¹ Poli bei mana doran banta kayovo kankanan kakan tauni Amfipolis ma Apolonia auban origami inain ena kakan tauni Tesalonaika mai Juda kayai mono namu bainta origami. ² Pol Juda kayoi mono namun origami enaina oriyainta bai oremi, mai tarifara sabati damu Ayarafenu baya beuba daimemi. ³ PolinTepuroma umam baraneim baya tiga mi, mai beni purim bayava beni mantan bayavatigaremi, mai Tepuro ni baya ma ireti ma tiya mika eruna mai kaka mino. ⁴ Judan keka maen Polin ni bayava mumunan ugaremi, beu maen Poli nu Sailas ma ataru emino, mai Griki kakan mumunan nanin banta ba avi bain nanin kago Polin bakuntami. ⁵ Mai Juda nanin banta ma baya seinta ida mumunan ugaren, beu ara uman dagami, Mai Juda ma Griki nanin banta Poli ni bayara mumunan ugami. Ma'augam maen beu i mageti barufin ora fuben namu banta kayo ara avoran kakan tauni fin kaka baya sen ore raemi, mai Juda nanin banta va ena nanibanta tavaen Jeseni ni ma onara tavaen oren, mai Poli nu Sailas avitren banta nasi ayam pin me kaono. ⁶ Oren onan Poli nu Sailas nu ida bamaen, Jeseni ma be afa avae ma Poli ni bayava nununan ugain darifen oren, Aviren oren tauni anon banta ayanpim mogaen, mogauan tiyan amen, mai banta kayo mino barufin uman barenon, tare mara ere mino. ⁷ Mai banta kayo Jeseni mai aviren be ama ma moram baein, beu maen ida Sisa i baya bakuria mi, beu maen ma'asiyankan, ena King bamino, bein avi Tepuro ino. ⁸ Mai bantya nasi va kansol kayo va kakan taun nifin ma kakan baya ma iniyaken, mino ano aranamu ugami. ⁹ Inain kakan hauni a'ano banta kayo ano Jeseni ma mumunan banta kayo ban tiyaken moni miyani uresi, ampeke orono. ¹⁰ Mai inuram mana be afa avae Poli nu Sailas nu tiyantan Beria oremi. Mikama mai barurama o uniyaken maen, mikana Juda kayoiu mono namun o'emi. ¹¹ Kogon Juda nanin banta ma Tesalonaika bain ida Ayarafenui baya ida amusin nen ida ine'e iyami, ma'a ugam maen iyen Juda Beria banafi amusinen baya bare'e iyami, kama ini ma kama ara ba, ena ena damu, beu Ayarafenu baya dai men ine'eiyami ma baya purafi kampunafi. ¹² Ma'a ugam maen kogon Juda nanin banta, mana'a Griki nanin, iye avi bain kayo mai kakan taunifin banafi, mana'a banta kayoba maifin banafi, mai Tepuronta mumuna ugemi. ¹³ Mai Juda kayo ma Tesalonaika ma bain kayo ini ma Ayarafenui baya ma Beria tiya maen, emanten maen Beria banta nasi ara manten, banta nasi ara namu emi. ¹⁴ Inkai tiyan beafa, avae Polin tiyantan nampisi barufa oremi, Sailas nu Timoti nu mikan Beria bam mi. ¹⁵ Iyan banta kayo Pol in aviren origa renafi, aviren nenta kakan taunifin Atens aviren moremi. Aviren mokauen, overen erenovan imaen, Poli beu tiya miken Sailas nu Timoti nu tiyan tesina ainen teivan overen erino. ¹⁶ Mai Poli ma Sailas nu Timoti nu ba'ma Atens baken, bei onan maen kogon kampun Goti kayo ma taunifim inti kagan maen, bein ara maen kakanta uman demi. ¹⁷ Ma'a ugam maen everen Juda kayoi mono namu n' o kumamen baya daimemi, mai mana'a Ayarafenu ra'ma mumunan iyain kayo va iyen banta nasi maira ataru ugan nafi mai kayo va baya daimemi. ¹⁸ Mana'a Epikurian ba Stoik save banta kayo eman bema ataru emi. mana'a ano tiyaken, " Ma kampum banta ino, bei nai esa teno barafino? Ena kayo tiyaken, bei maen ma banta banasi aviren ena goti bakurino van, mai bei maen Tepuro ni mantan baya tiya mino. ¹⁹ Beu Pol in aviren Areopagusi oremi, mai maen mino a'no banta kayo maen mai barurai o atam 'e'n, bei nan tiyaken, " Ei kana'e tetin oyen baya kayo tisi mintefo, Ema tiya ona e?" ²⁰ Mai teti ini yauno ara ara bayama tetin ta'tarempin ma eri yain. Ma'a uga mai teti afova onovam muno, mai baya beni ana nai esa tige nafi? ²¹ Mino banta nasi Atens sike ba ena banta nasi mai barura ma bain kayo ba, beu i kakan inin onan kau en baya iniya, o'en baya inen novan. ²² Poli maen Atens si manta van mino a'no banta kayo aura tiyan, " Ireti Atens si banta kayo'e, tei oneku ma'e ireti mono banta kayo ono mino puntakein avu ava pin. ²³ Ese tei ore, mae one uno ireti mono ma tiya ona, tei mana bonpon uwan tein alta one mae riti e'uno, Mai alta maen ida teti mono tiyan tiya una goti ino". Ma'a ugan mai goti ireti ida afova uge ona ino, ireti maira mono tiyan tiya baono, mai tei tiyan amae uno iretimpin. ²⁴ Mai Ayarafenu iye ma bara uvarena mino dana kain ban nafi, bei inaruva barai kakan mino, bei ida banta ayampo ma uwan tein mono namunpin ba'e iyamino. ²⁵ Ayarafenu banta nasi ida bein aya inovan e e iyami no beu ayampo, bei ida banta aya inovan ini gemi, mai paravara seyo be yanta laifi amen, aunan amen, mai mino dana banta amigen. ²⁶ Mana bantara ano, bei mino bangta nasi uwa ma'an mino pimpa bami, ma barara, pefa maen beui ban damu dan baremi, beui barara maki dan baremi. ²⁷ Mai beu Ayarafenu dosen maen avan dosen be bain maen orinten, mai Ayarafenu ida tetin ampiren nenta bamino. ²⁸ Beimpin teti laifi bake, noke ma barara bauno, ma'a ugan manano iretim pinke tiyaken, teti mino ano Ayarafenun aga fana uno. ²⁹ Ma'a uga maen mai anara teti Ayarafenun aga fana uno, idava teti tiyake, Ayarafenu maen kori anda gemino se mae, o silva ino se, o omino se, o mino danai pikisa ino se, banta kayo beui inipo uwan tein. ³⁰ Ma'a ugan Ayarafenu bantai avu ava san ida anunu ugami, mai peifo dare madamu maen, bei akona baya banta mino pantiyami yaken ausa berano. ³¹ Bei mana damu pe maki ugemi, mino nani banta ma barara ma dai minain bei puntakein avu avaba, mai banta pe Ayarafenu maki ugemi pe ani ugemino bei purim pinke oruman avian mante mino. ³² Atensi banta kayo inin ma Poli Tepuroni purima mantan bayava tiyakan, mana'a banta beini baya van inti gami. Ma'a iyam maem mana'a ano tiyaken, " Evere inen no bamuno Poli ma tiyain baya. ³³ Mai ayonpake, Poli beu ampiren oremi. ³⁴ Mana'a banta kayo Polini bayara mumuna emi Dionisius Areo pagite baru rake, ba mana nanin, bein avi Damaris, ma mana'a keka iye beu ba bare nafi.