¹ Mevapuma tave ena lakapa, pipa mo kambari ndana poiyakita nase kinaka tayekuru veno, esegi kamana ulimuwe kaga timatiti kina mitika Anutu ka pure kaga wawaya iyopenoma iyo, piyavute aisa kamana otaiyo. ² Pure iyo kini kinaka vela kaga tavepe kinake ga, piyavuku nombepa aogima taumava akusama mite ka tauma vuma mima Anutu pa awaga uma mikunombeka pavi kaisa kina ndaga. ³ Anutu, kevaya tawimeti, aeva tavikiye pure piyamba ukunombepa. aeva agakivipa aogi vuwakiye. ⁴ Aeva avuwaipa kaga kinapa awime sanaga aviye. Aye togema avuwaipa kaga kinapa poyakima nanavaya taga kamanane ayeka ukunombeka. ⁵ Kana taga kamanapa pimbaye, pipa pavigo ka Anutu mindiye, pavigo ka yagara avabikenava. Kraisti Isu ye, kana wama ndagara aye asa. ⁶ Pavi aye aumalaka puma igaluva tatati kamba aogiena vindisa. Anutu ayewa alapuma landa kanala pindanava puma avolataye. Pindanava pulayakitaye kaga kina tawima tavame kena. ⁷ Pindanava taga kamana nema pagusa kena, Anutu ala punatataye kamana mete nasina ndagara ena aposeli kina. nayeva taga kamana suwe; kambari kamba uwa. Nayeva poiya kuwe Gentaili gina pindava tagambana timatiti piyoma ⁸ Piyambane, Naye navika kaga aukwaiva pure iyoma iya malo gasima Anutu ti ayewa avikibi ngaukwai. Imatiti kinamiva pure ikenava imotisayo napiena ugasuga enalisava a purepa iyo Anutu tiva. ⁹ Nage navikegava waya miva aogima iyutasa enava aogima puliyo. Igeva aogima kavilima iyutasa enava pulindini a wasanama tagano enava apuliyo. Igeva inoviyapa aogima komu ulite inamu vindisa enava apulima golilasa pumalanda enayo iyutasa enava pulikenala puliyoma. ¹⁰ Waya miva aogi kanala iyutasa enava pulindini aogi eliyapa pikiveye Anutu kava napi lindini. ¹¹ Pigo wami puliya kikivepa timatiti kina, waya miva yendana mima avikenaye a iviga wandama nana kamana ikive kava. ¹² Nagepa kamba naviya waya milo poiyakite o wamika pindana piyomava a iyakiviyo. Wayamiva aogima Anutu kava napili ndini aogima mima imatiti kina kanama amba poiya kikive pindiva mi-iyo. ¹³ Pigo Adamupa amalu potataya, paviyama Evipa aindi potataye. ¹⁴ Pipa aye Adamuna kuya omava kambaripa ogaitaya. kambaya ayeva wayama kambaripa ogaitaye, piya vutagina aye agunda enava vutaye. ¹⁵ Pigo Anutu va wayapa kavitakiye yagara mekive tapa, ige aogima wama imatiti pikive kava Anutu ka ivuwama, aogima aye avikibi ngaukwai mikive kava.