¹ Mei damu kayo pimpa men, disaiple kaiyo ano mo kokonasi'in asivin baiya ano eaven Juda kaiyofin ori aren Griki kaiyofin eriaren men hibru kaiyofin oren, du nan daiminan damuse, hibru kaiyo ano kokona disaipeli kaiyo ido kento nanin kaiyo dunan amen. ² Aposel kaiyo ano kokona disaipeli kaiyo aran erivin, ma'asen, "Ida kama ughe mino teti ma kakani baiya ida banasi tiyamie ma dunan ma damiya unge. ³ Tiyoma kayo, kasae ireti yan pinke 7 ni banta dantefo, kama avi ma dakein bantankaiyo, aunpin bikaven ma kama inin onan ma bain, iye teti ma doranta ma dan nunde. ⁴ Tetinpin men, teti mino ano amukinpin ba Ayarafenu baiya tiyan amin avu'avapin bantere. ⁵ Mino kaiya ano beu ma mei baiya ma teinta amusinen Stepen mi kaen, mei banta ma akona mumunan dan ban ma aunan ma bempin bikagheine ma Filipi, Prokorusi, Nikano, Timon, Pamenas va Nikolasi, mana banta ma Antiokike ma au bereine. ⁶ Mumunan banta kaiyo ano mei banta kaiyo aviren Aposeli kaiyo aura me den. Beu ano kanaien ayan meikayo daro kauren amukuwan ta'en na mei doran amintin baranavane. ⁷ Meivan Ayarafenui baya ano mo kakanien, disaipeli kaiyo ano mo kokonasi'in me Jurusalemi dere dampoi in meivan kokona prisi ano eman mumunan a bakuren . ⁸ Meivan Stefen avabapin ma akonafin bikaven bei enana doran ma mirakeli anasi banta aubana en. ⁹ Mana'a nanin banta iye Juda kaiyoi kakan mono nanunpike no, beuyan mi aren ida mana dana ano be 'bakakein banta kaiyouno. Kakan tauni Sairini va Aleksendria, va mana'a Silisia kaiya va Esia beu orun mantene. Mei banta kaiyo ano ma Stiveni va ma asuvi kare'ein kayoe. ¹⁰ Beu ida kasaen Steveni ma mantaven asivintene mino Aunan mano ben ma inin aminma tiyain baiya'e. ¹¹ Meivan beu aupa ban banta kaiyo tiyanten oren omah ma'asen,.Tetin inekun Stiven ni ano Mosesi ma tiyain Ayarafenu masan tiren inrene" ¹² Be ano banasi aman aran amene, kakoy banta kaiyo va mam baiya afovai ughein banta kaiyo beu stiveni baken kansol ayampin aviren moden. ¹³ Beu ano kampun banta aviren orin oman ma'asen, ma banta ano ida no munkurein kantasi ughen barufin ma mam baiya vase asivin baiya sigarein. ¹⁴ Pura ino teti ben inekun bei ma'asen Nasareti ni Tepuro ano ma baru intanurei men tetisi tinan yan ma pefa ma iyareein danasinta ma tetin timien eman enafini intene." ¹⁵ Mino ano ma kansoli ama ma kumuntare ein mano ben aunapin mana beu au karudan oen, ben auna onan men ensoli aunasi ben auna ano aman en.