegita agombe pipa yagara wambaka po omitaye avawamba omiti ndanamana. piyavegina kaga ena miyegita agaune. ¹⁷ Yagarawa mitaye aindi kaga enava mekana kiyaka, piyavikana kaga enava aye taku ulindiye. ¹⁸ Aye kaviye mokaga amatiti kina tapa---alotu namata---paviyama pi ka yagarama anongayambu oma aunkwata kavi- isa puma. Ayeva kaviye kaga alotu nama kinatapa ayewa agovi malatisa puma. Aeva amalusa yagaraye puwanda pindisa mesu aogalite kanati yewasa vuwanda ngaundaga. Piyavikana aeva tavelakane kaga enaomanda. ¹⁹ Anutu avawambava amuputaye kaga ena pikenava yagarawa pindi miyenoma. ²⁰ Pikegava amuputipa Anutu kaga ena melite ayewa pindi auma akusawama Isu pindi mengatataye. Anutu va mema atataye auma akusawanda enawapa kaga kina pindige inatige mamba vindigema. pindanava yagara wamba auta yara megasima penoma, kora nkwa aligenoma yara pulindana. ²¹ Aindiva kamatiti pikivenema Kraisti kava, Anutu va pilage vutaye agama gina mitambeka, pipa kayeva aye aokina kandamava kamba mitambe kana Anutu aolapa pipa mo kamba laga napienage kamba laga eliyake vutambe ndana oma. ²² Piyavutagina ivaba Anutu va aokina ndana pulatama ka auma pulataye akapi ayewape tagepe. piyaviye Isu aunkwa mete yara uma puliti tayeka. Aye piyavuti tasa keitataye Anutu ti kanakenava; ivaba ka enava kamba veyema tagaye, ka enaga piyaveye ikenava ivaba kambaye. ²³ piyaviya evi evima tiyumava Kraisti pindiva atama mi-iyo; piyavekina kayeva yaba avovoli kimalanda nama kandama mikivene. Pikava a tigeguwa viyo Anutu ti tiyuma age vikenava tigeta putindaga aogi kamana nga pindi ugaitisa puma. Mapa pavi ka kamana Nage, Polina, Anutu ngeliya punda pagusauwe aye kinamititi. ²⁴ Ivaba nayeva namupuwe Nage navuki vaki ena tige tigelaka meyokava. Ye,mo kaga alotu aopikenaye, pi Kraisti aukandama, Naye navuki vaki vindanava evi evima pikivi ndanagaye. ²⁵ Anutu va aye ngeliya kina ndana vunatama namitaye aota ngeliya poma, pingeliyapa pagusama oimoma Anutu kamana kamba Juda kina pindi ma tige pesapuma. ²⁶ Mo atalimba tasa kanama, toma toma tu mekanama, Anutu va makamanapa kamba pagusatine, ma ivaba ayeva tayaki gasaye paisa kamana ngapa ayewa ikapuma tatati kinamiteta. ²⁷ Pipa kana kinamiteta--Juda ginake kamba Juda kinake Anutu piyavuku wema pilage votama kaka gaindi. Pipa mambaye: Kraisti kaye pindi mima kayepa esegi pugatakina Anutu nda esegiena wapa yetamima ikivene! ²⁸ Tayeva aogi napiena lasa aogima ulimindata puliyaki kena vune kaga kina Kraisti nda tivameti Anutu ti aye agola ka ka kina agagasima Anutu kina taka, Kraisti ta amba atokaye kina. ²⁹ Pavitaka Nayeva kunda eliyapa puwe, pavi Kraisti esegienawa namiti tasa.