¹ Anon banta betin inaen, " Mai dana sinta purafino?" ² Stiveni beu tiyamen, " Tifa tivae ma tifoe yama, ateren kau'e ma bayama senuna ineno, Ayarafenn i kagan mano tetin tifoe Abrahami pin me afoka emi Mesopotamia ma bamaen inain Arani orintein, ³ Ayarafenu bein tiya miyaken ten, " Ei barava ei keka ba ampire mana barama ani onuna ra orono." ⁴ Mai bei kaldia kayoi bara ampiren Arani o baremi, maira mai ayom bake be afoe puremi, bei mai barara overen eremi tare ma teti barunara. ⁵ Ayarafenu ida mana bara ami gami, ida ino, ma'a ugan ida kanai en bei arantan mai ra danten. Kana ifo, bei pe poromasi beinta uran baremi, puraino Abrahami ida iyam pon ida kaim bami, mai Ayarafenu aminten mai bara Abrahami ma be arao nia kayova ino sinten. ⁶ Ayarafenu bema baya sen tiyaken ein ana vasin ena barura ovanten mino mana'a damu mai barura banta nasi maen aman kalabusi andan maen beu 400 ti oranara uman aman namu inten. ⁷ Inkaifo tei mai kantri kotian tante mai Israli keka ma bei dorari uwan tiyainta,'' Ayaraufenu tiyaken,'' Inain beu maen ampiren teinta me mono tinte mino ma barura,'' ⁸ Inain Ayarafenu Abrahamin au sikan doran amemi, ma'a ugen Abrahamin Aisakin afoe nian Aisakin a'u siken mi nampa 8 bayan damu. Aisaki maem Jeikopin afoe ni'in maen Jeikopi 12 anon banta afoe eni emi. ⁹ Ma'a ugan mai anon banta kayo Josepina aran karen maen.Isipi monika sali in miyani uren aviren oremi, Ayarafenu bein ma baremi. ¹⁰ Mai mino umanpin bein ayaemi. Bei Josepin anunu emaen kama inin Josepin amiga mi Feroni barura, Bei Isipi i king mi bei Josepin aman Isipi Gavanai en mino Feroni kela ba defisemi. ¹¹ Tare mana kakan arafan mino Isipi ba kenani barafin eremi, kakan uman afoka emi, ma'a ugan tetiin tifoe ni dunan baran 'a' ida bami. ¹² Ma'a ugan Jeikopi inin dunan Isipi bam maen, Tetin tifoe yan tiyantan nam pa wan damu Isipi duna dosin ta oremi. ¹³ Nampa 2 damu sien tetin tifoe dunan dosinta origemi, Josepi beyan dagan afoka en be afa ava eyan aura imaen Fero dere Josepin afa avae yan oman afoka en. ¹⁴ Josepin be afa avae yan tiyantan be afoen Jeikop in mo tiyan amin Isipi eremi, mino bei keka ba eremi, beu i nampa maen 75 keka i. ¹⁵ Ma'a ugan Jekopi Isipi aravemi, bema be agafana ba maira ofuremi. ¹⁶ Jekopi ma be agafana i bodi baren sekem oremaen mat mati fin mo kaemi Abrahami Silva moni po miyani ugami Sekemi barafin Amoni agafana. ¹⁷ Ma'a ugan mai damu ma afoka imaen ade anan ta ma mai poromasi ma afoka iri iyan maen, mai poromasi mean Ayarafenu Abrahami tiyan mikami, Isipi maen Israeli nani banta mo kogoni ugami. ¹⁸ Orem maen mana king afoka emi Isipi dafisen maen mai king Josepin ida ofova ugami. ¹⁹ Mai king maen tetisi banta nasi kampun ten mean tetin tifoe yan akona baya ten maen arara iyampon afoka avire ereno ida beui laifi banova. ²⁰ Mai damu ana Mosesi afoka emi bei maen Ayarafenui aura avoru iyampon ba maen tarifara biyonta be afoen ama dan baremi. ²¹ Bein avian barufa kain maen, Feron araun bein avien dafisim maen anonien bein agasien. ²² Mosesi tigurusen Isipi kayoi save barem maen akonava baya sen maen beni doram ma akona emi. ²³ Bei ma 40 ti oranai maen bein ara mantan be afa avae o'onano banb emi, ma Israeli kekai. ²⁴ Bei onam maen mana Israeli banta uman dosemi mana Isipi banta ayanta bei maen mai Israeli banta mo aya emaen Isipi banta aruan puremi. ²⁵ Mosesi ini yaken ten be afa avae afovae ten Ayarafenu be ayampo everen beu aviren mino, puraino beu ida oman afovai en. ²⁶ Ena bayan ayompake, bei Israeli keka pin oren onan maen beu auban beraran asivim maen beu auban ara kusin bayan baren oren tiyaken temi, banta kayowe ire mana keka ono, para ire auban uman dosiya fono? ²⁷ Ma'a ugan mai banta ano be arona banta uman amen, Mosesin avekan nenta orin ma'a semi iye ein maki iya ayafai 'e Jasi'e tetin pin onobarafono? ²⁸ Ei tein tinono barafono inuran ei mana Israeli banta ma aruga e'onai ono barafono? ²⁹ Mosesi ma mai baya inen maen karan oren enafa bantai emi, Midia kayoi barafin oremi, maira maen kan iyambon afoeni mo emi. ³⁰ 40 orana ma esan tavin maen, mana ensoro maen 'e' afoka ugami pasavi afo gampion sanai anura mana dara ira gemi. ³¹ Mai Mosesi ma ira oniyaken, bei kakanta anudemi mai dana oniyaken, ma'a iyama bei onanovan ade ori yam maen, mana kakan ova kakan pimke eri yaken ma'asen, ³² Tei iren afoen Ayarafenu uno, Abrahami, Aiseki, ma Jekoipi ni ayarafenu uno. Mai Mosesi ma mai baya ini yaken, nbei kakan ta agogo van en ida everen onemi. ³³ Kakan maen everen Mosesin tiya men, sendioli aran tan take ayu fono, paravaraseyo, mai ma mantage ona bara maen holi ugein bara ino. ³⁴ Tei one uno tenti banta nasi ma kakan uman pima Isipi bain, mai tei beui ifi ine mae beu avirano van umbare ere uno, tare ei ereno, tiyanter ku tara evere Isipi orinono." ³⁵ Mosesin beu oyan amigein mino, beu tiyaken iyeein makim ayafa ono jasi on tige nafi? Mai Mosesi ana inp, mai Ayarafenu bein ayafa banta en Isipi kalabusi finke avirano van. Ayarafenuansoro ayampion tiyantan eremi iye Mosesim pin afoka enafi mai kata fin. ³⁶ Mosesi beu Isipike aviren eremi, inain mai ayonpake kogon mirakoli emiu mai maki kayo Isipi anien maen Red sea solwarabfimi, mai para bara afogapim 40 oranara. ³⁷ Mai Mosesi ana Israeli keka tiyami yanken ten, Ayarafenu maen mana profeti banta avian mantan temino ireti tifa tivae aubanake profeti tein andagein. ³⁸ Bei mai banta iye ansoro ba ataru uganafi para afogam pin ansoro ano Sanai anura baya sigan nafi, Mai banta tetin tifo ema bare ein mino bei mai banta laifi bain baya baren tetin me simein mino. ³⁹ Mai banta tetin tifo yan ida beini baya inein mino, beu bein tiyan tan nenta orafubin beu everenen Isipi ini gami. ⁴⁰ Mai damiu beu Eroni tiyan miyan ken, mana gotin maki esina bei tetin tiviren orino. Mai paravara seyo, mai banta Mosesi iye tetin tiviren Isipi bara finke erein mino, teti ida afova uge uno mai banta fin nai na dana sa afoka ugena fino. ⁴¹ Ma'a uga mana tito kaoi pikisa uwa man kau en amusin en ofa baren mai pikisa ra baren me amen, paravara seyo mai dana beu ayampo uwaman kaukein mino. ⁴² Puraino, Ayarafenu beu oyan amen ain ofura beu mono temino profeti kayo tiga, ein mai baya fin beu oren mino. Israeli banta nasi, ireti afa uraran po tein ofa time onafino mana dana ivan baru finke ma 40 orama ma origein' ne a? ⁴³ Ireti mana arasi ure Molecki kayo i mono namun bare mae Refani kayoi ofun goti kayo ba pikisa kayo uwae ireti mairai mono tiya ono, ma'a uga iretin avire ayaga Babiloni esan tante uno. ⁴⁴ Tetin tifoe yani oeri mono namun para afogampin bamino, ma'a ugemino Ayarafenu Mosesi akona baya teimino, ma'a ugan manai ugen maki pikiosa ba uwarano. ⁴⁵ Tetin tifoe mai ceri namun beu ina baren erigen mino. Mai dana sintava baren beu ba Canani Josua o'emino. Tetin tifoe yan aura, mino mai dana sinta kayo Ayarafenu dovaren beui barurake ba bararake tiyan ten mi mai keka ma mai barara bain, mai bara tetin tifoe yan beu ina'e siren amemi. Mai ceri namun tetin tifoe yama baren oriyan Davitini afoka impin pa baremi. ⁴⁶ Mai bei Ayarafenui anu nu dosen Ayarfenu inaen kana tei mana baru dosere kuna Jekopini Ayarafenu maira ban tenafi. ⁴⁷ Puraino, Solomoni bei Ayarafenui ama uwanta ein banta ino. ⁴⁸ Puraino, kakan Ayarafenu bei dan bain mini ida bei ma barara mapin baim mino banta ayapo ma uwantein mapin, ma'a ugan profeti kayo ma tigain. ⁴⁹ Kakan mano tiyaken inaru tenti sia King mino ma bara tesi tirantan kain baru ino. Nai na namun ireti tein tina uwarono bara fono? Intea barura tei tivi kantera fono? ⁵⁰ Te siyampo ida mino mai dana sinta uwanta uno? ⁵¹ Ireti baya do avekan keka onmo au ara pinke ida ⁵² Intea profeti kayo tetin tifoe yan ida namu ugan nafi? Iretin afoe yan profeti kayo aruganafi iye esesian puntaken banta ra essesian ori ganafi, ma'o ugan tare a ireti ma dere banta namura ayampin kain keka ono ma'a ugan ireti ma dere bein arin keka ono, ⁵³ Ireti ensoro ano ma kau kein lo mante onmo puraino irete mai lo ida paka geo no. ⁵⁴ Inain kansoro kayo mai baya kayo inim maen, mai baya kayo ono beui ara manten ara uman amin maen Stiveni na aran kemi. ⁵⁵ Puraino, Stiveni aupin Kaunta Auna mano inti kaga maen inarufa mun onemi Ayarafenui kagan inti kagan, maen Tepuron onan Ayarafenui ayan karu apa manta gami. ⁵⁶ Stiveni tiyaken, " onano, tei onekun inaru ona divin afon iyampo manta gemi Ayarafenui ayan karu dapa. ⁵⁷ Mai kansoro keka ayan aterenta iyaen kakanta ovaran mino ano tavaen Stiveni bain oremi. ⁵⁸ Mino ano Stiveni darifen barufa kakan taunifin ara vemi mino ano on ankamin maen mino banta nasi bein onami, mino ano beui saket ayuen mana pumara arantam pin kaemi, ben avi Soli i. ⁵⁹ On ma Stivenin ankjami yamaen, kakan bain ovaren ma'a semi, "Kakan Tepuro teinti Aun barano. ⁶⁰ Bei aronkon iyarem kakanta ovaren ma'a sen, "Kakan o'e, idava beui ara uman pakano, " bei ma'ama tiyan kipem, puremi.