¹ Paipa ma kamana pa mitaye, tageva ago avite tao lasava ago agate taya tasava aikaya vutune. Ma pa tauma mekena Kamanane. ² Pigo pi tauma mekena ena pagusa wata gina agate, tageva mema pagusaune. Tageva ulimune tigeka aogima asiasima mi-iyoma, Anutu ge miti ndana, tage pindi ago pagusa wama avolawataye. ³ Pipa nana viemaye,tageva ago agate agama tigeka ulimune,piya vika tige kava amba aki vigita tagege kaga mima Tavelemba Anutu ge Yagarawa Isu Kraisti geva miyenoma. ⁴ Piya vute, tage ma ngisa kae yombe ndana mava tige timu ndana pulitate tagegeva tamu pukunombe ndana omava amba nagariki-yema. ⁵ Pi kamana avi tombeka pagusama ulimu nema Anutu va yewasa vuwanda kane nema,tunu ndana omava age pindiva kamba mindiye. ⁶ Pigo tage piya ute gita tunu ndana omage atokaema nasi kunombe kava kambari ukune. ⁷ Piya vika tage Kaneti nasi kunombe kava age visa puma kamasa puma kaneti mikune,pigo tage wawaya mige atokaema mikunombe kava Isu ge, Anutu Ndagarama kura tasa agunda ena lepa melagaikiye. ⁸ Pigo tage agunda ena le kamba mindiye ukunombe kava,pipa pigo tagere kambari ume yakana, taga kamanapa tage pindiva kamba mikiye. ⁹ pigo tage agunda ena le pagusagai kunombe kava, pigo ageva aogi ena vulatama agunda enalepa melagaite aogi ena vulatakiye. ¹⁰ Pigo tage agunda enava kamba vugaga une ukunombe kava, pigo tageva kambari ndagara ena vumeya kana taga kamanapa tage pindiva kamba mikiye.