¹ Tageva Anutu nda avuwanda ena wakava aogima agavevema agakana igeva ikiveye Anutu ndagara ema,pigo tageva Anutu ndagara mikune,pina amingaka mambavindisa kinamiva kamba aogima taga kiveye,nana viemaye igeva Anutupa kamba agande kana. ² Piya vika kaga nanatavara,tageva Anutu ndagara mindombepa kamba tayakindiye aindi kanakivi ndanava.Piya vipa aindi Kraistiavola pagusama kanakivi ndagava tageva agate agege kamasa puwakune. ³ Piya vikata kaga wawaya age agakena miye kinapa aogima mima agunda enava a puma kraisti kamba pugagaisa puma. ⁴ Kaga agunda ena pugagae kinapa,pipa Anutu kamanapa5 ika amigasi gage kinane. ⁵ Tageva ago agandune Kraistiva ago paguta kanama agunda enalepa ago melagaite to ageva kamba pugagaye. ⁶ Ka yagarama Kraistige atokaema mikivipa agunda ena to kamba vikiye, nana viemaye agunda ena pugagai ndagara mava Anutupa kamba agandiye. ⁷ Tige amana ndakara ndondo nembitava, tigeva a ataigina ka yagara mava kambari enava kamba pulitano. Pgio ka yagarama aogi ena pikivipa,ageva aogi yagara mikiye. Kraisti misa puma mikiye. ⁸ Pigo ka yagarama agunda ena pikivipa ageva Satani tupindi mindiye,paitiliva agunda yagaraye,pina amika Anutu ndagara tumitipa Satani nda yeriyangwa mema wasuwa pugaikenaga. ⁹ Kaga kina Anutu ndagara ena vuwepa t to agunda enava kamba vikiveye,nana viemaye Anutu ago ikapumetaye Anutu kamana watasa. ¹⁰ Piya vika kaga Anutu ndagarage Satani nndagara ge amba pagusakiyeb. Kamba aogi ena agaruwa kivi ndagarava pipa Anutu tisava kamba kanaye, pi ndagara mava agagava kava kamba avuwagagaye. ¹¹ Paipa pi kamanapa ago avigaitene,tageva tavera taka towina kava tavu wanoma. ¹² Tigeva Keni kanda mava a piyo,ageva Satani ndapiena agaru vama anandopa aegutaye, nana viemaye Keni yeliya kamba aogi vuta gina. Anando Eboli yeliya goma amba kanara puta gina pitaka Ebolipa aegu gaitaye. ¹³ Tige nagagava gitava , a igomatapa napinapi vuwayo,pigo mambavindisa kinami tigeka kamba ivuwaki veye. ¹⁴ Tageva pika agakune ago agaitune pulikena ena omanda yesegi ena wapa. Pigo tageva togama mindune,nana viemaye taga gava gita tavuwa gagaika .Pigo ka yagarama avuwa kena ena kamba poiyaki kivipa ageva pipa ago puwaye. ¹⁵ Pigo ka yagarama agaga vaka kamba avuwa kivipa pipa ago aegugasa gina puwaye. Piya vika tigeva aogima agaiyo pi ndagara mava asiyasima mikena enava kamba mekiye ¹⁶ Kraisti aunga kasima ika puma tawi metaye.Pavi kamasa puma,tagegeva pavi yama tau kasima to kaisa wawayapa iyopu kune. ¹⁷ Pigo ka yagarama igoma ndanawa minda kinava ka yagara kaisa ena ga kavona vikivi ndagara kamba andara puma aopi kivipa,ayama Anutu ka avuwakena ena vindiva mikiye? ¹⁸ Piya vika amana ndakara nembitava,tageva tawamu tasava a tavuwano,kambaye tagamba ndana lasage taga kamana tasage pukune. ¹⁹ Pina ami taka ago agaune aogi gina mindo kana tanda vindiva agege mindune. ²⁰ Pigo tage kamba aogi ena puku nombe kava Anutu Tave lembava ago agaye tanda vindige napi ena lepindige. ²¹ Tige naga gava gitava,tanda vindi agunda ena kamba miki vipa,tageva pure ute gita Anutu agola mikune. ²² Pigo tage Anutu ti ka enaga aviga kunombe kava,tageva agakune, pindanava tagamba mekune pipa nana viemaye tage alo ngwa agaruombe kava age avuwaisa puma. ²³ Alo wapa piya mbane,tageva yagara wamba Isu Kraisti agelaka tamatiti pute gita tavera wasanaga tavuwa kune pavi yama alo tamisa puma. ²⁴ Pigo ka yagarama Anutu nda alo wa agaruva kivipa,ageva Anutu ge atokaema mindiye, piya vikana Anutu va agege mikiye,piya vika tageva agaune tage pindi Awamusa wa tamitka.