² Monyo u mbok'a ntshongo,efeso1: 19,20,kol2:12,13 tit3:3-8 IIkorito 5:17. Bua wara bawa u madjara mini mi mabenga aki u mandimbi mini, rom5:6,kol 2:13 ¹ Mawara buini ipu ra bate bashin'amana ba nti munu, ushini bunono bua kumu ndjua mungu, upungu ini yankereke u kata bana bantshu mua munono. ³ Biti bakimi tshuawara ku ndeng'abanda,tshuawara tshukere nyingi shi rutoto ririti, wu yemeshe nyingisha toko ando manya miti, tshuawara ba tshuboto bana bakabuango bate beke. ⁴ Keke Ndjambe ndjua woro ndo ntshongo ishini bunene bu ruwondo ru tshuwondo y'ande, ⁵ Biti bana tshuawara bawa u madjara miti mikuara itshuyeke monyo u kristu ⁶ A ma tshuwumunu ando nde,ama tshushikiy'ando Yezu u maraka ma riki, ⁷ Ishini ya wushundju nashewu ma bosho bunene bua ntshongo muanda mua reke munyande a mburayiti u Yezu Kristu. ⁸ Kek'ande buiyi ba wondjowo u ntshongo u mboko maweshere, mande ka ma mike pumu u buini,miyi mayekere ma Ndjambe. ⁹ Kantsheke wiyi u mingunu ke'ande moto yi ya Tonosho. Rom 3: 27,1korinto 1:29 ¹⁰ Biti tshuiyi ngunu muande munu muawanga y'ande u Yezu kristu ishini biti wu kere mingunu nya misheke nya te roriyi Ndjambe biti wu mikere. 2korinto 5:17,efeso1:4, 4:24 tite 2:14 ¹¹ Bina marondjo meke ndo Bina yuda ba mawiyi bate ba moko u mishi ma Ndjambe u mboko iwara kristu: v.11 -18, kolos 2:13,14,1:20-22, ngal.3:28-29 Heb 10: 19-22,Zak, 6:15. Keke buini buwibu'ande u wara bua wara marondjo ma ngono -ngono u rutok, bawurukuband'ande bate ba bere banda batara poto ndo biyi ku rutoko wu mabotoro ¹² Wibuaw'anan'ande itanga rina buawara abere war'ando kristu, u bere wara ndo ikapa u shini ndja Isarere, benyambanga u maraka mi mawokosho,ubere wara ndo mabakara ma nteme ndo u bere wara ndo Ndjambe a shin'amana. Rom 9:4 ¹⁴ Kek'angowo buini bana bawara tamba u Yezu kristu bui bakaruwu ngama u mboko makere ma bora Yezu mana matshamuwu a shini. ¹³ Ishin'ande yiyi poro shiti,yono aker'ande u makapasha miti u bate bapende tshuara moko ndjua ateye iyere rin ra weke tshubapara.yone16:33,Ming10:36,Rom5:1,Kolo1:20 ¹⁵ Amana yande lembeshe bunono bui ikembe u mabenge mana mawaraka u bate,ya ku puturu bate bapende wiyi moto ndjua yembe, unishi poro u ndeng'abanda ndo wu baputuru moko ndo. ¹⁶ Indjueke u moto moko aki ndo Ndjambe u mboka nte mua weshe-she, munu mua pandja makapasha ¹⁷ Yand'amawiyi u bushosho buini bana bawara tamba ndo bana bawarangama-ngama rusanga rua poro. yesh 57:19,efeso 3:12 ¹⁸ Keke ishini y;ande tshuiyi bat'ande bati mamini u bosho bui ishiti a Ndjambe ukata pungu ndja isheke ini-imoko. yone10:9, 14:6.Rom5:2,efeso 3:12/Heb10:19 ¹⁹ Kek'angowo buakapa bu karewiyi benyambanga mbe bina marondjo mi bukara, buiyi ba binyaba ba bate bikimi ndo bina irondjo ra bora Ndjambe ngal 6:10. ²⁰ Buin'ando bandebuiyi ngo mburu ndja Ndjambe ya ntshoroko banda ariki ri matapara ma mburu miba postoro ndo bangandjambe,Yezu ya mene yiyi imanya ri tumu ra mburu:1korinto3:9,10.yish 28 :16,Mat 16:18-3 Apoc 21:14,1p2:4 ²¹ Keke u yanda bitenye djabikimi dja mburu dja roriyi busheke tshinango ishini tshiwuwiyi mburu ndja ikimi a bora kumu, ²² Wu y'anda buiyi abuini bashoro ishini ku wara mbura Ndjambe u nyuma.