¹ Poro a mak ba wimbishi, Poro, mupostor'mua bora Yezu kristu,wu ruwondo rua Ndjambe, wu bin'ikini bana biyi u boro bua Efeso ndo bana bishere nteme wu Yezu kristu. ² Ntshongo ndo bi buyisha djini wu bora tata Ndjambe ayiti ndo u bora kumu Yezu kristu,[ Ndjambe a ma te shoro bate ishini ba wara ndo manyaka ma monyo]. ³ Manyaka u bora Ndjambe,ishanda bora kumu ayiti Yezu kristu, yi tshu purushu a manyaka mi mapu ma makimi ma pungu a Ndjambe ukata maraka ma riki wu kristu. ⁴ Wu yande Ndjambe a ma tshu shoro wu busho yande wu bere toko wanga shina mana, ishin'ande tshuara bate bi ikini aki ko bi tshubanda a rueyi bi wi mishi mande. ⁵ A mate tshu shoro a bosho wu ruwondo ruande biti wu wara bana bande bi kiti wu Yezu kristu,ngo ipu ra risheke ri bunyaka bu ruwondo ruande, ⁶ Wu matonosho mi rutono ma ntshongo mi tshuyeke y'ande wu muan'ande ndjua ruwondo rua buiki. ⁷ Wu yande tshuiyi'ando mapikiri miti wu yande wu makere mande, ma rimbishi ma meyi ma mabe miti, ngo ipu ri biroko dja ntshongo muande, ⁸ Djini dja pandja Ndjambe buika buika ariki riti wu ipu ra rikimi ra buanya ndo ri buyebere. ⁹ A ma tshu shundju rueyi rua shuama ru ruwondo ruande, ngo ipu ri ruwondo ruande rua rusheke runu rua roriyo y'ande wu ya mene. ¹⁰ To ando itango yi emene rindji ri mawokosho wu kokiyi bikete dja bikimi wu kristu, djini djiyi wu riki ndo djini djiyi u shina mana. ¹¹ Wu Yezu kristu irak'rini tshua buaka biti ba kiti bikete,ipu rateye mana tshushoro wu bosho, wu raba ma roriyi ma bora yono ankereke bikete dja ipu maberere mi ruwondo ruande, ¹² Ishin'ande biti tshuara bayishi bi rutono ruande biti bana ba te shiki nteme busho wu kristu. ¹⁴ Wu y'ande keke buini, a mana buini woko rutoto rua bara-bara, rushanga rua rusheke ru mawondjowo mini, wu yande yono aweshe buini ndo yono yi bushiki banda yendje ra pung'a Ndjambe yini yi bu raka banda, ¹³ Yini yi tuku ndja makitiri miti mi bikete,ishini mapikiri ma bate ba Ndjambe muina banda, wu motonosho mi rutono ruande. ¹⁵ Ishin'ande a miy'ake a woko miyi rushanga ru maweshere mini ma kumu Yezu aki mi ruwondo ruini ishini bate bi ikini ba bakimi, ¹⁶ Ka nda meke rekere wu rombo Ndjambe,ishini buini, nda meke tene kombo shini wu maromboro mana, ¹⁷ Kek'ande Ndjambe ndjua kum'ayitu Yezu kristu, tata ndjua rutono,yi bu yeke pungu ndja buanya ndo ndja maripiri, ukata buyebere buande. ¹⁸ keke yi bub ripiri mishi ma nteme muini,kek'ande bu yebe mashikiri ma nteme ma mbuenye ma mamaka ma wururu m'ande,biroko nana dji rutono dji makitiri m'ande mi bikete ma nondosho y'ande bini ikimi ¹⁹ Ndo buinu wuyebe bunene bu bere wiyama manishi ndja bunono buande wu biti bana ba ngueshe. Amatshu shundju ipu ri mangoro mi bunono buande bua bunene. ²⁰ Runu rua kere y'ande wu kristu,yi ngumunu y'ande u bate bana ba wa,akiy'ande ku ntshikuyi wu rowo ruande ru barungu rua ru nono,wu maraka ma riki, ²¹ Ariki ri bukumu bua bukimi, ariki ri bakumu ba bakimi, ariki ri bunono bua bukimi,ariki ri matotoro ma bate ma makimi, ndo rukombo rua rukimi ru ruera ba wuru dja kapa ku yiburu ra rini,kekaki wu yiburu rini ra miki u busho. ²² Awosho dja bikimi ku bishiki u shini sha para shanda, keke ya ku nyeke bua yande wuwara ariki ra ntshue mua meyi ma makimi ma Ekereziya. ²³ Yiyi rutoto ruande yono a nyoroshoko bikete dja bikimi.