¹ Yagara mititi,ma ngisapa kaeuwe agunda ena a piyoma. Pigo kevaya agunda ena pikivipa ,tage ke Anutu ke, tavaka pisa yagara age Isu aogi yagara mindiye. ² Kraisti agewa aunga tamigasima pulitaye agunda ena letaka Anutu tavavumetipa tage tasa nane,kambaye.Pipa kaga mamba vindisa wawaya biteka putaye. ³ Piya vutika agepa agaveve vune,pigo tageva alo kamana nga agaruva kunombe kava. ⁴ Pigo ka yagarama ute gina Anutu pa aganduwe utegina ,"Ageva Anutu nda alowa kamba agaruva kivi kava, ageva kambari ndagara gana taga kamanapa agepindiva kamba mindiye. ⁵ Pigo kevaya Anutu kamana agaruva kivi kava ,pigo Anutu nda avuwanda ena wapa agepindi mikiye.pitasa tageva agakune agege atokaye ndunema . ⁶ Ka yagarama Anutu ge atokaye nduwe ikivi kava,pigo ageva Kraisti nasitisa puma naseno. ⁷ Kaga nagagava, nageva aoso alopa kamba kaeuwe. Kambaye,Tigenda avara alo paitaka avite pipa paisa alo kamana avitaye. ⁸ Pigo nageva aoso alo tigeti kaeuwe,Kraiti tisa tigeti waye,pipa piyambane tunu ndana wagasa gina marisana ena ago kanagasaye. ⁹ Ka yagarama lo ikiye ago kaneti nasuwe utegina agandoka agama votakivipa,pipa Tunu ndana vindi mindiye. ¹⁰ Pigo to ka yagarama agandoka avuwa kivipa,pipa kaneti misuvikivi kana kamba ka ena omava aware gaikiye agunda ena vindiva. ¹¹ Pigo piya vikana ka yagarama agandoka kamba avuwakivi kava,pigo ageva tunu ndanavindi mindikana tunundana vindi nasiyava mikiye.Ageva kamba agakiye aetapaya wauwe mava,pipa nana viemaye tunu ndana oma aova atike gaikivi kana. ¹² Nage ma Kamanapa kaeuwe tige kaga yagara mititi,Anutu agunda ena meligaitaye Isu Kraisti agelaka.Nage ma kamanapa tige tavavara mititi,,pipa nana viemaye,tige ago aganda-ye kevaya paipa mitinemava. ¹³ Nage ago kaegaituwe tige masimavi mitiva , pipa nana viemaye tigeva agasima megaitaye Satanipa.To kaeuwe tige amana ndakara ndondo mititi,nana viemaye tigeva Anutu Tavalembapa ago agandaye. ¹⁴ Nageva to kaeuwe ma gisapa tige tavalemba mtiti,pipa nana viemaye ago tigeva aganda-ye pi ndagara pai mivutipa.Tige masimavi mititi yesegi ena mindiye,Anutu kamanapa tige pindipigo ago metama Satanipa agaitaye. ¹⁵ Tigeva a tivuwaiyo mambavindisa ena gava. Pigo ka yagarama mambavidisa enaga avuwakivi kava,pigo ageva Anuntu kava kamba avuwakiye. ¹⁶ Kaga mambavindisa enava,kanda isesakena enaya kaolasa agate kavuwakena enya kamana kamba avikena enava Tavelemba tisaya kanaye,pipa mambavindisa enaye. ¹⁷ Mambavindisa kaga kamba aogiena wakeva pagivuwakiye.Piya vikana Anutu auma agaruwa kivinamava aogima asiyasima mikiye. ¹⁸ Kaga amana ndakara ndondo nembitava,ivava aingogo yaga gana kamanapa ago aveye Kraisti nda agama ginapa kanakiye ma. Ivava pindanava ago avorawaye,piya vegita ago agaune aingagogo yagayema. ¹⁹ Igeva, tagepa tatate wa-ye,piyavepa igeva tage tuna kiniveye. Pigo tage tunalisa ,pipa tagege miyesine.Pigo ige avei wepa,igeva tage tupindiva kamba minde kiniveye. ²⁰ Pigo tigeva ago melitaye Anutu tisa Aogi awamusa kanatipa,piya vutika tigeva taga kamana ago avindaye. ²¹ Nage piyambana kaeuwema tigeva kamba aogima taga kamanapa aganda ema.Pigo tigeva agandaye kambari ndanava taga kamana pindiva kamba mindiyema. ²² Kambari ndagara mava ugagaye Isuva Anutu ndagara yanema? Pi ndagarava Kraisti pa agama yagaraye,piya vika Anutu ke Isu ke isigeva kamba pagusagaye. ²³ Kaisa Isu ika amigage kinapa Anutu ndagara yanem Anutu pa kamba agandiye.Kevaya pagusama Isuva Anutu ndagara ema ikivinamava Anutu pa agavevema agndiye. ²⁴ Tigeva ago pai avinde kamanapa tindavindi ataigina yesegima miyeno.Piya vika pi pai avite kamana tindavindi mikivi kava Isu Kraisti ke Avawamba ke atokaewama mikive-ye. ²⁵ Pi yege kamana wa tamindipa tage asiyasima mikena tauma mekena. ²⁶ Nage ma ngisa kaeyopa tige yesegi vulita kena kaeuwe,ayugu kaisa ginami Kraisti ti timatiti pendana mema wasuwa vulitasanaga . ²⁷ Tige ago Aogi Awamusa melitaye Tave Yagarama tisa, ageva ago tigepindi mindiye, piyavika tigeva ka yagara gava kamba kavona vikiveye puliyaki kenava. Pipa kaga enava Aogi Awamusa oma pliyakikiye,kamba kambaripa ikiye,pavima ago puliyaki gaindisa puma Kraistige atokae miyoma. ²⁸ Piya viya tige yagara mitava Kraistige atokaeyo tageva kamba tanindanava vukute asima yesegi vukune age kana kivi ndaga lasaga. ²⁹ Pigo tige aogi yagara ema agakive kava,pigo tigeva agakiveye kaga kina kevaya aogi ena vuma mikivi kinapa,igeva Anutu ndagara mikiveye.