¹ Petelo ntomo a boro Yezsu Kilisto wu ruwondo rua bora Ndjambe ndo muana nyiti Timote, ² Ubana baweshe ndo bane bamaya bayemene u Kilisto buyi wu Kolosko. Irere ndo sha bora ishiti Ndjambe djar'ando yini. ³ Tshuakarashaka maranga u bora Ndjambe , ishand'abora kuma yitu Yezu Kilisto, ndo tshua nomboko Ndjambe matuwu ma makimi ishini buini. ⁶ Tshuamara woko babi toto rueyi ru maweshe moni u Yezu Kilisto ndo ruwondo ruini rwiyi buin'ando rundu ishini bate ba bakimi bana bashika banda ikapa ishini Ndjambe. ⁵ Buiyi ndo ruwondo runu ngowo ishini imashikiri mini ma nteme mana miburondosho banda u kata riku. Bua woko babitoto bukoto rueyi runu shikiri ma nteme mana ngowo ukata rutoto rua bara-bara, rusanga rua rusheke rua wiyi u buini. ⁴ Rusanga runu rua rusheke rua bato ndomba ndo karu rua ngueteke muamana u shini ndja ikimi. Ruak'kere ayasha wu bunu to rushuwu ru bukoto runu rua ruwoko buini ndo ayebe buini rueyi rua ntshongo mua bora Ndjambe u bara-bara. ⁷ Ruiyi rusanga rua rusheke puara ini iruwoko buini u numbu mua bora Epafaza, mbayitu ndjua ngunu, ndjua ruwondo, yono ndiyua ayime mene busheke u wara muina ngunu ndjua bora Kilisto ishini biti. ⁸ Epafaza ama tshushosho ishini ruwondo ruini u kata Pungu a Ndjambe. ⁹ Ishini ruwondo runu utapa rushuwu runu rua woko biti, katshuatoko rembe u burombosho Ndjambe. Tshua nombok'ande buara bayarondo buyebere bu ruwondo ruanda ndo buanya bua bukimi aki bu wokoro bua meyi ma punga Ndjambe. ¹⁰ Tshuaburombosho butuwu ndo butuwu ando buiboko rende ipu rayemene ri rutono rua kumu, u nyakesha. yara tskuromb'ande buini buboto ndombo u makerere ma masheke aki bunanga u bu yebere bua Ndjambe. ¹¹ Tshuanomboshoko Ndjambe ishini buini uwara ba wi ndjwa u meyi ma makimi , ipu bunono bu rutono ruanda ukanda nteme ndo ukita nteme mua posho ndo bunyaka. ¹² Tshuanomboko Ndjamb'ando ishini buini ukarasha ngama-ngama shamba-shamba ubora tata yono aker'ande buara ruere ruwosho'ikapa riningowo raroriyi banda ishini bate bikini ba muanya. ¹³ Ama tshuwondjoro u bushowo bua muimini keke ya ku tshunishi u bukumu bua muan'ande ndjua ruwondo. ¹⁴ U muan'ande tshuiyi ndo mawondjowo ndo marimbishi mi mandimbi. ¹⁵ Muana yiyi irurumbu ra Ndjambe yono ameke monyowo. I ya ndjua bukoto ndjua aboto y'ande ukata biwangara ndja bikimi. ¹⁶ Ishin'ande y'ande iya wanga y'ande bikete dja bikimi djini djyi wu riki ndo ashina mana , djimi djamonyoko ndo djini djamereke monyiyi. djaraka nguasha ndja bukumu, rutono,u nyeke bate,mbe kurende bate keke ,bikete djini dja bikimi djakereme ku y'and ando ishini ya nde. ¹⁷ Awara ku busho bu bikete dja bikimi, bikete dja bikimi djiyi ishini y'ande ¹⁸ Keke yande yiyi ntshue u rutoto, runui ruiyi Ekelezia yiyi matapara ndo muana ndjua bukoto u ndenge bate bawa,yiya ndo riraka ri bukoto u ndenge bikete dja bikimi. ¹⁹ Ishin'ande djanyakasha Ndjamb'ande bundjambe buande bua bukimi.uyanda. ²⁰ Keke ikarasha bumbaya bikete dja bikimi ando nde u mboko abora muan'ande. Ndjambe ku barasha poro u makere mande ariki ra nte mua wesheshe. Ndjambe kukarasha bu mbaya ndo biket dja b bikimi ando y'and'amene, djaraka bikete djini dja ani ashina mana mbe ke djidjini djyi riku. ²¹ A buinu u matanga mawara, bua wara benyambanga u mishi ma ndjambe aki bina ikembe bande u djengeyi djini ando makerere mini ma mabe. ²² Ane ngama -ngama,amakarasha bumbaye ando nde u iwa rande rutoko ru bumoto. Irukere ishin'ande ibupunushu bate bikimi,bibere wara ndo rueyi ruroro ariki ra bande u mishi mande. ²³ Buyar'ande buiyi ku bata maweshe, babeka nyiri, bayembete ubere shotosho mabakara mini ma nteme mi rusanga rua woko buni. Rusanga rua rusheke ruiyi ishini moto ndjua nkimi awanga banda ani shini. Keke ruyi rusanga rua rusheke runu ruiyi miyi polp, awimiyi ndjandja a rundu. ²⁴ Kekangowo ndjua ndo bunyaka ukata mitanda ya monosho miyi ishini buini . Keke ra nyeme sheke u rutoto ruama djimi dja shara u mitanda nya Kilisyo ishini ruwondo ru rutoko ruande ruiyi Ekelezi'nde. ²⁵ Djyi ishini Ekelezia yini yiyi imi Ngandjambe ipu ri burita buapeka Ndjambe ishini buini miyi utoto ikamba ra Ndjambe. ²⁶ Djiyi rueyi rua bara-bora ruashuye bande bituyi ndo mitiyi oki kumbu ndo kumbu sha buiki keke ngama-ngama ane rueyi rua bara-bara rwyi rua shorowa u bora banda bangueshe y'ande. ²⁷ Djyi ku banda Ndjambe aweshe y'ande ushundju bunene bu rutoto rua bara-bara bunu bua shuama u ndenga a bate bana bere ngueshe. Runu rwi Kilisto u kata yini,mashibiri manteme buni u rutono miki u bosho. ²⁸ Yono djua antotoko bite. Tshuanomboko moto ndjua nkimi ndo tshuanyshiki moto ndjua nkimi u buanya bua bukimi ishini ushundju moto ndjua nkimi y u wara ndjua yemene ukata Kilisto. ²⁹ Ishini rueyi ru nungowo nda kereke ngunu mua munono ndo ranaka minyi itumbu, ando bunono bua nkereke ngunu ukat'ame.