¹ Ntjangwatuma yino kuna kutunda kwa Paurusa, mukareli waKarunga nomupositoli wa Jesus Kristus ame kwa tumina vantu ava ghahorovora Karunga, nivatere mulipuro, ame nivatware muliyivo lyousili oghu lya ronganga ukareli wa ² Karunga, oghu vatatekera kulihuguvaro womunyo wanaruntje ,Karunga oghu adirango kutanta vimpempa, ndje akutwenye dera kare-kare. ³ Uye kwakuhorovora pasiruwo sosiwa munkango dendi.ame mbyo nayuvhitango moomu ghavi mpangera Karunga muyowoli wetu. ⁴ Kwa Titusa, monande mwene-mwene wamulipuro lyetu natuvantje. Karunga Se na Jesus Kristusa muyowoli wetu vakufere nkenda okuno vakupe mbili. ⁵ Evi nakuyisuvira nasitambo, okuno unalituramo vakurona womumbunga kriste mwakehe sino sitata moomu nakutantera. ⁶ Mukurona wo mbunga kriste apire lipuko, akare mukafumu wo mukamali umwe tupu, wovana wovapuli vavonka kapi varunda dimutwe. ⁷ Mpititi wo mbunga krisite ,apire lipuko moomu lya wapera kukara lirenga lya Karunga,kapisi wokulihora mwene pantjendi, kapisi womarwanambo, kapisi nkorwe ndi mukorokotji ndi musanasani wolimona lyo udjuni. ⁸ Ene ngoli, apakere mbili vagenda no uye ahore vyoviwa. A kwate muntjima, ahungame, apongoke, no kulipangera mwene. ⁹ Ahudite nkango dokuvura kuhuguvara edi dakuyendo nalirongo eli vamuronga, Ntani avhura kukorangenda vaunyendi nolirongo lyoliwa oku kunakupukurura ava vana kumukondjito. ¹⁰ Mbyovyosi vomanyami vangi, edi da kavaukango di pukite vantu , unene vamwe mo ava varuwana vya vamba. ¹¹ Uviva swenene, mbyovyosi vavo kupukita mandi pakuronga va hana ntjoni evi vyadiro viyeramo asi vawanenepo limona. ¹² Unyavo umwe muporofete wavavene kwatata asi,'' ¹³ Vakereta vovipempa, voudwa.'' Umbangi uno wousili, Ene ngoli, uva tughumukire unene, vakareko nolipuro lyoliwa, ¹⁴ kapisi vakukwamakwame matimo wo va Juda nodimurawo dovantu ava vanyengo usili. ¹⁵ Vinke navintje kwakusukira,kwava vakusuko. Ene ngoli ava vanyato vavo vahana lipuro, kwavo navintje kwanyata, ngoli ndunge davo no liywi lyavo lyamumutjima nalyo kwa nyata. ¹⁶ Vavo kulivyukita vayive Karunga, ngoli vavo kumukanana muvirughana vyavo. mbyovyosi vavo vadona , vavo kapi vayuvhanga, kapi va vhure kurughana vyaviwa.