¹ Inka Pol i ma Sailas i beka kakan baru Deb ba Listra oren, mai nakinafa man doran banta bami ben avi Timoti, bei mana Juda nanin agai iye inen be afoe Grik i banta. ² Mai banta iye ben afovaye Listra ba Ikonum ke ben afovaien kama baya bena ten. ³ Pol i Timoti na anunu en bema orinoa inen, ma,aukan bein aviren ben au mo tiken, paravarase beu Juda kayo iye mai barufin banafi, mino ano afovai en be afoe Grik i banta. ⁴ Beu mai damu kakan baru auban oren, beu baya mono kayo amen inain kama auava ba baya va dagafi nosiren, mai beu doran banta va anobanta kayo Jerusalem ke beu uvaren. ⁵ Ma'a avin mai mono kayo mantan akona beu i mumunapi ma bantanasi nampa kogoni manamana damuen. ⁶ Pol i ma iye iye ben dagafen orenafi, beu oren auban baru Frikia ba Galatia mifa o afokaen, inka Kanta Aunan mano beu o muken paravarase beu ia Ayarafenu avayo Esia barufin tinovan. ⁷ Beu ma Misia ade ma orin, beu maen Bitinia o onovan inigan, ma uganAyarafenu auna mano beu iyuaren. ⁸ Maukan beu Misia esantave, beu kakatauni fin Troas i eren. ⁹ Pol i mana dana kain andagein dana inura onen, inka mana banta Masidoniake bei mesapan mantgan, inka overen tiyan ame, " Masidonia erive tetin tiyao." ¹⁰ Pol i mai danasinta kaima onenien, manada ano teti e mante Masidonia ore,, paravarase teti te ine mase Ayarafenu tetin tararen ten ten beu pina kama bayamo tiyan ame. ¹¹ Teti bouti fin kaosive kakatau ni me apire Troas ke Samotrais i oren, inka enadamu teti Neapolis i oafokae. ¹² Inain teti Flipai ore, bei mana kaka taun Masidonia ke, be i kakani kakataun i ke distrik inka beu kogon nanibanta maira afovai ure ban, inka teti kaka taun nifi mana damu ba. ¹³ Sabat i damu teti barufa arave tauni onara non akinafa, maifa teti ma ineruna mana amuki baru banase. Teti anasi kayo ba kumame bayase iyeiye amukinta eriga. ¹⁴ Mana nani ben avi Lidia, bei kama korosi kayo Tiatiro taunifin tarieiyan, be mana nanin Ayarafenu mono tiayamaen tetin tivaya iniyan. Kakan mano ben ara diran Pol i ma tei baya ine. ¹⁵ Mai ayompak Pol ma Salia i nu be ama mabaen kayo noname, " Bei teti ma;asen tisime, Ireti ma ine tena puntake kaka ma ban, tenti ma eriveba. inka mai nanin tetin tira eman beyampa kaen. ¹⁶ Inka ena damu teti amukin barura ore, inka teiti mana dampara arinta va o foke iye bei namu spirit i bainafi. Bei maen banta nasi tiyan ame naina danasinta inain afokauwin tis kogon moni mae beni dafisin banta ameterafu. ¹⁷ Mai nanin dagafen Pol i ma tetin oriven ma'asen, Magayo beu Ayarafenu ni doran banta iya men ta dan banafi, Beu Ayarafenu ni afake tiyan amae bei ma banta everen avirana pake. ¹⁸ Bei mai baya kogon damu ten. Mauka Pol i ia manavasi en, mauvin bei mai nanin oaren tiyan mai spirit i tiyan amen, " Tei Tepuro avika tiyan ame bei ampe. " Manada ano mai spirit i bei me ampire ore. ¹⁹ Mai beni dafisi kayo ma oniya moni baran avu ava bepike me apen, beu aranan uren Pol i ma Sailas i darife mino aura mageti fion lo anobanta vain oren. ²⁰ Mara beu ma bekan aviren anon banta vain orin, beu ma'asen, Mai kan Juda banta kan nasi asuse tesi taunifin en. ²¹ Beu tiyan paman en Rom i kayo ma iya ontein ma dagafiyian. ²² Mauka mino naninbanta orun mantaven areuviri bayafo Pol nu Sailas ba en, beu anonbanta kayo bekanio ona do ayuden tiyan soldia gayo ame dakafosa bekan akamo. ²³ Bekan ma soldia kayo kogo ai amien, beu bekan karabusi fin kaen, beu karabus i ramadafisi kayo tiyan ame dafiana bekata akona esin iava karan ori. ²⁴ Inain ma be i mai bay iniyan, mai dafisin banta bekan dan karabus i fin bekan arantan damure menapa mapin dan oen. ²⁵ Tnuran auba Pol i nu Sailas i amuken inka Ayarafenu vain iden, ena karabusi banta kayo beka ine. ²⁶ Manada ano bara burunen simenti namupin, antuantu in amunen mino ona diven oreraem anama aratan ayama damu gaein utufen oreraemi. ²⁷ Mai karabusi ra, ma dafisin banta bagaein pinke emanten onan mino karabusi namunte ona dugami, mai bei bainati maen beyante beyan aronovan emi, mai bei ma inein mino karabusi banta karan ore mino tiren. ²⁸ Mai Poli maen kakanta ovaren ma'a semi, "Idava eyanta uman doseno, mai teti mino ano pava uno. ²⁹ Mai karabusi rama dafisin banta maen ovare laitivan dosemi mai iye pavanafi ona novan, kakan perama, mai Poli nu Sailas nu arantampin e ankame mi, ³⁰ mai bei maen aviren mikana barufa erafube inaemi, " Ayafa kayova, mai tei naisa ekuna Ayarafenu tein tiviran tenafi no?" ³¹ Mikan tiyaken,Ema e'iu kekaba iye ein ama banten nafino mumuna na ono kakan Tepuronta esimaen Ayarafenu iretin avirantemino. ³² Mikanan maen kakani mono baya bein tiyamemi iye beima ben ama ba'e iyanafi. ³³ Inain karabusi dafisin banta maen mai damu ana mikani namon amunen teseemi, mai ma'a uren amunen bema mino bema ma bain kayova non baremi. ³⁴ Inain Poli nu Sailas nu aviren be ama oem maen dunan amin mikan nemi, beima iye bema beama benafi kakan amusin emi mai bei Ayarafenu unta mumunan emi. ³⁵ Inain a'au ma eavim, a'non banta kayo maen baya dan eremi karabusira dafisin banta kayo tiya miyaken, "Fri emifo aesina mikan orino. ³⁶ Inain karabusira dafinsin banta Polin tiyamyan ken tenmi "Anon banta baya dan eren tiyaken aesina mikan orino , ma'a ugan irekan erafube arakusim ma orono. ³⁷ Poli bein tiyami yaken, " Teti Romi ke bakun mino banta nasi aura tinka'en karabusifin kaemi, mai para tetin aupake tisin tano bara fino? Ida ino! Aesina mai Jasi kayo beu dantesa esiviren karabusifinkesa barufa orino. ³⁸ Karabusira ma dafisin banta kayo maem mai baya baren oremi Jasi kayo mo tiyamemi, inain ini maen Poli nu Sailasi nu Rom ke ma bamaen kakan agogofin bami. ³⁹ Mai Jasi kaya ma me tirunoe ma mikan ta tire maen mikan karabusi finke abire barufa eremi mikan enaiyaken kana ireka ma kakan tauni ampire orin tefono. ⁴⁰ Ma'augan Poli nu Sailas nu karabusi ampire barufa ere maen Lidia ama oremi. Poli nu Sailas nu ma ena mumuna banta nasi ma oniya ken, mikan beu akona ami emae mai kakan tauni ampire oremi.