¹ Ivaba nanata vala, tageka pure iyo, paviyama tave yagarama kamana avaga wanoma mesu asgayoma inata, piya vikena aeva kaga yagava tigege miyenoma. ² Pure iyo piyamba tigeva pipindi sava mengilo sama avei kanaiyoma akapi kamba lagagina miye pindisa, kamba lataga ena pugagae kinama pindisage ,nana viemaye ,igoma ige pindiva kamba imatiti kinapa mindaye. ³ Piya vipa, Tave yagarava kaga yagava wakala tigege migagaya, tigepa esegi vulitama kavilita kiya pi kamba laga gina miye pindisava. ⁴ Tageva tamatiti pune tigekava Tave yagarama pindi, paviyama tigeva pikiveyema pimba ndanava, piya vute tigeva agalu vama uga wayava mikiveya tigeka esegi gamana ulimi tombe ndana vindiba. ⁵ Tigepa Tave yagarava tiyope kili agaki veya Anutu avuwai ndanava,pindanage kraisti tageka kunda ena metike gava. ⁶ Pigoya nanata vala, ivaba tageva esegi gamana ulimune tave yagarama agelaka Isu Kaisti, tigeva tika amiyo mo kaga kegivaya taga eliya kamba miyegini kamana yombe kamba avigage tige tagetisa meye kamana . ⁷ Tigelipa ago agandaye kaga ena pugagambe ndanava kanara puma tigeva agaluva kagaya. Tageva tige aka pindiva kamba migagaune piyama kaga wawayami kamba mema mala atama ma tau ngama ndaena atakenava. ⁸ Tageva nanindava kaisa gina mitisava kamba metune paviyama tageva kamba ika pundune, pigoya, tageva eliyapa tayambuma esegima putune, aseka pela ala pela puma. Pipa nana viemaye, tageva kunda ena kawinaka kamisa nagava kamba lavutaye. ⁹ Tageva piya ena vusana gava kamba lavutaye, pipa tagetiva tave esegi enalepa kambaye piya vikenava. Pavigo kambaye, piya vutombepa uga tigeka amandana vutune tige agategili agaluva iyoma tage vukunombe ndana. ¹⁰ Pigo tage tigege mitombepa, tageva tavela esegi gamana ulimitune tigekava piyamba, pigoya ka yagarama eliya kamba vikibi kava, pigoya ageva nanindava kamba nanoma. ¹¹ Tageva piya gamanapa ago avune tige aka pindiva kaisa ginapa kamba eliya pugagaema, piya vetisa kaisa gina milova mo togina minda enalova uma uga suga vuigasi gagaema. ¹² Ma ivaba tageva esegi gamana ulimite napiena limune tavelemba Isu Kraisti pindi, ige piya ginamiva ayoma mima nanindava esegi enawi tasa potama yokama naiyoma. ¹³ Pigoya tige nanata vala mitava, tigeva tikasiya enava apiyo aogima aovuloto ena pikenava. ¹⁴ Pigoya ka yagarama kamana yombe kamba agalu vakibipa ma isa kaye malombe pindisa gamana. Pipa agepa aogima agavebe vute, a agegeva katapuma mi-igina ageva ani ndanala ayeleno. ¹⁵ Tigeva a agayo tigama gina agasu mapa, tigeva uga esegi gamanaka omiyo tinandoka omusuma. ¹⁶ Tavelepa auma akusama mikenana oma ava wambaye, ageva tiyuma akusama mikenanava timikiye kaga yagava nana eliya paya pikive ndana vindiba. Pigoya tave yagarava tigege mikiya kaga. ¹⁷ Nageva Poli naye, pipa ago nageva tipasa vuwe isa kaye uwevama tigeka. Pavigo uga nayatasa kaye uwe, pamo kaye gagosa kita paviyamba kaye yogana viye. ¹⁸ Pigoya aumama enawa tave yagara Isu Kraisti lembanda tigegeva miwakiye kaga.