¹ Nkanda mu ikundu ri bamama ba bora Yesu Kristu, muana bora David, muana bora Abrapama. ² Abrapama aboto Isak; Isak aboto Yakobo; Yakobo aboto Yuda ndo bana bi ny'anda. ³ Yuda ba Thamar baboto Fareze ndo Zara; Fareze aboto Esrome; Esrome aboto Arame; ⁴ Aron aboto Aminadab. Aminadab aboto Nason; Nason aboto Salmone; ⁵ Salmone ba Rahab baboto Boaz; Boaz ba Rutu baboto Obede; Obede aboto Ishayi; ⁶ Ishayi aboto Davidi. Kumu Davidi aboto Solomo ba ngara a Bora Uri ⁷ Salomo aboto Robowam ; Robowam aboto Abia, Abia aboto Assa; ⁸ Assa aboto Yosafata; Yosafata aboto Yoram; Yoram aboto Ozias. ⁹ Ozias aboto; Yoathan. Yoatham aboto; Achaz; Achaz aboto Ezekias. ¹⁰ Ezekias aboto Manase; Manase aboto Amo; Amo aboto Yosias;11Yosias aboto,Yekonias ndo babi nyanda, u itanga ra weba ba barata ra Babilone. ¹² Ambishi, amana ba u we barata ra bibilone; Yekonias aboto Shalatiele; Shalatiele aboto Zorobabele. ¹³ Zorobabele aboto Abiyud; Abiyud abota Eliakim; Eliakim aboto Azore; ¹⁴ Azore aboto Sadok; Sadok aboto Akim, Akim aboto Eliyud; ¹⁵ Eliyud aboto Eliyazare; Eliyazare aboto Matane; Matane aboto Yakobo; 16 Yakobo aboto Yosefe nom'a bora Mariye, yono aboto Yesu, yono angoruku ba Kristu. ¹⁷ Keke kumbu shashikimi shiyi ishanga a ine u tapa Abrapam inamana Davidi, kumbu ishang'ando ine u tapa Davidi ti inamana a weba barata ra Babilone, ndo kumbu ishanga a ine, utapa a weba barata ra Babilone inamana Kristu. ¹⁸ Rende ipu nana rakerme mabotoro ma bora Yesu Kristu. Awara inyanda Marie bishe ntapa ibaka u bora Yosefe, bukoto ba u bere toko posho ishasha, ya ku moniy'ando ikundu ri bunono bua Nyuma ndjua Ntsheke. ¹⁹ Nom'ande Yosefe a wara moto ndjua ntsheke, keke kashe wende u ntshono umishi ma bate, a wondo unekere u bushuama. ²⁰ Atapa yande u ya u ruru u meye mana, muanjero ndjua bora Kumu ya nku pununu u iru ndo ku ror'ande: < ²¹ Yande iboboto muana ndjua barungu, ndo bunyeke rukombo Yesu , ishin'ande iwowondjoro bate bande u mandimbi mabanda.>> ²² Meye mana ma makimi mawiyi ishini koyemeshe rueye runu rua toto Kumu u numbu mua ngandjamb' ande : ²³ << Rende, irenge ra ngata rabere yebe nungu ri kekere ikundu ndo ri boboto muana djua barungu. Bi ngunguru rukombo and' Emanuele, ubarara rutoto ande '' Ndjambe yiy 'ando yiti''>> ²⁴ Yosefe a wumuwu yanda, ya kukere ipu ra ntshosho muanjero ndjua bor'a Kumu yaku wosho ngar'ande. ²⁵ Kek'ake yanda katoko ya puturu ba nde ishasha imoko ti ndo a wu yaboto muana ndjua ba rungu, yono a yeke yande rukomb'ande Yesu.