¹ Pi ivaba Tave Isu Kraisti kanakata ima asu aki votama mikunombe kataye agege, tageva tivigaune tige tanata vala mitika. ² Piya vuna tigeva kunda enava a meiyo,tinda oma mesu isesate tiyekuru enava a piyo pika spiriti kava,pi ka kamana kayo o ka ngisa tige napi kive tageka kaeya yema tigeti, pipa ago tayaki gasaye pindagava tave yagara kanakiye enawapa. ³ A atagana ka yagara mava piyae mayaeva a amba uliga sano tigepa. Pipa nana viemaye, pi aindi kanakivi ndagava kaga wawaya mava aka amigaikiye kamanapa, pigoya Anutu pa agama votakiye, pi kana kivi ndagarava tavela nagegane uwakivi ndagara kanakiye paguta, ageva pindagarava mepindi tumu wama kamba laga kunda mekena yagara kanakiye. ⁴ Age pi ndagara kevaya me asata nasima age mema inata pume gagai nagega nema Anutu kamanaka maka uta nasikiyo o awaga uma aeka alotu ugaga yoma, piyama vuga kivipa, aeva wakiye Anutu nda alotu namati kaga kinaka uma pagusama ikiye nagenepa god naema. ⁵ Tigeva pikega napi-iyo nage tigege mito ndanaga, nageva pindana gava ago ulimi gaitone? ⁶ Ivaba, tige ago agaye agepa nana omavaya alakuli yemava, pipa aewa ala potandi ndaga aewapa paguta mekana kiye. ⁷ Pipa nana viemaye, pindanaga kakama mindi kamana kamba avima agaluva kenana omanda ago kana gasaye, ka yagarama pikipa akuni ndikana ivaba agepa ago agalu vakase gana wagasa yema. ⁸ Aindiva, kamana mema aka amikena yagarava kanakiye paguta pindagarava tave Isu va aegu kiye awamusa tasa, pi kana kivi ndagava tave yagara gava akaiya suma uga suga votakiye. ⁹ Pindaga kamana mema aka amikena yagara kana kivipa , aeva aopikenana esegi enava satani tisa melima , igomata ala ndanava pute kambari mirakeli va; pute vikiye. ¹⁰ Pindana yaga kaga kambari ndana yaga kamba aogi aukwai kanama pikiye , pinkawa ena vikibipa mo kegivaya tumu wakena ginata pikiye, pipa nana viemaye, igeva kamba agalu vataye taga aogama minda kamanapa. ¹¹ Pina amika Anutu va aisaga kiye pi ka ngeliyata kundaena meiyoma pi kambari ndanaga imatiti pikive kina. ¹² Pindana oma amingo mapa piyamaye ,kaga kinapa kotila kana iyomaye.Ige pikinapa kamba imatiti pute kinane taga kamana kava, pikinapa tavela imupuwa vutaye kamba aogi ena vikenava. ¹³ Kaga yagava tageva tamu ndanaga potakune Anutu kava, tanata vala,tigeka tave yagarava avuwa gagaye .Nana viemaye,Anutu ago ala pulita ndiye tige paitama waiyoma tawima tava mekivi ndanagava, aogi gina takaya mikunombeka spiriti vindi tamatiti pombe taga kamanaka. ¹⁴ Tave yagarama tigegaye otandiye tage aogi gamana ulimutombe tasa,pi tasa kanara mekiveye esegi yaku ngwa pindi tave Isu kraisti nda. ¹⁵ Piya viya, kaga nanata vala ,asima esegi vute alakupeve viyo kaga kamana puliya kitombe no o ulimitombe keva tage vutokili agate vute ndana gegava. ¹⁶ Ivaba tavelemba Isu kraisti aewake, tavalemba Anutu kevaya tageka avuwama tamatiti enaleka taogama asiasima mikenana tamiti, pike aogiena mekunombe aindi aumama enawa pindi gema. ¹⁷ Aogima mite tinda omapa mema akusama kaga aogi eliya pute pindige Anutu kamana nkwa pindigeva mi-iyo.