^{1- 2} Nage, Polina, kayeuwe Timiti kati. Anutu tawimeti ndagarage Kraisti Isu ke igeta asima esegi pombe aindisa enaga, pika Kraisti ala punatagi aposeli eliya puwe. piyavogana kamatiti kina enava kamana ugamo gana pene Isu Kraisti nda, kayeva nagenda yagarane taka ndana pene tave yagarama pindi. Pigo Anutu tavalembage Kraisti Isu ge aogi yuma pugata giveye, yumama pugatama, kaumava akusa gatakiveya. ³ Aminga kaomana suma ugamopa pavita Efesasi miyoma nage Mesedoniya wakanapa pipa kaisa kina kanama kamba aogi kamana amba poiya kisanaga aogi kamana avinda kina pindi. ⁴ piyama esegi kamana oimima a wasanami ikive kamana tiva atige takaye viyoma, ugasuga kamana aminga kamba minda atawimba kamana mete naseya. piyavuta nasendana mava maka gasa uta naseya wasana mige, piyaveya a oimiyo Anutu tawima tavabikena napima landa kamanapa--Pi napi malati ndanava taye tamatiti pombe kinamite ndanaya. ⁵ Pikava, aminga tage ugamombe ndanava poiya koma tivuwa kenanava Anutu ka aogi tinda lasa viyoma, aogi napiena gelasa, kana kamatiti pembe ndana gapa esegima voma. ⁶ Kaisa ginapa umalo iviba vuwaye pi aogiena vikenalova; piyavute, igeva ugasuga kamana to uma uta naseye. ⁷ Igeva to wama alo kamana uma poikita naseye, pikava igeva kambalaka napigaye. piyambato yeye taye poiya kombepa taga ndana poiya kunema. ⁸ Piya vombepa ago agauna alova aogi enayema aogi malaka nanaye aloma ikivisa puku nombe kava. ⁹ Tayeva ago agaune alo mindipa aogi ginata kavikena yanaema, pipa me kamba laga ginata kavikenaye kamba Anutu ka napima awaga ikina, agunda ginaka,kamba amenda puma mi-ikina, me wasana ala ayegu gaite me ayewa ano ava ala ayeguta nase kina. ¹⁰ Pikina agokaye vikena kupiyo ena vindi me kamba vikena kupiyoena ataka atakama vuta nasekina pindi, pike agokaye vikenaye me wasanalo kundana vuma aisama mone mei kina ugaeliya penoma, agokaye vikenaye me kambari kamana uta nasike me kambari kamana uta nasima aloga kotimi vuta nasikina, pi alakuli kenaye aogi kamana minde gina me kambari ndana poyakita nasi. ¹¹ Pika kaga ka tauma vukune aogi kamana taka Anutu tamitika, kepaya age mema inata pombe, aye pulaya kitika, pika ayeva amu punataye mayama avola atama pagusama yoka kaisa ginamita. ¹² Nayeva aisa otauwe Kraisti Isu taveleka, pika aye esegiena namegi eliya potoka. Aeva nayeta matagi eliya potate voka. ¹³ Me kaisa yaga atawa gasi pindiva,Nayeva kamba laga poitama iyegutuwe imatiti kinapa. Pipa esegima kamba laga eliya putuwe, pitaka Anutu andara punatataye kamba ayeka namatiti puto pindi, pipa kamba napi tuwe nanavaya puwemava. ¹⁴ Anutu va tave enalaka punatataye, ayeva punatataye namatiti puku oka Kraisti Isu ka navuwama ayeke atokaye natatika ¹⁵ Kaga kinapa mandanava ayetaka aogima mekenaye, pipa aindiva kamanapa mekunombe kana kagapa: Isu Kraisti tumitipa mamba vindisa tawima tava mekena tumitaye kamba laga gina. Pipa tagambane nage kamba laga yagara lakapa meva puma nage mituwe. ¹⁶ Pipa nage kamba laga yagara meva puma mitopa, Anutu va andara punatataye me kaisa ginamiti aka pindisava, piyavekina igeva agaiyoma aya taniena vaya kanaye suma. Anutu va ayoma agava viye asiasima mikenana imikenava imatiti pikive kina. ¹⁷ Aeva asiasima mi-i kini ye wasanama aolasa kamba agakena gina, ayeva kamba vulikena ginane. Aye asa Anutu ye. Aye asaka awaga ute age mema inata pikena kaga miyava mima unda wakena. Tagane. ¹⁸ Timoti, nage ndagara, Nageva piyamba ugamuwa: Pilagevo aota imatiti kinami propeti kamana ugamiteka. Pavingawa ena agaluvama esegima eliyapa voto tave yagara manda. ¹⁹ Kauma gapa Anutu pindi mogasima aogi napiena lasavo. Kaisa ginapa kamba aogima avima napienava kamba veya. piyaveka nanaviye imatiti enawitapa ugasuga vuwaye. ²⁰ Himeniyasige Alekisandage pi tara yagarava paviya vese. Nayeva piyaveme taka isivama Satani ayapi isitauwe, Isigeva atakama agaisoma Anutu ndaena kamba aogi vemekava.