¹ Kek' ande buyebe a buin'itumbu ra rinono ra mana miyi ishini buni, aki bini Laodise, ando bana yibeke ba bemono bosho buami. ² Nda kere ngunu ishin'ande miteme nya banda nyar'ando bu nono ishini uya butuwu uruwondo ukata burokodia bikima ukatua buyebera bua meyi ma bara bara bua bora Ndjambe, uwar'ande Kristo. ³ Ku yanda a shuama birok dja bikimi dja buanya ndo dji buyebere bua meyi. ⁴ Nda totoko ngosho kek'ande areke moto yi bu rimbi ando meyi mi bu parashe manyi ngo bi. ⁵ Keke ndi sheke wara wara ndo ndakap'ando yini u rotoko ndiyi ando yini iraka i moko u nyumu. Ndiyi ando bunyaka bua minyi ure bu munu bua nyembete u maraka mini ndo munu bua nkanda iboro rina u mawereshe u boro Kristo. ⁶ Ngo pwara yini, ya weshe buini Kristo Yezu, kumu,buyi boko para u yande. ⁷ Bura ba piki nyiri ndo ba pikini u yande bu yawi ndjuru u maweshera pwara yini yi buyishi banda keke buara ba yoro u ma wibuwa mi bunyaka. ⁹ Bua peny'anana,areke moto yi buwono ando ayingiyi dia bina buany'ando manimbi ma ngona ngona d'jiyi bikete dja miki punu u meyi, keke ka djatoko puany'ando Kristo ⁸ .Ishini bu ndjambe bua buikini bua shikimi kuyande u rutoto. ¹⁰ Keke a buini bu bayoro uyende. Kumu ndjara makumu mamakimi ando manono mamakimi. ¹¹ Uyande buyi bua wara bashowo kapa watoko u bora batu ubusa nono buabere Kristo. ¹² Bua wara bareye ando nde u batusemo ando bua wunuwo ando nde u mawshere ma bu nono bua Ndjambe ndjua umunu kuata u batu bawa. ¹³ Itango ra wara buinibawa ubube buini ando mabere shoro rutotot yanda ama mbukarsh'ando ndeu monyo aki amatshorumbushi u bube buiti bua bukimi. ¹⁴ Amashikira mbata shi mandimbi mini ando mikendje nyini nya pundu bande ishini buini ya ku bateya ndja bikimi, keke kuba koko arikirante mua weshshe. ¹⁵ Ya ku wororo manono ando makumu,keke ya kuba punushu u wororo wororo ando ku bueke bu nono ukata nte mua wesheshe. ¹⁶ Ndiyi ngosho reke mutu yi burumbushi shini bikete bidja ando di nyua ishini rushuwu ru iyororo ambe rua ngondo ayembe, mbe matuwu mi mambombo mi ba yuda. ¹⁷ Bikete ndjini dja bikimi dji irurumbu ra meyi mana ma miki u bosho,keke rutoto rua monyiyi u Kristu. ¹⁸ Keke bua rekere motu yono a ntshotoko u ya karash'ando meka rombo Banjero u butambara mpoto muini. Motu yono aninike u meyi mana ma manoko y'ande, keke amuaka moto ndjua amaka ya wondo ndjekenyi djande dji rutoto. ¹⁹ Y'ande ka ntsheke washira ndo ndjue, ndja nte dipoka ku ndjue , keke rutoko rua nyikiki ando rua nangaka ndo nyiri, kikake rutoto brua nangaka u mawangara ma Ndjambe. ²⁰ Mbe yar'ande bua ma wondo Kristu u bi kerere ndja bin'ashin'amana,ishin'yeke ateke bunu urworo ngo ba ku bukereshe u bunono u bina shini. ²¹ Areke bushuku , areke bua kiki ando riki bua kumunu. ²² Bikete ndjini dja bikimi,bishoto u ma kerere ma ndjndi puara yi marongo ando mayishi ma batu. ²³ Ubara bara meyi mana miyi u mishi ngo buanya bua kereke motu ya mene bua ya kindiyi , u manosho rutoto ntanda, keke ndja kapa nganga u nyingi shi rutoko.